Cultural sites of the UK

Инновациялық технологиялардың бала тұлғасын қалыптастырудағы мәні.

Елбасының "Жаңа әлемдегі жаңа Қазақстан" атты жолдауында "Біз бүкіл -еліміз бойынша әлемдік стандарттар деңгейінде с- баптың апалы білім беру қызметін көрсетуге қол жеткізуіміз керек" десе, III- тарауы18- бағыттың 7- тармақшасында "Ақпараттық технологиялар мен ақпаратты таратудың жаңа нысандары бағытталған, мамандырылған білім беру бағыттарын құру міндеті де алдымызда тұр" делінген. Сондай - ақ 17- бағыттың 3- тармақшасында "Он - лайн тәсілінде оқыту тәжірибесін дамытып, елімізде оқу теледидарын құру қажет"- деп көрсетілгендей бүгінгі күні білім беру жүйесі жаңа педагогикалық технологияға негізделуін және ақпараттық құралдардың кеңінен қолдануын қажет етеді.

Осылайша оқу тәрбие үрдісіндегі жаңа ақпараттық технологияларды пайдалану заман талабынан туындап отыр. Бәсекеге қабілетті білім кеңістігін құруға Қазақстандық білім беру реформасын ең басты мақсаттарының бірі инновациялық технологияларға сүйене отырып, бүлдіршін бойына танымдық қасиетін қалыптастыру, шығармашылық ойлауды дамытуға мүмкіндік жасау болып отыр. Осындай күрделі мәселелерді шешуде мектепке дейінгі мекемелердің алатын орны ерекше.

Заманымызға сай қазіргі қоғамда ақпараттандыруда тәрбиеші ұстаздардың біліктілігін ақпараттық коммуникациялық технологияны қолдану саласын көтеру негізгі міндеттердің біріне айналды.

Қазіргі заман талабына сай тәрбие мен таным саласына енгізілген жаңа бағыттағы тың үрдістерді әрбір тәрбиеші меңгеріп қана қоймай оны тәжірибеде орынды қолдана отырып, өз білімін, іскерлігін үнемі жетілдіріп отыруы тиіс. Жаңа өмірдің стандарты " Жалпыға бірдей білім, өмір бойы білім алу"

"Еліміздің ертеңі- бүгінгі жас ұрпақтың қолында, ал жас ұрпақтың тағдыры құстаздың қолында" -деп елбасымыз Н.Ә.Назарбаев айтқандай балабақшада баланың таным процесін ізгілендіру мақсатында көптеген оқу- тәрбие үрдістері, жан - жақты ұйымдастырылып өткізіледі.

Ақпараттық инновациялық білім беру құралдарына: компьютер, интерактивті тақта, аудио - видео, мультимедиялық құралдар, электрондық оқулықтар жатады. Тәрбиеші компьютер арқылы түрлі слайдтар, видео- фильмдер, суреттер, ойын, ертегілерді көрсете отырып оқу іс -әрекетін өткізеді. Мультимедиялық құралдар балабақша бүлдіршіндеріне арналған таптырмас құрал. Себебі бұл кезеңдегі балалардың зейіні әдемі түстерге, ойыншықтарға, суреттерге, яғни әсемдікке әуес болады. Кез келген іс - әрекетте әр түрлі әдемі, ұнамды суреттер, сызбалар, тәсілдер арқылы графикалық иллюстрциялар негізінде ақпараттық - коммуникациялық технологияларды пайдалану тәрбиеленушілердің танымдық белсенділігін арттырып қана қоймай, логикалық ойлау жүйесін қалыптастыруға, шығармашылықпен еңбек етуге жағдай жасайды.

Мультимедиялық құралдардың тиімділігі, балалардың қызығушылығы артады. Түсінбеген жерлерін қайта көре алады, тәрбиешінің уақытты тиімді және ұтымды пайдалануына мүмкіндік туады, үйде оқуға мүмкіндік болады, ақпараттық мәдениетті жеке тұлға қалыптасады, компьютерде еркін жұмыс жасайды, ақпаратты алады, өздігінен іздену қабілеті артады.

Тәрбиеші - ақпараттанушы емес, баланың жеке тұлғалық және интеллектуалды дамуын жобалаушы.

Бүгінде төмендегідей ақпараттық бағдарламаларды меңгеріп, іс тәжірибемде қолданып жүрмін. (Раіnt, Power Point, интернет)

атап айтқанда ересектер топ балаларына "Үй жануарларын қораға қама" ойынын ұйымдастырып, үй жануарлары мен жабайы жануарларын араластырып, орналастырып барлығын қораға қамау тапсырылады. Алдын- ала дайындалып қойғандай, үй жануарлары қораға кіреді де, жабайы жануарлар қораның сыртында қалады.

Нәтижесінде балалардың тез ойлау, шапшаң шешім табу қабілеттері қалыптасады, баланың танымдық, ойлау, тұжырымдау қабілеттерін дамытып, әр тапсырмаға үлкен мән беріп тиянақты орындауына мүмкіндік туғызады. Баланың оқу іс - әрекетіне қызығушылығы арта түседі. Дәл осы іс - әрекетте II- кіші сәбилер топта "Жемістер мен көкөністер" ұйымдастырылған оқу іс - әрекетінде "Не жоқ?" дидактикалық ойынын ойнатамын.

Шарты: интерактивті тақтада жемістер мен көкөністердің суреттерін, оның ішінен бір жемістің немесе бір көкөністің суретін алып тастаймын, балалар қандай сурет жоқ екенін айтады. Көкөністер мен жемістерді бір -бірінен ажыратуға үйренеді.

Ортаңғы топта "Менің сүйікті ойыншықтарым" тақырыбында "Жасырынған суретті тап" логикалық ойынын ойнатуға болады.

Нәтижесінде белсенділігі төмен балалардың да қозғалмалы, жанды іс -әрекетке қызығушылығы байқалады, шапшаң ойлап, іс - әрекетке белсенділік көрсетеді.

Тәрбиеші педагогикалық үрдістің ең басты тұлғасы болғандықтан ақпараттық технологиямен және арнайы материалдармен кең көлемде таныс болуы тиіс, сонымен қатар балаларды тәрбиеленуде, түрлі тәсілдерін қолдана білуі керек. Өз тәжірибемде жоспарлы жұмыс жасау барысында төмендегідей нәтижеге жетуге болатынына көз жеткіздім.

Жоспарлы жұмыс - нәтиже кепілі.

Ақпараттық технологияны пайдаланып өткізген сабақтар мен шаралардың нәтижесі.

Бала сөйлейді, көзбен көріп, құлақпен есту арқылы ақпаратты жылдам қабылдайды. Қызығушылығы, белсенділігі артады. Керекті көрнекіліктерді ғаламтордан тез әрі үйлесімді алады. Көрнекіліктерді қажетінше безендіру баланың эстикалық талғамын арттырады. Жан - жануарлардың, табиғат құбылыстарының дыбысы мен бейнесін беру шектеусіз, аз уақыт ішінде - көп ақпарат алады.

Қорыта келе бүгінгі таңда инновациялық технологияларды кеңінен пайдалану, болашақта тәжірибемде интерактивті тақтаны кеңінен қолдану, электрондық оқулықтар жасау жоспарымда бар. "Қанша білсең ізден тағы, тағы да білікті адам жетер тілек, бағына" деген ғұлама Баласағұнның сөздері әрбір педагогтың өмірлік қағидасына айналса нұр үстіне нұр болар еді.