Көп сыңарлы сабақтас құрмалас сөйлем

Пәні: қазақ тілі Сыныбы: 8-Б күні: 04.04.17

Сабақтың тақырыбы: Жаттығу жұмыстары

Сабақтың мақсаты:

а) білімділік: салалас және сабақтас сөйлемдерден және көп бағыныңқылы сабақтас сөйлемдер бойынша алған білімдерін тексеру; өтілген тақырыптарды қайталау арқылы меңгерген білімдерін бекіту; өздігінше білім алуға жетелеу;

ә) дамытушылық: ойлау қабілеттерін дамыту; ой қорытып, нақты шешім жасау, еркеше мәтін құрап, жаңалық ашу, топпен жұмыс істеу әрекеттерін дамыту.

б) тәрбиелік: сауатты жазуға, ұқыптылыққа баулу; бірлікке шақыру; сөйлеу мәдениетін қалыптастыру.

Сабақтың түрі: қайталау, бекіту сабағы

Сабақтың әдісі: «Миға шабуыл» әдісі, «Вейр» әдісі, импрессивті әдіс, топпен жұмыс, сұрақ-жауап, т.б.

Сабақтың көрнекілігі: Презентация, интерактивті тақта, логикалық сұрақтар, кеспе қағаздар, бейнеролик, топқа біріктіру үшін түрлі түсті қағаздар, Блоб ағашы, оқулық, қосымша материалдар.

Сабақтың барысы:

І. Ұйымдастыру кезеңі:

Оқушылармен амандасу, түгелдеу, оқу құралдарын тексеру. Оқушыларды үш түрлі түс арқылы үш топқа біріктіру. Оқушыларын сабаққа деген зейінін «Миға шабуыл» әдісі арқылы аудару.

«Миға шабуыл» әдісі арқылы оқушыларға логикалық сұрақтар қойылады.

ІІ. Үй тапсырмасын пысықтау:

• 335-жаттығу. Көркем әдебиеттерден көп құрамды сабақтас құрмалас сөйлемдерді тауып жазып келу.

ІІІ. Жан-жақты білімдерін дамыту.

1-тапсырма. Топқа біріктірілген оқушылар таңдаған түстері бойынша 3 деңгейдегі сұрақтарға жауап береді.

2-тапсырма. Оқулықпен жұмыс: 336-жаттығу. Берілген басыңқы сөйлемдердің бағыныңқы сыңарларын толтырыңдар.

І топ

... , ... , шыдамай күліп жіберді.

... , ... , әлемге жар салды.

ІІ топ

... , ... , наздана сөйлеп отыр.

... , ... , оның орны бөлек екенін білдірді.

ІІІ топ

... , ... , барлық шаруаны уақытында аяқтадық.

... , ... , бүгінгі күн қызық өтті.

3-тапсырма. Оқушыларға шағын ролик көрсетіледі. Сол оқиғалар бойынша оқушылар топпен бірге көп құрамды сабақтасқа сөйлем құрастырады.

ІV. Сабақты қорытындылау. «Вейр» әдісі арқылы сабақты қорытындылаймын. Топтарға бір-бірден парақ беріледі, ол парақты сегізге бүктеп, қайтадан ашып, парақтың төрт бұрышына өздері сұрақ құрастырып жазады. Ол парақтарды сағат тілі бойынша айналдырып, қарсылас топтарға береді, бос қалған төрт торға сұрақтардың жауабын жазады. Артынша әр топ өз парақтарын алып, қарсылас топтардың жазған жауаптарын тексереді.

V. Үйге тапсырма:

«Құрмалас сөйлем патшалығы» тақырыбында шағын ертегі құрастыру.

VI. Бағалау. Топтық жұмыстардың нәтижелері есептелініп отырылады. Әрбір дұрыс тапсырма үшін бір стикер беріледі. Сабақ соңында қай топта көп стикер болса, сол топ жеңімпаз атанады. Одан бөлек, үй тапсырмасын орындап келген және сабаққа ынталы қатысып отырғандар бағаланады.

VII. Кері байланыс. Рефлекция. Оқушылар «Екі жұлдыз бір тілек» әдісі арқылы бүгінгі сабақтан өздеріне ұнаған екі нәрсені және кедергі болған, ұнамаған нәрсені немесе өзінің бір ұсынысын жазады. Жауаптары жазылған стикерлерді өздерінің қай деңгейге жеткеніне қарап, Блоб ағашына жабыстырады.

Тексерілді: