«Айналайын, ана!» атты аналар мерекесіне арналған ертеңгілік

«Дән» балабақшасы

«Айналайын, ана!» атты аналар мерекесіне арналған ертеңгілік

«Бөбек» сауықтандыру тобы

Тәрбиешілер: Шулембаева Ж.С.

Курманбаева А.Н.

Жақсы кенті

2019-2020 оқу жылы

Жүргізуші: «Айналайын, ана!» - деп «Бөбек» сауықтандыру тобының бүгінгі 8 наурыз халықаралық аналар, әжелер, апалар мерекесіне дайындаған мерекелік ертеңгілігімізді бастаймыз.

Жүргізуші: Құттықтау сөз кезегі «Дән» балабақшасының меңгерушісі Исмайлова Адеми Хамитбековнаға беріледі.

Ортаға балалар кіреді.

Ән: «Әрқашан күн сөнбесің».

Жүргізуші: Ал енді келесі тақпақтарымыз аналарға арналған.

Нурислам.

Анам, анам, ақ анам,

Мен өзіндей ақ балаң.

Айтқан тілінді аламын,

Жұмсағанда барамын.

Алихан.

Әлпештеген, аялаған,

Ақ сүт берген апатайым.

Сәлем жазып бүгін саған,

Мейрамыңмен құттықтаймын.

Мені жақсы көреді,

Күндей күліп келеді.

Көп ертегі біледі,

Маған айтып береді.

Амирлан.

Ақ анашым апағым,

Өзің жайлы тақпағым.

Өзің жайлы әнім де,

Арнадым саған бәрің де.

Айлин.

Біз доспыз гүлдермен,

Текке оны жұлмаймыз.

Той күні бір-бірден,

Аналарға сыйлаймыз.

Ерасыл.

Ақ сүт беріп аялап,

Өсірген менің ақ анам.

Түнде оянып ұйықтатқан,

Мені ойлаған ақ анам.

Амир.

Бабушка любимая,

Самая красивая.

Руки золотые,

Глазки молодые.

Ақбаян.

Бізге қарап елжіреп,

Сүйсе беттен күнім деп.

Құшақ ашса келші деп,

Жүгіреміз күлімдеп.

Аяла.

Ана пана,

Ана дана.

Өмірге әкелетін,

Ана ғана.

Мирас.

Анамды мен жақсы көрем,

Айтқан тілін алып жүрем.

Қасымда апам жүргенде,

Шаттанып ойнап жүрем.

Тимур.

Біз доспыз гүлдермен,

Текке оны жұлмаймыз.

Той күні бір-бірден,

Аналарға сыйлаймыз.

Ортаға музыка әуенімен Көктем келеді.

Көктем: Мен көңілді көктеммін,

Былтырда келіп кеткенмін.

Құшағым гүлге толсын деп,

Нөсерімді төгемін.

Барлықтарыңызды мерекелеріңізбен құттықтаймын. Денсаулық, қуаныш, сұлулық тілеймін.

Жүргізуші: Сәлеметсіз бе! Көктем біздің шақыруымызды қабыл алып мерекемізге келгеңізге рахмет.

Жүргізуші: Құрметті қонақтар, аналар мен әжелер! Сіздерді көктемнің келуімен және бірге келетін алғашқы көктем мерекесі 8 Наурыз халықаралық әйелдер күнімен құттықтаймыз.

«Жаным» дейсің мені,

Жаратушым – бір сен.

Жалғыз өзің, тегі

Жанашырым білсең.

Көктем: Мен қалай келмеймін. Бүгін сондай керемет күн – әжелер мен аналар мерекесі. Балалар мен сендердің әже аналарының есімдерін білгім келеді.

Жүргізуші: Әрине, біздің балалар әже, аналарының есімдерін біледі.

Көктем: Қандай керемет есімдер көп көп рахмет балалар сендерге.

Осы кезде көктемнің телефоны шырылдайды.

Көктем: Алло. Қазір ұшып келемін. Мінеки, балалар менің басқада жұмыстарым бар. Маған кетуім керек. Бірақ мен сендерге босқа келмедім. Мен сендерге гүлді тарту етемін. Сау болыңыздар!

Көктем кетеді.

Жүргізуші: бүгінгі мерекеде аналарымыздың құрметіне би билеп берейік.

Қыздар биі: «Матрешка».

Ойын: «Аспазшы».

Шарты: Балалар аналарына картопты екі қасықпен апарып береді. Ал аналар картопты үзбей ашу керек.

Жүргізуші: Біздің ұлдарымыз дайындаған билерін қабыл алыңыздар.

Би: «Джентельмен».

Ойын: «Кім тез жайлыққа қуыршақты орайды» ата-аналармен.

Ән: «Мамина улыбка».

Балалар аналарына дайындаған сыйлықтарын табыс етеді.

Жүргізуші: Осымен ертеңгілігіміз аяқталды, тамашалағандарыңыз үшін рахмет. Сау болыңыздар!