Көз - көру мүшесі

Тақырыбы: Көз – көру мүшесі.
Мақсаты: Көздің қызметі жайлы түсінік беру.
Міндеттері:
1)Көз арқылы қоршаған ортаны сезіну, тану жолдарын атап шығу.
2)Көз ағзаларын қорғау ережелерін бағалау және оның түрлерін бағалау.
3)Көзді қорғаудың жаңа жолдарын топ ішінде анықтап ойластыру.
Құрал-жабдықтар: слайд, оқулық, жұмыс дәптері, мақал-мәтелдер мен жұмбақтар, қажетті суреттер.
Сабақтың барысы:
Сабағымыздың тақырыбы «Көз – көру мүшесі».
ІІ. Жаңа материалды түсіндіру (сұрақ-жауап арқылы).
- Көз дегеніміз не?
- Көздің қызметі қандай?
- Көз болмағанда не істер едік?

Көру мүшесі - Кірпік


Нұрдың ұясы Көз Таразы Көздің қорғанышы


Дүниенің айнасы Сезім мүшесі Қас Қабақ

ІІІ. Оқулықпен жұмыс.
- Алдымен оқушыларды үш топқа бөлеміз:
1 топ – Кірпік, 2 топ – Қас, 3 топ – Қабақ.
Тапсырма:
Көзді дұрыс күте білу ережелерін оқып, талдау.
1 топ – Кірпік:

1)Жазғанда жарықтың сол жақтан түскені дұрыс. Оқығанда кітап, дәптер көзден 30-35 сантиметр қашықта болуы керек.

2)Жатып оқу, жазу, алагеуім жарықта оқыған көзге зиян.

3)Күн сәулесі, электр шамының жарығына тік қарауға болмайды. Көздің жанарын әлсіретеді. Жасыл түстер көзге пайдалы.

2 топ – Қас:

1)Көзді қолмен, кір орамалмен сүртуге болмайды, түрлі микробтар түсуі мүмкін.

2)Көзді үшкір заттардан сақтаңдар. Қолыңда ұзын ағаш, қайшы, пышақ болғанда жүгірме. Ауыр жарақат алса, көз қалпына келмейді, адам өмір бойы соқыр болып қалады

3)Теледидарды ұзақ қарама. Экраннан 3-6 метр алыс отыру керек.

3 топ – Қабақ:

1)Көлікте келе жатып кітап оқыма. Көз тез шаршайды.

2)Егер ұзақ оқу керек болған жағдайда, әрбір 20 минут сайын көзді демалдыру қажет.

3)Егер көзіңнің көру қызметі нашарласа, ата-анаңа айтып, уақытында емдет.

IV. Сергіту сәті.

Көзбен жақсы көреміз,
Көңілді тату жүреміз.

Қай жаққа мейлі қарасаң,
Керек қой білім әрқашан.

V. Дәптермен жұмыс.

1-тапсырма: «Мақал-сөздің мәйегі»
Әрбір топ өз дәптерлеріне бір мақалдан жазып, оның мағынасын ашады.
1 топ – Кірпік: 2 топ – Қас:
«Көз таразы, көңіл-қазы». «Көз – нұрдың ұясы,
Көңіл – сырдың ұясы».
3 топ – Қабақ:
«Көңілдегі сырды көз білдіреді».
2-тапсырма: «Ой-қиял».

Өздерінің көру гигиенасының ережесін ойластыру. 3-4 минуттан кейін әр топ өз жұмыстарымен таныстырады.

VI. Қорытынды.
Суретке қарай отырып, оған қорытынды жасау.

VIІ. Үйге тапсырма.
Мәтінді оқып, сұрақтарға жауап беру. Өз таңдаулары бойынша адам немесе жануар көзінің суретін салу.

VIII. Бағалау.