"Ана біздің күніміз" атты ертеңгілік

Ана-біздің күніміз.

Ұлдар мен қыздардың қолдарында гүлдермен әуенмен залға кіреді.

Би: «Гүлдер»

Жүргізуші:

Біз ғана емес, қадір тұтқан бабалар.
Аналардан туған небір даналар.
Ана деген тіршіліктің тірегі,
Армысыздар, қасиетті аналар!
Қайырлы күн, қымбатты -әжелер, аналар, арулар! Көңілдеріңізге көктем шуағындай сезім мен нұр құйып, тағы да 8 - наурыз халықаралық әйелдер күні келді. Осынау көркем мерекенің қай кезде де орны бөлек. Олай болса «Қарлығаш тобының» «Ана- біздің күніміз!» Атты ертеңгілігін ашық деп хабарлаймыз.

Диасыл :

Наурыздың бүгін сегізі,

Сұлулықтың негізі.

Әдемі сөз адамның,

Анаға айтар лебізі.

Алихан:

Сендерден өскен балалар,
Батырлар мен даналар.
Құттықтаймыз мейраммен,
Құрметті, біздің әжелар!

Рауан:

Анасыз жоқ бір күнің

Әжесіз жоқ бір күнің

Ұсынамыз біз бүгін

Сізге сұлу шоқ гүлін.

Арман:

Әр сөзімді жаттаған,
Жүрегімде сақтаған,
Анашым деп мақтанам,
Айналайын ақ мамам.

Ән: «Мерекеңмен анашым» хор

Тақпақтар

Салтанат:

Жер бетінің ғұмыры,

Күн нұрымен арайлы.

Біздің үйдің жылуы,

Анамыздан тарайды

С. Інкәр:

Айтсаң болды тіл алам,

Әйбат мамам, ай – мамам.

Сені көрсем қуанам,

Сен керексің қайда да.

Айару:

Менің әжем ,жыр әжем

Шуағы мол нұр әжем,

Ақ таяққа сүйеніп

Аман есен жүр әжем

Еркеназ Ернияз:

Анаң болса қасында
Басқа бақыт не керек
Аналардың жүрегі
Мейірімді ғой керемет

Тамерлан:

Мәпелейсің мені анам,
Қолыңдағы құсыңдай
Құлпыра өсіп дем алам
Құшағыңда қысылмай

Е. Алинұр:

Ана біздің күніміз
Ана біздің гүліміз.
Ұландарды қуантып,
Ұзақ өмір сүріңіз

Жүргізуші: - Балалар, назар салып тыңдаңдаршы,

Жұмбақ

Қар мұз еріп,

Су көбейіп,

Сай салада ағады.

Бүршік шашып,

Жапырақ ашып,

Гүл бәйшешек тағады.

Айтыңдаршы балалар

Бұл қай кезде болады?

Балалар: Көктемде.

Жүргізуші: - иә, көктемде бізге келе жатыр.

Көктем әуенмен кіреді.

Көктем: - Наурыз айы көктеммін,

Күлімдеп тұрар көкте күн.

Жайқалтып жасыл далама,

Жылулық нұрын төккенмін.

-Сәлеметсіздер ме, сұлу қыздар, аналар мен әжелер! Бүгінгі мерекелеріңізбен құттықтаймын!

Жүргізуші: - рахмет көктем ханшайымы, енді бізбен бірге бол, төрлет!

Жүргізуші:

Шалқып, тасып әніміз
Жадырасын жанымыз,
Ана, сені құттықтап,
Әндетеміз бәріміз

Ән: «Көктем келді.» хор

Айсұлу :

Аман болсын басыңыз,

Ағармасын шашыңыз.

Шөбере сүйіп әлі де,

Жүзге жетсін жасыңыз.

Камила:

Анам менің сүйіктім
Тек өзіңе табынам.
Қасымда жүрсең биікпін, 
Алыстасаң сағынам.

Нұрай:

Бізді өсіріп баптаған

Жақсы болсаң шаттанған

Алтыным-деп шаттанған

Айналайын ақ мамам.

Жарқын:

Ана біздің күніміз
Ана біздің гүліміз.
Ұландарды қуантып,
Ұзақ өмір сүріңіз

Арнұр:

Ақ анашым, аппағым,

Өзің жайлы тақпағым,

Өзің жайлы әнім де,

Арнадым саған бәрін де.

Би: «Ұлдар биі»

Көктем: Тамаша өнерлі екенсіңдер. Мен хош иісті гүлдерді жақсы көрем. Сол себептен мен сендерге гүл жинау ойынын алып келдім. Мынау менің қолымдағы гүлдердің күлтешелерін жинап әсем гүл жинауларыңды сұраймын.

Ойын: «Гүл жинау»

Шарты: Екі топқа балалар бөлінеді, бір топ қызыл күлтешеден гүл жинайды, ал бір топ сары күлтешеден гүл жинайды.

Көктем: - Ойынды өте жақсы ойнайды екенсіңдер!

Көңілді музыка ырғағымен Сайқымазақ кіріп келеді.
Сайқымазақ: Сәлеметсіңдерме, достар! Сәлеметсіздерме, қымбатты ата-аналар!

Жүргізуші: Сәлеметсіңбе, сайқымазақ!

Сайқымазақ: Менің атым Тили Вили. Мен сендерді сонау Америкадан кұттықтауға келдім. Хелоу! Хелоу! Хелоу! ( балалардың қолынан ұстап амандасады).

Сайқымазақ: Ал мен әнді жақсы айтамын, маған микрофон беріңіз, моэстро музыку. (музыка ойнайды, сайқымазақ ырғағына қарамай біресе төмен, біресе жоғары айтады)

Жүргізуші: Тили Вили сен босқа өз тамағыңды шаршатпа. Оданда біздің балалар ән айтып берсің жарайды ма?

Сафина:

Менің әжем, жыр әжем

Шуағы мол нұр әжем

Ақ таяққа сүйеніп,

Аман-есен жүр әжем.

Еркежан:

Менің әжем мейірбан,
Мені жақсы көреді.
Қажетіне жарасам, 
Жас балаша күледі. 

Айару:

Менің әжем ,жыр әжем

Шуағы мол нұр әжем,

Ақ таяққа сүйеніп

Аман есен жүр әжем

Ән : «Әже». хор

Сайқымазақ: . Біз көп ойындар, әндер де, билер де білеміз, және біз фокустар көрсете аламыз. Сендерге де қазір фокус көрсетеміз.

Фокустар: Саусақпен. Саусақты жұтып алады. Қазір мен сендерге ( Бір гүлді алады да)  осы гүлмен сыйқыр көрсетемін.

Гүлді қорапқа салып, айтады: «Қазір осы гүлбасқа бояумен боянады». Шығарса,сары түсті боянбапты. Ой, неге боянбайды.

Жүргізуші: Сиқырлы сөздерді айту керек қой. Балалар, қандай сиқырлы сөздерді білесіңдер. Қәне бәріміз бірге айтайық.

Сайқымазақ: Фокус, мокус. (Қораптың ішіне қараса, ішінде қызыл гүл жатыр екен.`Балалар, қараңдар гүліміз қызыл түске айналды.

Би: «Қызғалдақ »

Ойын: « Өз балаңыздың дауысын тап»

Сайқымазақ: Фокус көрсетеді (Қораптың ішіне қараса, ішінде кәмпиттер жатыр екен.`Балалар, қараңдар гүліміз кәмпиттерге айналды.Балаларға кәмпиттер таратылады.

Жүргізуші:

- Анасыздар, әр үйге панасыздар,
Бала десе от болып жанасыздар.
Сәтті басса ұрпағың,- мерей тасып,
Қыз күлкісін сусын қып қанасыздар.

Әр үйдің Күні десе, лайықсыздар – бүгінгі шағын ертеңгілігімізді аяқтай келе, балаларымыздың қолымен жасаған сыйлықтарын қабыл алыңыздар!

КМҚК «Дәншік »балабақшасы

«Ана-біздің күніміз» атты ертеңгілік

2 сәбилер «Қарлығаш» тобы

Тәрбиешілер: Корпешова.Ш.Т

Маут.Риза

Саз жетешкісі: Бекмұрат Айжан

Самар ауылы 2017 оқ жылы