11-сынып ашық сабақ Бақыт сыры

Сабақтың мақсаты: Оқушыларға жақсы азамат болудағы өзіне қиянат жасамау құндылығының мәнін ашу.

Сабақтың міндеті:

1.Білімбілік: Оқушыларға барлық дін мен мәдениетті құрметтеуді .ұғындыра отырып, өмірге деген құштарлығын арттыру;

2.Дамытушылық: Жақсы азамат болу үшін бала бойындағы адамгершілік қасиеттерді дамыту;

3.Тәрбиелік: Оймен ,сөзбен не болмаса іспентірі жанға зиян келтірмеуге тәрбиелеу

Ресурстар: құралдар, мәлiметтер)

Слайдтар.

Сабақ барысы:

Ұйымдастыру кезеңi. Жағымды күйге келу. Нұрға бөлену.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға,мұғалімдеріңізге,достарыңызға, таныстарыңызға бағыттаңыз.Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет!

2. Үй тапсырмасын сұрау.

Бақыт дегеніміз не ? (Эссе жазу)

Оқушылар өз ойларын эсселерін оқу арқылы жеткізу.

3. Дәйексөз

Өзін-өзі білген - ер бақытты, . Өзін-өзі билеген - ел бақытты.

Халық мақалы

1. Бақыт дегенді қалай түсінесіңдер?

2. Ер азамат қай уақытта бақытты?

3. Ел бақыты неде?

4. Бақыттқа жету үшін не істеу керек?

5. Бақытты болуымыз үшін бойымызда қандай қасиеттер

болу керек?

4.Мұғалім сыйы. Әңгiмелеу. Мұғалімнің сыйы.

Жігерлендіру Мұхтар Шаханов.

Сен жыладың жігітім, Көп көрдім деп тұрмыстың тапшылығын, Қайтпады деп ,жұртқа еткен жақсылығым, Сен жыладың, бір қатты соққы алдым деп, Бақытсыз болып қалдым деп. Жә, жә, жарар, Өткен күн оралар ма? Қарау керек бауырым саған алға, Басыңдағы бөрік пе, орамал ма? Көтер қане басыңды, қалай бұның? Мұз боп еріп кеткен бе бар айбының? Тағдыр неге сыр айтты сараң, ? Өмірдің барлық сәтсіздіктерін, Бақытсыздық деп кім айтты саған? Кім айтты саған? Тұлпарды сүрінбейді деп, Асауды мінілмейді деп, Ақ көйлек кірлемейді деп, Қара ешкі мүжіген ағаш қайтадан гүлдемейді деп, Кім айтты саған? Жұрттың бәрі мейірбан, арайлы деп, Жұрттың бәрі шындықты қалайды деп, Биікті ардақтайды, асылды қорлатпайды деп. Қиналып бекер алаңдадың –ау, Ойыңды шығар өріске! Өзің – ақ айтшы, ғаламда мынау, Жеңудің бәрі жеңіс пе? Жігітке арман жеткізіп пе еді, Өз сорын өзі жеңбесе, Өмірдің барлық сәтсіздіктері Бақытсыздық емес ендеше.

1.Жігіт неге жылады? (өмірдің әділетсіздіктеріне)

2.Ақын оған не деп ақыл айтты?

3.«Бақытсыздық» пен «сәтсіздік» сөздерін қалай

түсінесіңдер?

4.Олардың қандай айырмашылықтары бар?

«Көнеміз ғой» әні, Сәт триосының орындауында, бейнеклип.

1.Бейнеклиптен қандай ой түйдіңдер?

2.Жалпыадамзаттың бақыты неде екен?

3.Сен өзіңді бақыттымын деп ойлайсың ба? Мен бақыттымын! Армысың арайлап атқан таңым менің, Мол – ау берерің маған сенің. Ниетім түзу, ынтам биік, пейілім кең, Бақытпен болашаққа басамын аяқты тең. (мұғалімнің өз үлгісі)

1. Шығармашылық жұмыс топқа жұмыс.

Оқушыларды топқа біріктіремін (қызыл, сары, ақ)

«Бақытты балалық шағым, болашағымның негізі»

І топ – «Ата-ана бақыты» тақырыбына өлең шумағы .

ІІ топ – «Бала бақыты» (сурет салу) .

ІІІтоп – «Ұстаз бақыты» (әңгімелеп беру).

7. Топпен ән айту

Балдәурен Қ. Жүнісов

Балдәурен көктем, асығып жеткен,

Шағала күндер.

Базарлы маусым, шырқалған даусым,

Тамсанып әсем.

Балауса балғын, көк майса шалғын,

Барады күндер.

Тербеліп билеп, жайқалып билеп,

Ән салып әсем.

Қайырмасы:

Балдәурен, бақытты ән дәурен,

Келеді қанатын самғаумен.

Көңілдің ұшырып, аққуын,

Балауса, бал бұлақ, бал дәурен.

Жаныма жылы, жүрекке ыстық,

Көңілге сұлу.

Тоя ма көзің, балдәурен кезің,

Бақыт-ау, бақыт?

Даламдай дархан, тауымдай биік,

Өмірге сұлу.

7. Үйге тапсырмаКелесі өтілетін сабақтағы: Оқулық 6-сабақ, 67бет. Мұхтар Шахановтың «Ғашықтық ғаламаты» шығармасын оқып, түсінік айтуға дайындалып келу.

8.Сабақтың қорытынды сәті. Бүгінгі сабақтан алған игі қасиеттерімізді жүрегімізге қондырып , барлығымыз бірге

Қиянат жасамау, қиянат жасамау, қиянат жасамау бар жерде. Қиянат жасамау, қиянат жасамау, қиянат жасамау бүкіл әлемде