Ортақ іс табысы

Сабақтың мақсаты: Оқушыларды біріге табыс табуға баулу.

Міндеттері:

• Оқушыларды біріге табыс табуға баулу.

• Өз еңбегімен табысқа жетудің жолдарын көрсету.

• Көп түкірсе көл сөзінің мәнән түсіндіру.

Сабақ барысы:

Ұйымдастыру сәті. Тыныштық сәті.

Жайлы, баяу музыка қойылады.

Нұрға бөлену

Ыңғайланып отырыныздар, денелерінізді түзу ұстаныздар. Аяқ – қолыңызды айқастырмаңыз. Қолынызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көрініз: Күн нұры сіздің төбенізден өтіп, кеудеңізге қарай бойланып барады. Кеудеңіздің орта тұсында гүл түйнегі орналасқан. Гүлдің түйнегі нұрдан бояу ашылып келеді. Балғын және таза әсем гүл сіздің әр ойынызды, әр сезіміңізді, эмоцияныз бен тілек – қалауынызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұр қолдарыңызға түсіріңіз. Сіздің қолдарыныз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәуле шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралдарына айналды. Одан әрі нұр сіздің аузынызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарынызға бағыттаныз, құлақтарыңыз тек жақсы сөз бен әсем әуенді ғана естиді. Нұр кқздерімізге де жетті, көзіміз тек жақсыға қарап, бәрінен жақсылықты кқреді. Сіздің басыныз түгелдей нұрға бөленіп, басынызға тек ізгі, сәулелі ой келеді. Нұр бірте-бірте қарқынмен шұғылана бастайды, сіздің дененізден шығып, жан-жағынызғы сәуле шашады. Осы нұрды туысқандарымызға, мұғалімдеріңізге, достарынызға, таныстарынызға бағыттаныз. Нұрды уақытша түсініспей, ренжісіп жүрген адамдарға да бағыттаныз, олардында жүрегі нұрға толсын. Осы нұр бүкіл әлемге: барлық адамдарға, жан – жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаныз. Ойша айтыңыз: «Мен нұрлымын... Нұр менің ішімде... Мен Нұрмың». Осындай Нұр, Махаббат және Тыныштық күйінеде отыра тұрыныз..

Енді осы Нұрды жүрегіңізге орналастырыңыз. Нұрға толы бүкіл әлем сіздің жірегіңізде. Оны осындай әсем қалыпта сақтаныз.

Жаймен көзінізді ашуға болады.

1.Үй тапсырмасын тексеру.

• «Көп біріксе - береке» дегенді қалай түсінесіңдер?

• Көпшілікпен бірге еңбектенген ортақ істерің туралы естеріңе түсіріп, айтып беріңдер.

2. Дәйексөз.

Келісіп істесе,көп іс бітеді.

Құтып.

Дәйексөзді оқып, мағынасын түсініп алыңдар.

Жаңа тақырыпқа дайындық

Адам өз ортасында сыйлы, ортақ істерді атқаруда адал болса еңбегі нәтижелі болады.

Бірлесіп жұмыс істей білу, өзара көмек, ортақ істің қуанышын сезіну зор жетістікке жетелейді.

Сыныптастарыңмен жасаған ортақ істе-ріңнің нәтижесін көргенде кандай көңіл күйде болдыңдар?

3.Әңгімелеу.

Көп біріксе - береке

М. Төрежанов

«Бірлік» бастауыш мектебі жаңа салынған. Төрт сыныпта жүз бала оқиды. Бірінші сыныпта отыз оқушы бар. Сыныптары кең, терезелері үлкен, жарық. Мектептің маңы шарбақпен қоршалған.

Бір күні бірінші сыныптың мұғалимасы Сара Сарыбаева балаларды аулаға алып шығып, өзі баскөз болып, бір-бірден жас шыбық отырғызды. Басқа сыныптар да сөйтті. Әркім өз шыбығын баптап, су құйып, белгі тағып өсірді.

Арада бірнеше жыл өтті. Бір талы қурамай мектептің ауласында жасыл орман жайқалды.

Кейіннен бастауыш мектеп сегіз жылдық мектепке айналды. Балалар құлпырып тұрған тал, терек, қарағаштарды көріп:

- Мен бір-ақ ағаш өсірдім!

- Мен де бір тал шыбық отырғызған едім. Енді көрмейсің бе, қалың орман болып кеткенін! - десті.

- Біз көппіз ғой, әрқайсымыздың үлесімізге бір-бір талдан ғана келсе де, ну орман болып тұр. «Көп біріксе - береке» деген осы! - деп, шәкірттерінің сөзін Сара Сарыбаева толықтыра түсті.

4. Шығармашылық жұмыс, жекеше жұмыс.

Қандай жетістіктерге жеткенің туралы әңгіме құрастыр.

5. Топпен ән айту

Білуге қүштармыз

К Хабиқызы

Білуге кұштармыз,

Қаламды ұстармыз.

Ұшатын ұядан

Балапан құстармыз.

Тезірек өсеміз,

Сөйлеуге шешенбіз.

Жұмбақты жасырып,

Жұмбақты шешеміз.

Айтқанды тыңдаймыз,

Отырып ойнаймыз.

Ойыншық шашылған

Орынды жинаймыз.

Өлеңді айтамыз,

Домбыра тартамыз.

Тәртіпті баламыз,

Көңілді ортамыз.

Тоңбауды білеміз,

Киініп жүреміз.

Жақсыны көреміз,

Қызыққа күлеміз.

6.Үй тапсырмасы

Жұмыс дәптеріне Жетістігім атты шағын шығарма жазу.

7.Соңғы тыныштық сәті.

Баяу әуен орындалып тұрады. Бүгінгі сабақтан қортынды жасаймыз.Бәріңізге үлкен рахмет!!!

Ресурстар:(белсенді тақта,кітап,дәптер,ғаламтор желісінен жаңа ақпараттар,сюжетті суреттер.)