"Алтын күз" мерекелік ертеңгілік жоспары

Алтын күз

Мақсаты: Күз мезгілінің ерекшеліктерін ұғындыру. Күз өнімдерімен таныстыру, олардың ағзаға пайдасын түсіндіру. Мерекелік көңіл – күй орнату. Балаларды ән салуға, би билеуге, түрлі іс - әрекеттерге тарту, бейімділіктерін арттыру. Шығармашылық ой - қиялдарының дамуына ықпал ету. Ата - аналар қауымымен тығыз қарым – қатынас қалыптастыру.
Көрнекілігі: безендірілген зал, көкөніс пен жемістердің костюмдары, ертегі кейіпкерлердің маскалары, таырыпқа сай музыка
Барысы: фанфары

Жүргізуші: Келді міне алтын күз,
Сары шашты жарқын жүз.
Мол өнімді ісімен,
Таңдандырып халқын күз.
Армысыздар, ағайын, Сәлеметсіздер ме, қадірлі қонақтар! Бүгінгі «Балапан» тобының дайындаған «Берекелі алтын күз» атты ертеңгілігіне қош келдіңіздер!

Сіздерге әрқашан осы күз мезгіліндегідей молшылық тілейміз! Ал балалар, берекелі де ырысты алтын күз құрметіне арналған мерекемізді бастаймыз.
Жүргізуші: Балалар, тыңдандаршы, бұл не шу? Алтын күз музыкасы

(Осы кезде әдемі әуенмен Күз ханшайымы келеді. Қолында жеміске толы себет, үсті толы сары жапырақ, басында жеміс тағылған әдемі бас киім.
Күз ханшайымы: Сәлеметсіздер ме балалар!
Балалар: Сәлеметсіз бе!
Күз ханшайымы:

Уа, халайық, дархан далам армысын.
Табиғатым,жаны жайсаң тал мүсін.
Ханшайымы күздің бүгін келіп тұр,
Алмақшы боп бар халқымның алғысын

Жүргізуші

Қазір күз мезгілі түсті ғой,
Жемістер де, көкөністер де пісті ғой!
Қоймаға қоңырау шалайық
Күз өнімдерін осында алдырайық!
Күз ханшайымы.

Дұрыс айтасың! (Қалта телефонымен қоңырау шалады)
- Алло, алло! Қойма ма?
Бізге жемістер мен көкөністер керек
Машинаға тиеп жіберіңіз
Мүмкін болса тезірек!
(Машинаның дыбысы естіліп, руль ұстаған жүргізуші бала жемістер мен көкөністерді «тиеп» алып келеді)
АлинарАлма: Мен - алмамын, алмамын
Таңдандырар бал дәмім
Пісіп толдым, мінекей!
Баптап ерек бағбаным
Сержан Картоп: Мен картоппын, картоппын
Бір қарасаң - доппын?!
Немен жесең де жағам
Мені қоссаң тәтті болар тағам!
Амир Қызанақ: Менің атым - қызанақ
Тұзды сеуіп молырақ
Банкілерге салыңыз
Аузын мықтап жабыңыз

АлиханСәбіз: Өсіретін бойыңды, 
Дамытатын ойыңды. 
Қоянға да азықпыз, 
Сәбіздерміз жазықсыз!

 Тәрбиеші:
Жиылған қауым, армысыздар, бәріңіз!
Келіп жетті алтын дәнді сары күз.
Бірге болып қуанышта бәріңіз.
Бізбен бірге шаттық әнін салыңыз!

«Кап-кап, түк-түк-түк» әні

Ойын «Кім жылдам?» веселая музыка
 «Түрлі-түсті жапырақтар» ойынын ойнағым келіп тұр.

Ойын шарты:мен жерге,сары және жасыл түсті жапырақтарды шашамын, ал сендер оларды екі себетке бөліп жинайсыңдар. Қай топ, жылдам болатынын көрейік. Олай болса бастаймыз. (Балалар жапырақтарды жарыса жинайды).

Тәрбиеші. Ал, балалар, Күз ханшайымын шығарып салудың уақыты да елді. Бірақ Күз бізбен әлі қоштаспайды. Біз далаға серуенге шыққанда онымен кездесеміз.

Ханшайым кетеді.

Тәрбиеші.

Балалар, мен сендерге жұмбақ жасырайын.
1. Ағайынды бәрі,
Шықса жасыл
Түссе - сары. Бұл не? /жапырақтар/
2. Бір аяғы,қалқиған қалпағы бар.

Ағаш түбінде тұрағы бар.

Ол не балалар? /саңырауқұлақ/

Дұрыс, сіздердің назарларыңызға «Саңырауқұлақтар» биі

«Саңырауқұлақтар» биі

Жүргізуші: Берекесін сыйлауға,
Өлкемізге күз келді.
Жемістерін жинауға.
Шақырады біздерді.
( Осы кезде әуен ойналып Шалқан ертегісі басталады.)
Тәрбиеші: Ерте, ерте, ертеде. Бір кемпір мен шал өмір сүріпті. Олар үй шаруашылығымен айналысыпты. Ата есіктің алдына шалқан егіпті. Күндердің бір күнінде шалқан күнің ыстық сәулесімен үлкен болып өсіпті. Осы кезде Атай шалқанға тамсанып қарайды.
АлинарАта: Ой бәрекелді, менің еккен шалқаным үлкен болып өсіп қалыпты ғой.
Тәрбиеші: Осылай ата енбегіне қуанып шалқанды тартпақшы болады. Әрі тартады, бері тартады шалқанды жұла алмайды.Сөйтіп көмекке кемпірін шақырады.
Ата: Ойбай,шаршап кеттім, белім де ауырды. қой көмекке, кемпірмді шақырайын.
Кемпірім, кемпірім,келші қарашы шалқанымыз үлкен болып өсіпті, жалғыз өзім тарта алмай қалдым.Кел екеуміз бірге тартайық.

Ильназ Кемпір: Ой шынында да, үлкен болып өсіпті ғой, кел тарсақ тартайық.
Тәрбиеші: Осылайша атаның артынан ұстап әрі тартады. Бірақ шалқанды орынан қозғалта алмайды. Кемпір қызың көмекке шақырады.
Кемпір: Қызым, қызым, бізге көмекке келші. Атаң еккен шалқанды жұла алмай жатырмыз.
Қыз: жарайды, апа, сізге көмектесейін.
Тәрбиеші: қыз көмекке келіп, шалқанды рет ретімен тартады. Бірақ күштері жетпейді. Сонымен көмекке итін шақырады.
Қыз: Ақтөс, ақтөс, көмекке келші.
Рауан Ит: Аф, аф, аф, көмектес, десендер көмектесейін.
Тәрбиеші:Ит қыздың етегінен, қыз кемпірдің етегінен, кемпір шалдаң, шал шалқаннан ұстап ары тартады, бері тартады, бірақ шалқанды суыра алмайды. Енді ит көмекке ит мысықты шақырады.
Ит: мысық, мысық бізге көмекке келші, атам еккен шалқанды жұла алмай жатырмыз.
Сержан Мысық: мияу, мяу, көмектесіп жіберейін.
Енді мысық көмекке тышқанды шақырады.
АинаТышқан: әрине көмектесіп жіберемін.
Олар, тарта, тарта шалқанды суырып алады.

көңілді музыка

Начало формы

Жүргізуші: Күздің кереметі,байлығы өте көп. Біздің дастарханымыз дәнді дақылдарға, көкөністерге, жеміс-жидектерге толы болады, бірақ осы байлыққа жету үшін, көп енбек ету керек. Сондықтан сіздер енбекшіл, болуларыңыз қажет. Бүгінгі күз мерекесін жақсы тойладық.Әр отбасына бақ, береке әкелсін! Осымен «Алтын күз» атты ертеңгілігіміз аяқталды, сау болыңыздар!