Ана өмір шуағы

Ана өмір шуағы

(ясли тобы)

Әсем безендірілген залға әдемі киінген балалар музыка ырғағымен жұптасып кіреді.

1 – жүргізуші: Сәлеметсіздер ме, құрметті Асыл – аналар, ақ жаулықты әжелер және қонақтар! Сіздерді 8 – наурыз аналар мерекесімен құттықтаймыз. Сіздерге зор денсаулық, ұзақ өмір тілейміз.

2 – жүргізуші: Сіздерге әлемнің нұрын, өмірдің гүлін, көктемнің шуағын тілейміз.

1 – жүргізуші: Балалар, біз аналар мерекесіне арналған «Құттықтаймын мама» әнін орындап берейік. 

2 – жүргізуші: Балалар, бүгін бізде қандай мереке? (Аналар мерекесі). әрине, Аналар мерекесі, ендеше осы асыл аналарға арналған тақпақтарға кезек берейік.

Аяла:                                                         Нәдір:

Айтсаң болды тіл алам,                           Ақ анашым, аппағым,

Әйбат анам, ақ анам.                               Өзің жайлы тақпағым.

Сені көрсем қуанам,                                Өзің жайлы әнім де,

Сен керексің қашанда.                             Арнадым саған бәрін де.

Хақназар:                                                  Жанеля:

Сенен өскен балалар,                               Мейірімді сымбатты,

Батырлар мен даналар.                             Қадірменді қымбатты.

Құттықтаймын мейраммен,                     Ең жақын жан балаға,

Құрметті аналар.                                       Кім десеңдер, ол Ана.

Мадина:                                                     Кенжебек:

Ең қымбатты өмірде,                               Шалқып, тасып әніміз,

Ана екенін біліңіз.                                    Жадырасын жанымыз.

Ана жанын түсініп,                                  Ана сені құттықтап,

Ойнаңыз да күліңіз.                                 Әндетеміз бәріміз.

1 – жүргізуші:

Көктем, көктем, көктемде,

Құстар келіп жеткенде.

Қуанып біз қаламыз,

Әнмен қарсы аламыз.

Деп ортаға Көктемді шақырайық.

Көктем:

Табиғатты оятып,

Бүкіл жерді көгертіп.

Сендерге мен асықтым.

Балаларды сағындым.

Сәлеметсіңдер ме, балалар!

Аяулы аналар мен әжелер.

Мерекелеріңіз құтты болсын!

2 – жүргізуші: Көктем, балалар сені сағына күтті, сондықтан қазір өнерлерін көрсетеді, аналарына арнап тақпақтарын айтып береді.

Меруерт:                                                     Алдияр:

Біз доспыз гүлдермен,                               Ұл, қызына ерген,

Текке оны жұлмаймыз.                              Немереңбіз, әже.

Той күні бір бірден,                                    Немереңнен ерген,

Аналарға сыйлаймыз.                                 Шөбереңбіз, әже.

Амир:                                                            Санжар:

Ананың біз гүліміз,                                     Құлыным деп мені,

Ана біздің күніміз.                                      Құшақ ұштың дәйім

Ұландарды қуантып,                                   Қамқоршым ау сені,

Ұзақ өмір сүріңіз.                                        Қалай ұмытайын, айналайын ана!

Тамирис:                                                       Исен:

Теңдесі жоқ данасың,                                  Менің әжем, ақ әжем,

Арқа тұтар панасың.                                    Ұл мен қыздың бағы әжем.

Еңбегіңді ақтайын,                                       Ертек айтып бер десең,

Аман болшы анашым.                                  Айтып берер тағы әжем.

Тұрар:

Баланың да тірегі,

Дананың да тірегі.

Шаршамайсың ешқашан,

Аналардың жүрегі.

Көктем: Жарайсыңдар, балалар, рақмет сендерге. Ал мен сендермен ойын ойнағым келіп тұр.

Ойын: «Гүл шоғын жинау».

Көктем: Рақмет, балалар, мені енді басқа балалар күтіп отыр. Сау болыңдар.

(Көктем кетеді).

1 – жүргізуші: Ал енді, балалар, біз аналарға тағы бір ән айтып берейік.

 Ән: «Көңілді саусақтар».

(Әуен ырғағымен Карлсон келеді).

Карлсон: Сәлеметсіңдер ме, құрметті аналар, әжелер және балалар! Балалар мен сендермен би билегім келіп тұр.

«Сылдырмақ биі».

Карлсон: Жарайсыңдар, балалар, қалай жақсы билейсіңдер.

2 – жүргізуші: Иә, Карлсон, біздің балалар өте өнерлі, тақпақты да жақсы айтамыз. Балалар, аналарымызға арнап тақпақ айтайық.

Аружан:                                                       Темірлан:

Әлпештеген, аялаған,                                 Аналарды сүйеміз,

Ақ сүт берген апатайым.                            Сөзін ойға түйеміз.

Сәлем жазып бүгін саған,                           Әжені де ардақтап,

Мерекеңмен құттықтаймын.                      Әдеппен бас иеміз.

Альбина:                                                       Ибрахим:

Бауырсақ шайнап жегізген,                        Мерекені қарсы алып,

Жал десем жал берген.                                Мәз болады барша жұрт.

Аялап ана емізген,                                       Гүл ұсынып анаға,

Аяулы анам аман бол.                                 Бердім өзім ән салып.

Жолан Ерасыл:                                             Айша:

Анам менің ақ анам,

Балын маған сақтаған.

Әнін маған сақтаған,

Бәрін маған сақтаған.

Карлсон: Балалар, бізге қонақ келе жатқан сияқты.

Жүргізуші: Иә, дұрыс айтасың, бізге қонаққа тауық келе жатыр.

Тауық: Мен балапандарымды жоғалтып жүрсем, олар мында мерекені тойлап жатыр екен ғой. Келіңдер, би билейік.

Би: «Балапан биі».

(балалар тауықтың артынан еріп залдан шығып кетеді).

Жүргізуші: Құрметті аналар, әжелер! Осымен «Аналар өмір шуағы» атты ертеңгілігіміз аяғына жетіп қалды. Сіздерге тілейтінім дендерің сау, әрқашан ккүннің нұрындай жайнап жүрулеріңізді тілейміз.Аман сау болыңыздар.