Жүк және жолаушылар лифттері

Жүк және жолаушылар лифттері

Лифт басқару жүйесіне қойылатын техникалық талаптар

- электр жетегін ток жүретін бөліктерінің қосылуы тежеуді албаты қосуды немесе лифт тоқтаған кезде албаты ажыратылуын шектеу қажет;

- жылдамдығы 0,63 м/с лифттің қозғалысын 0,4 м/с дейін төмендету мүмкіндігі;

- кабинаның электр жетегі токтан ажыратыдған кезде механикалық тежеу қосылуы қажет;

- лифтті электрмен қамту ажыраған кезде электр жетегі автоматты басқару жүйесінде кернеуден ажырау қажет;

- электрмен қамту кезінде лифт кабинасы тек автоматты басқару жүйесі қосылғаннан кейін қозғалысқа келу керек;

- лифт кабинасының есігі жүріс кезінде әр уақытта жабық, оның ішінде кабина жүнінен сигнал беретін қондырғы болуға тиіс;

- электр қозғалтқышты, механикалық тормозды, қауіпсіз электрлік қондырғылары тек электр тізбегін ажыратуға жұмыс істеу керек;

- электр қозғалтқыштар аса жүктемеден, қызудан сақтандырылған болу керек;

- лифттің жылдамдығы қалыпты жылдамдықтан 15% аспауы қажет;

- лифт кабинасының автоматты тоқтау дәлдігі ±35 мм аспауы керек

Лифттің құрамы мен құрылымы

Лифт шахтада және машина бөлімінде орналасқан негізгі қондырғылардан тұрады. Машина бөлімі мен шахта құрылыстық құрылысы жасалған (қаланған кірпіштер, құйылған бетондар және т.б.).

Лифттің негізгі бөліктері: лебедина, кабина, қарсы жүк, кабина мен қарсы жүкті бағыттайтын қондырғы, шахта есіктері, жылдамдық шектеуші, электрқондырғылар және кабельдер. Лифттің жалпы көрінісі төмендегі суретте көрсетілген.Жолаушыларды және жүктерді тасу тікелей қозғалатын кабинада іске асады. Кабина мен қарсы жүк қозғалысы машина бөлімінде орналасқан лебедка арқылы темір арқанмен жүргізіледі. Сол бөлмеде жылдамдық шектегіш, басқару қондырғысы, лифтті кернеуге қосатын жабдықтарда орналасқан. Шахтаның төменгі жағында темір арқан тартқыш жылдамдық шектегіштің қондырғысы, кабина мен қарсы жүкке арналған буфер орналасқан. Лифт кабинасына кіріп-шығу үшін шахта жарында есікпен жабылған тесіктер жасалған. Шахта есігі тек жанына лифт келгенде ғана ашылатындай етіп есік жетектері құрылған.

Лифт сипаттамасы және оның қызметі

ПП-0611 жолаушылар лифтінің жүк көтергіштігі 630 кг, шахта өлшемі 1850×2550 мм, кабина есігі – 800 мм, өтке тұрақтылығы ЕI-30, 16 аялдама. Жарықтандыру люминиценттік шамнан құралған.

Лифт адамдарды көтеріп түсіру үшін жасалған. Жеке жағдайларда адамның қатысуымен жүк тасылуы мүмкін, бірақ оның габариті мен салмағы шектен аспау керек, ішкі электр құрылғыларға зияны тимеу қажет

Лифттің жұмыс істеу принципі

Лифттің жұмыс істеу принципі келесідей шартпен орындалады: басқару қондырғысына шақыру сигналынан импульс түседі де есік ашылады, егер кабина сигнал жіберілген аялдамада тұрса, онда есік сол аялдамаға келгенде ашылады, ал кабина басқа жақта болса, электр қозғалтқышқа кернеу беріліп, тормоз ашылады да кабина шақыртқан аялдамаға кетеді.

Негізгі жетектің қалыпты режимде жұмыс істеуі: басқару қондырғысынан жиілік түрлендіргішке қозғалыс бағыты бойынша сигнал түседі де, қосқыш арқылы электр қозғалтқыш жиілік түрлендіргішке

қосылады. ЖТ ішкі контактілер арқылы жиілік түрлендіргіш жұмысқа дайын болады. Электр қозғалтқышқа момент туғызатын сигнал барады, ол белгілі мәніне туғызатын сигнал барады, ал белгілі мәніне жеткенде, механикалық ашылып, ЖТ жылдамдық деңгейі туралы сигнал келеді, осы сигналдан кейін ЖТ электр қозғалтқыш орамында керекті кернеуді жеткізіп, лифт кабинасы жұлқусыз баяу іске қосылып, негізгі жұмыс жылдамдығына дейін қозғалысқа келеді. Лифт кабинасы жүрген кезде баяулату датчигін басқанда, ЖТ жылдамдықты төмендетуге сигнал келеді, лифттің жүрісі ақырындайды, ал лифт тура тоқтау датчигін басқан кезде, басқару қондырғысынан ЖТ электр қозғалтқышты тоқтатуға, тежегішті қосуға сигнал келіп, лифт кабинасы керекті аялдамада дәл тоқтайды. Үдеу және баяулату датчиктері әр қабаттың арасында орналасқан, лифт жоғары көтерілгенде, жылдамдықты жоғары баяулатуға, лифт төмен түскенде төменге баяулатуға қосылатындай орналасқан.

Лифт тоқтаған кезде ЖТ басқару қондырғысынан сигнал барады да механикалық тормоз іске қосылады, электр қозғалтқыш жиілік түрлендіргіштен ажыратылатын сигнал келеді. Барлық басқару сигналдары ЖТ алынады. Осымен негізгі электр жетектің жұмыс циклі бітеді. Кабина тоқтайды, есік жетектері іске қосылып, лифт кабинасы мен шахта есіктері ашылады.

Батырма орнынан шақыру сигналы келгенде есіктер жабылып, кабина шақыру сигналы келген аялдамаға жетеді. Адамдар шыққасын есіктер жабылып, лифт кабинасы келесі шақыру сигналы келгенше сол жерде тұра береді.

Лифттің негізгі бөліктері, жұмысы

Лебедка. Лебедка машина бөлмесінде орналасқан және ол лифт кабинасы мен қарсы жүкті жүргізуге арналған.

Лебедканың негізгі құрамы: электр қозғалтқыш, тежегіш, рама, рама тұратын құрылысы, амортизатор. Бұл элементтердің барлығы рамаға орнатылып, рама тұратын құрылысқа амортизатор арқылы бекітілген. Лебедка редукторлы. Суретте OTIS лебедкасының жалпы суреті көрсетілген

1 - электр қозғалтқыш, 2 - тормоз, 3 - рама, 4 - КВШ, 5- шығару блогы,

6 - раманың астыңғы бөлігі, 7 - амортизатор, 8 - раманың астыңғы бөлігі, 9 - редуктор.

Кабина. Лифт кабинасы шахтада темір арқанға ілінген және жүк, жолаушылар тасуға арналған. Кабинаның іші жарықтандырылған. Ішіндегі ауа желдеткіш арқылы тазартылып тұрады.

Тосқыштар (уловители) кабинаны тура, дәл тоқтату үшін және кабина төмен қозғалғанда жылдамдығын тежеу үшін қажет. Тосқыштар жылдамдықты шектегішпен бірге жұмыс істейді және лифттің негізгі бөліктерінің бірі болып табылады.

Кабина есіктері: Есік жетектері есіктерді аялдамаға жеткенде автоматты түрде ашып-жауып отырады және оның басқару жүйесінде реверс бар.

Есіктерді автоматты басқару блогінің төмен жағында жалғағыштар орналасқан, оған лифтті басқару станциясы, электр қозғалтқыш, таходатчиктер қосылады. Жалғағышқа 5 бума қосылады.

Біріншісі – күштік, басқару станциясын 220 В айнымалы электр тоғымен қамтиды, екіншісі – электр қозғалтқышты 220*3 айнымалы үш фазалы кернеуге қосады, үшінші және төртінші бумалар – басқару станциясын + 24В-пен қамтиды, бесінші бума – ЕАББ мен таходатчикті қосу үшін тағайындалған. 1.4 суретте ЕАББ сұлбасы көрсетілген.