5 ҚМЖ қазақ әдебиеті Менің атым Қожа

Сабақ: №4

Мектеп: Ступинка негізгі мектебі

Күні:

Мұғалім: Баймурзаева Айсара Тастемировна

Сынып: 5

Қатысқан оқушылар саны:

Қатыспағандар:

Бөлім:

Адамгершілік – асыл қасиет

Сабақтың тақырыбы

Өзгеру ешқашан кеш емес

Оқу бағдарламасына сілтеме

Б/С1.Тарихи және көркемдік құндылығы

А/И2. Автор бейнесі

Оқу мақсаты

5.Б/С1.Шығармадағы эпизодтар арқылы тарихи құндылығын бағалау

5.А/И2.Эпикалық шығармадағы автор бейнесін анықтау.

Сабақ мақсаты

Шығарманың бөліктері арқылы эпизодтардың өмірдегі сабақ болатын тұстарын анықтау

Автордың кейіпкер жасау шеберлігін ескере отырып, осы тақырыптағы әлемдік шығармамен салыстыру.

Жетістік критерийлері

Эпизодтардан қорытынды шығара алады.

Бүгінгі өмірмен байланысын анықтай алады.

Осы тақырыптағы шығармамен салыстыра отырып, ұқсастықтықтарын анықтай алады.

Құндылықтарды игерту

- Өзіне және айналадағы адамдарға құрмет;

- Ынтымақтастық, жауапкершілік;

- Ұлттық және адами құндылықтарға құрмет;

- Салауатты өмір салтын ұстану, насихаттау.

Аталған құндылықтар сабақ тақырыбы арқылы және оқушылардыңтоптаса жұмыс жасаулары, сын тұрғысынан ойлауы арқылы бағалау дағдылары негізінде жүзеге асады.

Пәнаралық байланыс

Қазақ тілі, әлем әдебиеті, бейнелеу өнері

АКТ-ны қолдану дағдылары

Таныстырылым арқылы тапсырмалармен танысады. Тақырыпқа қатысты тапсырма орындауда интербелсенді тақтамен жұмыс жүргізеді.

Тілдік мақсаттар

Идеяларды байланыстыра алуға, мәтіндердегі көтерілген мәселені табуға, негізгі ойды анықтауға және оларды сипаттауға қабілетті болады.

Шығармадағы басты кейіпкер бейнесін жасауда автор...

Екі шығарманың тақырыбы...

Ұқсастықтарына келер болсақ...

Алдыңғы білім

Жоспар

Жоспарлана-тын уақыт

Сабақ барысы

Дереккөздер

Сабақтың басы

5 минут

Бейнефильмнен Қожаның өзін – өзі жиналысқа салып отырған тұсын көрсетіп, сұрақтарға жауап алу.

Бұл қандай оқиға?

Қалай аяқталды?

Тәрбиелік мәні қандай? Қағаз қиындыларына үш түрлі оқиға аты жазылып оқушылар сол сөздер бойынша таптасады.

БАҚА

Педсовет

Құпия кеңес

Сабақ тақырыбы, ОМ мен ЖК таныстырылады.

Слайд

№1,2

Сабақтың ортасы

7 минут

8 минут

10 минут

10 минут

Оқушыларға топ атына сай оқиғалар таратылады. Топпен оқып, талдау жүргізеді. Осы оқиға арқылы автор не айтқысы келгендігі туралы ойланады.

1 – топ

Кітаптағы ең бір қайғылы тарау болар деймін.  
- Келесі сабақта қайсың бақа ұстап әкелесіңдер? — деп сұрады зоология пәнінің мұғалімі Оспанов. 

- Мен әкелем, — дедім. 

- Қадыров, сен әкелесің. Ұмытып кетпе бірақ. 

- Ағай, неше бақаәкелейін? 

- Бір... екеу әкелсең, жетеді. 

Мен бір, екеудің орнына тіс порошогінен босаған қаңылтыр қобдишаға толтырып,  бес  бақа  әкелдім.  Оның  біреуі  ғана  үлкендеу  еді  де,  басқалары кішкентай ұсақ бақалар болатын. 

Бірінші сабақ қазақ тілі. Класқа Майқанова кірді де, класс журналы мен сумкасын  менің  алдыма  стол  үстіне  қалдырып,  өзі  тысқа  шығып  кетті. Қоңырау  әлі  бола  қоймаған.  Сол  кезде  сап  етіп  басыма  бір  қызық  ой  келе қалды.  Кішкентай  бақаның  бірін  Майқанованың  сумкасына  сүңгіттім  де жібердім. Не болар екен? 

Қоңырау  соғылды,  сабақ,  басталды.  Тізім  шақырып  болғаннан  кейін, Майқанова  сумкасын  ашып,  қол  орамалын  суырып  алды.  Сол  кезде кішкентай  қарасұр  бақа  қол  орамалмен  қоса  секіріп  шығып,  секемшіл мұғалімнің қолының дәл үстіне қонбасы бар ма. Майқанованың шаңқ еткен дауысы  бірақ  шығып  үлгерді.  Ӛңі  құп-қу  болып,  сылқ  етіп  құлап  бара жатыр... 

Майқанова  содан  сабаққа  екі  күн  бойына  келмеді.  Шошынып,  ауырып 

қалыпты.  Жұмысқа  бүгін  ғана  шығып  отыр.  Бүкіл  мектепті  даңғаза  қылған бақа оқиғасының мән-жайы, міне, осындай. 

2 – топ

Мен  байыбына  бара  алмаған  жұмбақтың  шешуін  үйге  келгенненкейін мамам айтты: 

-  Балам,  сен  класс  жетекшіңе  бекер  ренжисің.  «Майқанова  маған  өш, мені  жек  көреді,  қыр  соңыма  түсіп  алды»  дегеніңнің  бәрі  бос  сөз,  —  деді мамам. — Жек кӛрген адам педсоветте саған жаны ашып, қорғап сөйлемеген болар  еді.  Ол  сені  жек  көрмек  түгіл,  жақсы  көреді,  осыны  біл.  Оған ұнамайтыны  сенің  тентектік  қылықтарың.  Жасында  жетімдік  өмірдің 

тауқыметін көп тартып, жүйкесі жұқарып өскен адам тарынғыш, ашуланшақ болады.  Сендердің  әрбір  жөнсіз  қылықтарың  оның  миына  инедей  қадалып тұрады. Майқанованың шыж - быж етіп ұрса жөнелетіні осы себептен. Мінезі  әлгіндей адамға сендер секілді жүгенсіз асаулармен арпалысу жеңіл тимейді. 

Сен ақымақтар осыны түсінулерің, мұғалімді аяуларың керек. 

Мамамның  Майқанова  жӛнінде  айтқандары  маған  ой  салды.  Шынында да,  оның  менімен  өш  боларлықтай  алты  аласы,  бес  бересісі  бар  ма? Шырылдаса,  ұрысса,  бізді  адам  болсын,  жаман  жолға  түсіп  кетпесін  дейтін шығар.  Иә,  мамам  айтпақшы,  біз  бала  деген  ақымақ  халықпыз,шолақ ойлаймыз. 

Мен Майқанованың жетім өскендігін білмеуші едім. Енді оған біртүрлі 

аяныш  көзбен  қарай  бастағандаймын.  Бәсе,  денесі  де  сондай  нәзік,  киімі  де 

жұпыны, қыстан бүрсеңдеп жұқа пальтомен шықты. Оқу бітіргеніне бір ғана жыл  болған,  қайтсін  енді.  Сонымен  тақасып,  әй,  Қара  Қожа,  ақымақсың, шикісің әлі. Қарбызыңның ішінде судан басқа дәнеңежоқ. 

Менің  Майқанова  жөніндегі  пікірімнің  оңы  —  сол,  солы  оң  болып 

өзгере бастады. 

— Педсовет, педсовет немен тынды? 

Сабыр  ет,  оқушым,  қазір  айтып  берем.  Педсоветтің  тиянағы  мынадай: 

Қадыров  жөніндегі  мәселе  класс  жиналысында  қаралсын.  Егер  алтыншы класс  оқушылары  Қадыров  Қожаның  бұдан  былай  ешқандай  тәртіпсіздік істемеймін,  түзелемін  деген  уәдесіне  сеніп,  дирекция  алдында  кепілдік беретін болса, онда Қадыров осы мектепте сынға қалдырылсын. Ал егер олар ондай  кепілдік  бермесе,  Қадыров  Қожа  осы  аудандағы  өзге  мектептердің біріне ауыстырылсын. 

Педсоветтің мен жөніндегі қаулысы осындай. 

3 – топ

Құпия кеңес жайы сөз болады, повесть осыменаяқталады. 

Кешкі  астан  кейін  тӛр  үйге  кіріп,  стол  шамды  жақтым  да,  сырттан ештеңе кӛрінбестей етіп терезе перделерін түсірдім. Бұрышта кісі бойы үлкен айна тұр. Столымды соның дәл алдына тақап қойдым да, дүниені шулатып, сойқандап жүрген қылмыскер Қожамен бетпе-бет келіп отырдым. 

- Қадыров Қожаның жеке бас құпия кеңесі ашық деп жариялаймын. Күн тәртібінде  бір-ақ  мәселе  —  тәртіпті,  үлгілі  оқушы  болу  үшін  мен  бұдан 

былай не істеуімкерек? 

Күн  тәртібін  протоколға  мәнерлеп  жаздым  да,  қылмыскердің  жүзіне қарадым: 

- Ал сөйле, батырым. 

Ол  арсыз  бұның  бәрін  қалжың  деп  ойлайтын  болу  керек,  күледі  маған қарап. Көзін бағжитып, ернін шығарып, аузын қисайтып, келекелейді өзімді. 

Оның бұл қылығына менің ызам келіп, ашуым қайнап кетті. Қабағымды қарс 

түйіп, Ахметовкееліктеп, столды тарсеткізіп қойып қалдым: 

- Түрегел! 

Батырыңа жан керекекен, ұшып түрегелді. 

- Отыр!  

Қайта отырды. 

- Неге шақырдың, Қожатай? — деп әжемкіріп кележатыр. 

- Шақырғамжоқ, ары барыңыз. 

- Дауыстағандай болдың ғой? 

- Сізге емес... жайша. Мұндақұпия кеңесөтіп жатыр. Бөгет жасамаңыз. 

- Кеңесі несі? 

- Кеңес дегеннің не екенін түсінбейсіз бе? Жиылыс, жиылыс өтіп жатыр. 

Әжем бір сәтке аңырып, үрке қарап қалды. 

-  Әкем - ау,  мынау  не  айтады?  Жиылысы  несі?  Столды  айнаның  алдына неге қойдың? 

- Ту, жарықтық - ай, — деп кейідім мен, — өзіңізге тиісті емес нәрседе не 

шаруаңыз бар. Мен құпия кеңес өткізіп жатырмын. Өзім, Өзім туралы мәселе қарап жатырмын. Сізге қатынасуғаболмайды. 

Әжем  менің  қасыма  келді.  Қарасы  қызғылттанып,  жасаураған  қоңыр көздері өңменімнен өтіп барады. 

-  Қожатай,  шыбыным...  сен...  бисмилла  деші.  Бисмилла  деші, 

шыбыным...  Түнде  де  ұйықтап  жатып,  жиылыс  ашық,  талқылаймын  деп, бірдеңелерді  айтып  шығып  едің,  шошымалданып  жүрсің  ғой  деймін. Бисмилладеші... 

Ыза болғанымсоншалық: 

-  Бисмилла!  Бисмилла!  Бисмилла!  —  деп  нығарлап  үш  рет  айттым.  — 

Болды ма? Жоқ, тағы айтайын ба? 

-  Шыбыным...  жалғыздан  жалғыз  отырып  та  адам  жиналыс  өткізе  ме 

екен?  Түн  болса,  сарылып  көп  оқисың.  Осы  сенің  ұйқың  қанбай  жүр  ғой деймін? 

Мен орнымнан ұшып түрегелдім: 

- Айналайын әжетай, барыңызшы. Бөгет жасамаңызшы. 

Тартыншақтағанына  болмай,  әжемді  шығарып  жібердім  де,  есікті  іліп алдым.  

Топпен танысып, талқылап алған соң топтар келесі кестені толтырады

Бағалау дискрипторлары:

Басты мәселені анықтай алады:

Автор пікірін аңғарады;

Өзіндік ой түйе алады;

Шынайы өмірмен байланыстыра алады;

«Салыстыру »

Оқушыларға бейнеүзінді көрсетіп, сонымен қатар көмек ретінде ақпарат та тарату арқылы шығарманың қысқаша мазмұнымен танысуға мүмкіндік тудыру керек. Кішігірім талқыдан соң оқушыларға екі шығарманы Венн диаграммасы арқылы салыстыруды жүктейміз.

https://www.youtube.com/watch?v=IPsGvWVvDZg

Марк Твеннің бұл шығармасы шамамен ХІХ ғасырдың отрасындағы бақытты боз балалық шақтарды елестетеді. Бұл шығарма басты кейіпкердің жас шамасын жасырып тұрғандығымен ерекшеленеді. Тентек Томның әр ісіне қарап кез келген оқырман оның жасын анықтауға тырысады. Көбісі оны 9-14 жас аралығында деп біледі.          Том Сойер апайы Поллидің қолында өседі. Ол Томның анасының сіңілісі. Том бұзықтық жасаған сайын апайының көзіне жас алғанын қаламайтын. Ол апайын қатты сыйлайтын. Полли апайы да оның бұзықтықтары үшін жазалағанымен, оның жүрегінде бір мейірім барын іштей сезетін,оған сенетін.            Жалпы айтқанда Томның өзіндік қызығушылығының, қайсарлығының арқасында, ол көптеген оқиғаларға тап болады. Тіпті, кісі өліміне де куә болады. Осы арқылы жазықсыз айыпталушыны жазадан аман алып қалады.           Томның арманы қарақшы болу. Ол өзінің жан досы Гекльберри Финмен болашақ қарақшылар  болуға бел байлайды. Бұл олар үшін үлкен құрмет, абырой болып көрінетін.            Бұл шығарманы оқи отырып  балалық шағыңызды еске түсіресіз, ой түйесіз, кейіпкермен бірге қобалжуды сезінесіз. Бұл шығарма ең бастысы шындыққа негізделген.

Бағалау дискрипторы:

Екі шығарманың ұқсастықтарын таба алады;

Айырмашылықтарын ажырата алады;

Кейіпкерлер әрекетіне сыни көзқараспен қарай алады;

Сыни хабарлама «Бердібек Соқпақбаев орнында болсам...»

Егер автор орнында болса шығарманы қалай аяқтап, қай тұсын өзгертетіні туралы сыни хабарлама жазады.

Бағалау дискрипторы:

Автор рөліне енеді;

Кейіпкер әрекетін бағалай алады;

Өзіндік көзқарасы айқын көрініс табады;

Өз ойын көркем жеткізе алады:

70 – 80 сөз көлемінде жаза алады;

Слайд№3

Слайд №4

https://www.youtube.com/watch?v=IPsGvWVvDZg

http://massaget.kz/blogs/baykau/15110/

Слайд №5

Сабақтың соңы

5 мин

Үй тапсырмасы.

Екі шығарманың бірінен өзіне ең қатты әсер еткен тұсын суретпен немесе өлеңмен бейнелеу.

Бағалау

Бағалау дискрипторларын қолдана отырып, мұғалім сынып оқушыларына баға береді.

Кері байланыс

«Шабадан, ет тартқыш, қоқыс жәшігі»

Слайд№6

Слайд№7

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс
Құндылықтармен байланыс (тәрбиелік элемент)

Дифференциацияны берілетін тапсырма, күтілетін нәтиже, қолдау көрсету, бөлінетін уақыт, қолданылатын дереккөздер арқылы жүзеге асыруға болады.

Дифференциация сабақтың кез келген бөлімінде қолданылады.

Бұл бөлімді оқушылардың сабақ барысында алған білімдерін бағалау үшін қолданылатын әдіс-тәсілдеріңізді жазу үшін пайдаланыңыз.

Сабақ жоспарын құру үшін сізге өзге пән мұғалімдерінің көмегі керек пе?

Берілген тапсырмалардың қайсыбірі оқушылардың қауіпсіздігіне немесе денсаулығына қауіп төндіре ме?

Оқушылар сабақ барысында өздерінің АКТ дағдыларын дамыта ала ма?

Осы сабақ барысында НЗМ құндылықтарын дамытуға қандай мүмкіндік бар?

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды?

Дифференциацияны жүзеге асыру қолымнан келді ме?

Мен жоспарланған уақытымды ұстандым ба?

Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1.

2.

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1.

2.

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?