"Қызық екен".

«Қызық екен...»

Күні: 12.02.2018 жыл

Мақсаты: телевизиялық шоу негізінде ұйымдастыру арқылы оқушылардың пәнге қызығушылықтарын арттыру, білімдерін жан-жақты дамыту

«Қызық екен...» әлемге танымал «Fremantle media» компаниясының жаңа өнімі. Бұл интеллектуалдық ойын-сауықтық бағыттағы телевикторина. Ойын екі топ арасында өтеді. Әр топ берілген сұраққа жауап беру арқылы ақшалай сыйлыққа ие болады.

Біздің бүгінгі ойынымыз осы телевизиялық шоу «Қызық екен» бағдарламасы негізінде өткізіледі. Ойынға 8-сынып оқушылары қатыспақшы. Ойын 8 – сынып оқушыларынан құрылған екі топ арасында өтеді. Қойылған сұраққа әр топ дұрыс жауап беру арқылы ұпай жинайды.

Ойынның толық сипаттамасы: Әр топтың топ басшысы болады. Залда ойыншыларды қолдап келген жанкүйерлер  болады. Ойын барысында екі  топқа 12 тақырып бойынша сұрақ қойылады. Сұрақтың 3 жауап нұсқасы бар. Дұрыс жауап сюжет, презентация немесе видео-презентация түрінде беріледі. Сонымен қатар тәжірибені қажет ететін сұрақта кездеседі. Ал оның дұрыс жауабын арнайы кейіпкеріміз аудиторияда тәжірибе жасап көрсетеді.  Сұрақтар әрқилы болуы мүмкін. Алайда бүгінгі ойын сұрақтарының көп бөлігі биология пәнімен байланыстырылды Топ көп сұрақтың дұрыс жауабын тапса, ұпайы да еселене түседі.

Негізгі 12 тақырыптан соң, финал ойнатылады, яғни 13 сұрақ қойылады. Финалда кезінде әр топ жинаған ұпайын сұраққа тігеді. Бірақ қарсыластар қанша ұпай тігілгенін білмейді. Екі топқа ортақ сұрақ қойылады. Сұраққа жауап беру үшін 20 секунд беріледі. Егер топ дұрыс жауап берсе, бәс ретінде тігілген ұпайы негізгі ұпай санына қосылады. Қате жауап берсе, жинаған ұпайы күйіп кетеді. Қай топтың жинаған ұпайы көп болса, сол топ жеңіске жетеді.  «Қызық екен...» - балаға да, қариялар мен жастарға да тың ақпарат алуға және демалуға мүмкіндік беретін шоу.

1Табиғат ғажайыбы

“Құралайдың салқыны” қай айда болады?

а) маусымда б) мамырда с) сәуірде

2Анатомия

Инсулин жетіспегенде болатын ауру?

а) қант диабеті б) мекседема с) базет

3Жануар

Мүлде ауырмайтын жануар?

а) су сиыр б) кенгуру с) акула

4Химиялық элемент

Атақты американдық экономист Смит осы зат туралы былай деген екен: «Бұл заттың қажеттілігі соншалықты, онсыз өмір сүру мүмкін емес және өте арзан, ал өмірге ешқандай да пайда келтірмейтін алмас өте қымбат бағаланады». Бұл қандай зат?

а) ауа б) су с) тамақ

5Тәжірибе

1 стақан суға 1 шәй қасық крахмалды араластырып, оған бір тамшы йод қосса су қандай түске боялады?

а) қызыл б) күлгін с) күрең қызыл

Тәжірибе көрсету

6Құстар

Қорғалжын қорығында тіршілік ететін бұл құс сол қорық тың ұйымдастырылуына себеп болған су құсы. Қазақстанның Қызыл Кітабына тіркелген.

а) қоқиқаз б) таус с) тауық

7Өсімдік

Индонезияның Ява аралында бір түрлі «Янбай» деп аталатын ағаш бар. Бұл атау нені білдіреді?

а) кір кетіргіш ағаш б) қан сорғыш ағаш с) адам жейтін ағаш

Индонезияның Ява аралында бір түрлі «Янбай» деп аталатын адам жейтін қорқынышты ағаш бар. Жайшылықта бұл ағаштың бұтақтары шұбалып, жайылып жатады. Ал адам болсын, аң болсын байқамай бұтақтың біріне тиіп кетсе, ағаш бұтақтары әп-сәтте шырмап алады. Сондай-ақ ағаш бұтақтарынан жабысқақ сұйықтық ағып, шырмалған денені ірітіп жібереді. Соңынан бұтақтарын қайтадан жайып, келесі орайды күтеді екен.

8Әртүрлі сұрақтар

Сникерс өнімі 1930 жылы АҚШ-ғы Чикагода Mars Incorporated компониясы негізінде фабркада шығарылған. Бұл шоколад фабрикасының иесі АҚШ-ғы кондитер Франк Марс есімді адам болған. Кондитер Ф.Марс шоколадқа өзінің сүйікті үй жануарының атауын берген. Ол қандай жануар?

а) жылқы б) мысық с) ит

9Спорт

Әлемде ерекше спорт түрлері бар. Солардың бірі – бампербол. Бампербол мына ойындардың қайсысына ұқсайды?

а) баскетбол б) волейбол с) футбол

10Қазақ ғарышкерлері

Екеуі де қазақтан шыққан ғарышкерлер. Екеуі де Армавир жоғары әскери ұшқыштар училищесінің түлектері. Екеуінің де туған күндері – 27 шілде. Олар кімдер?

а) Тоқтар Әубәкіров пен Талғат Мұсабаев

б) Тоқтар Әубәкіров пен Айдын Айымбетов

с) Талғат Мұсабаев пен Айдын Айымбетов

11География

Орта Азия мемлекеттерінің ішінде қызғалдақ пен алманың отаны қай ел?

а) Өзбекстан б) Қырғызстан с) Қазақстан

12 Ең, ең, ең

Әлемдегі ең үлкен көл?

а) Каспий б) Байкал с) Балқаш

13 сурак

Қазақ халқының өте ерте заманынан келе жатқан ішекті шертіпелі музыка аспабы. Аспап ағаштан құрастырылып жасалады. Аспаптың үні өте нәзік, құлаққа жағымды. Ел арасында аспаптың шығуы жайында көптеген аңыздар айтылады. Сол бір аңыздың бірінде: өткен заманда өмір сүрген бір қарияның жеті баласынан айырылған қасіретті қайғысынан туындаған әуен - деседі. Бұл қандай аспап?

а) Домбыра б) Жетіген с) Қобыз

Сайыс кезінде оқушылардың белсенділігі күшейді. Пәнге қызығушылықтары бұрынғыдан да арта түсті. Білім сайысы өз мақсатына жетті. Әр топ білімдеріне сәйкес марапатталды.

№12 жалпы орта білім беретін мектебі

Сыныптан тыс шара

«ҚЫЗЫҚ ЕКЕН...........»

Өткізген: Омарова Р.К.

Орал қаласы, 2018 жыл