Ашық тәрбие сағаты "Тәуелсіздік"

Тәрбие сағатының тақырыбы:

Балалар аманаты – Тәуелсіздік

Топ:

1п КШФ

Уақыты:

15.12.17ж

Тәрбиелікке жеткізетін іс – шараның мақсат - міндеттері:

а) Ақпараттық құзіреттілік

ә) Коммуникативтік

б) Проблеманы шешу құзіреттілігі

А) Еліміздің 1986 жылғы желтоқсан көтерілісі туралы, 1991 жылы Тәуелсіздік алғаннан бергі тарихына шолу жасау, төл тарихымыздан ақпар беру;

Ә) Тәуелсіз Қазақстан туралы өлен шумақтарын мәнерлеп, түсіне оқуға жаттақтыру. Сөздік қорын, тілін байыту;

Б) Елінің тарихын білу, оны құрметтеуге, Отанының патриоты болуға тәрбиелеу.

Тәрбие сағатының түрі:

Өнеге сабағы, ойын, музыкалық кеш.

Тәрбие сағатында қолданылатын жаңа педагогикалық техналогиялар

Ынтымақтастық, білім беруді ізгілендіру мақсатында интерактивті тақта, АКТ технологиялары.

Тәрбие сағатының әдісі:

Көрнекілік, түсіндіру, баяндама

Пәнаралық байланыс:

Тарих, әдебиет, құқық негіздері, музыка.

Тәрбие сағатының барысы:

Оқытушының қызметі

Оқушының қызметі

Күтілетін нәтиже

Ұйымдастыру бөлімі

«Әнұран»

Амандасу, Оқушыларды түгендеу, тәрбие сағатының тақырыбын жариялау. Тақырып: «Балалар аманаты – Тәуелсіздік».

Оқушылар мұғаліммен амандасады. Содан кейін тәрбие сағатының мақсат – міндеттерін, өткізілу барысымен танысады.

Барлығы Әнұранды орындайды, назарларын тәрбие сағатына аударады.

Негізгі бөлім:

1 - жүргізуші: Армысыздар, құрметті оқушылар.
Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық.

2 - жүргізуші
Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.
Тәуелсіздік тақырыбына өлең шумақтарын оқиық.

1-жүргізуші:

“Мың бір мақал, жүз бір жұмбақ”.

Оқушылар 3 топқа бөлінеміз. Берілген тақырып бойынша мақал – мәтелдер айту.

1 – жүргізуші:

Желтоқсан құрбаны- Қайрат Рұсқұлбеков Алматы

архитектура құрылыс институтының студенті.

1988 жылы КСРО Жоғарғы Кеңесі оған берілген ату

жазасын 20 жыл бас бостандығынан айыру жазасымен

ауыстырды.1988 жылғы мамырда-қайтыс болды.

1996 жылғы 9 желтоқсан – «Халық қаһарманы» атағы

берілді.

2-жүргізуші:

Ләззат Асанова 1970 жылы қазіргі Алматы облысы Жаркент ауданына қарасты Айдарлы ауылында дүниеге келген. Жастайынан зерек өскен бала орта мектепті үздік бітіріп, Алматыдағы Чайковский атындағы музыка училищесіне өз талантымен оқуға түсті.

Ән «Қазақ елі осындай» орындайтын Қайырғали Мадина, Молдағалиева Балауса

1-жүргізуші:

ҚР президенті Н. Ә. Назарбаевтың «1986 жылы 17, 18 желтоқсанға қатысқандарды ақтау жөнінде» 1991 жылы жарлығы шықты. Осыдан кейін еліміздің басшысы 17 – желтоқсанды «демократиялық жаңару» күні деп жариялады.

1990 жылы 17 желтоқсанда Республика алаңында Желтоқсан оқиғасын есте сақтау мақсатында ескерткіш тақта қойылды.

Ал енді балалар «Әрқашан күн сөнбесін!» ойынын ойнайық.

2-жүргізуші:

1. 1991 жылы 21 желтоқсанда Президент Н.Ә.Назарбаев “1986ж. желтоқсан оқиғасы кезінде жауапқа тартылған азаматтарды ақтау жөнінде” жарлық шығарды.

1. Осы жарлық негізінде 17 желтоқсан – “Демократиялық Жаңару Күні” деп жарияланды.

1. 1996 жылы 9 желтоқсан құрбаны Қ.Рысқұлбековке “Халық Қаһарманы” атағы берілді.

Оқушылар Тәуелсіздікке арналған өлең шумақтарын айтайық:

Балалар енді сергіп ойын ойнап алайық: «Сөзден сөзді ізде» ойыны.Сөз беріледі, сол сөзден басқа сөздер құрастыру керек. Кім көп құрастырса, сол жеңімпаз. Тәуелсіздік сөзі.

Жұмабаева Жанбота
Армандарды жақындатып тым алыс,
Біздің жаққа жеткен екен жылы ағыс.
Егемендік - ел бақыты, ертеңі, 
О, халайық! Құтты болсын қуаныш!

Сәбитқызы Асылзат
Кең байтақ, көз жетпейтін жерім менің
Таулы орман, жасыл жайлау көлім менің 
Бүгінде бар әлемге даңқың жетті 
Тәуелсіз Қазақстан – елім менің
Кадерова Айзада
Тас еденде жатты қазақ баласы,
Ауырса да, қыңқ етпеді жарасы,
Жараланған жолбарыстай, ышқынып,
Айтып жатты соңғы сөзін ол ащщы!!!......

Оқушылар тапсырмаларды орындап, сұрақтарға жауап береді.

Шакирова Айна

Ата – бабам аңсаған,

Күрес салып шаршаған.

Тәуелсіздік таңы атты –

Бақыттымын мен одан!

Мұрадым Жұпар

Бізге мұра қалалар,

Бізге мұра дала бар.

Тәуелсіздік тұғырын,

Қадірлейік балалар!

Төлеуғазы Гүлжанат

Тәуелсіздік – тілегім,

Тәуелсіздік – тірегім.

Ертеңі деп елімнің,

Дүрсілдейді жүрегім.

Тәуелсіздік: тәуелді, ел, сіз, кез, сәл, тесік, тес т.б.

Оқушылардың ой- өрісін кеңейтеді, оларды жауапкершілікке, өз беттерінше бір- бірін тыңдап жұмыстануға баулиды. Білетіндерін жасқанбай айтуға, алға ұмтылуға шарапатын тигізеді.

Оқушылар өз өлеңдерін жақсы айтып береді

Оқушылар 3 топқа бөлінеді. Мұғалімнің айтқанын істейді.

Ұлттық нақыштағы әнді ести отырып рухани күш- қуат алуға жағдай жасалу.

Тақтаға бұлт басқан күннің суреті ілінеді . әр бұлтта тапсырмалар берілген . Соларды орындау барысында күннің көзі ашылады .

Оқушылар өлең шумақтарын мәнерлеп айтып береді.

Оқушылар бұл тапсырманы тез-тез орындап, мұғалімге көрсетеді.

Қорытынды:

2 - жүргізуші: 
Қасиетті Қазақстан мекенім, 
Ақиқаттың алтын бесігі екенсің. 
Елім, жерім, Отаным – бақ - дәулетім, 
Болашағым, өнер - білім, өркенім.


1- жүргізуші: 
Бүгінгі ұрпақ болар елдің ертеңі дей келе бүгінгі «Балалар аманаты – Тәуелсіздік» атты тәрбие сағатымыз өз мәресіне де келіп жетті. 
Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік, ағайын. Келесі кездескенше сау саламатта болыңыздар!

Оқушылар тәрбие сағатынан алған әсерлері туралы айтып береді.

Мұғалімдерімен қоштасады.

Оқушыларды жаңа технология бойынша оқытады. Оқушылардың ұтымды ой айта білуін, өз беттерінше шешім қабылдай білуін, тәрбие сағатының қалай, қандай дәрежеде өткендігі туралы ой қорытуын қадағалау. Оқушылардың елжанды, патриотты болып қалыптасуына ат салысу.