Қош келдің,Жаңа жыл!

Келді міне, жаңа жыл.

Жүргізуші:Құрметті ата-аналар,балабақша ұжымы ,балалар міне тағыда бір жылды артқа тастап,бүлдіршіндер де бір белестен асып,жаңа жылды қарсы алғалы тұрмыз.Бүгінгі Жаңа жыл мерекесіне қош келдіңіздер! Жаңа -жыл баршаңызға бақытты, болашаққа үміт,өмірлеріңізге шаттық, дендеріңізге саулық,отбасыларыңызға ынтымақ ,бірлік тілейміз.

Жаңа жылды ағайын қарсы алайық,

Шашу шашып ,әрқашан ән салайық.

Құтты болсын Жаңа жыл,барша қауым,

Құтқа орансын кең байтақ дархан елім.

Балалардың пейіліне тарту етсін,

Табиғат ашық аспан,таң шапағын!

Құттықтау сөз кезегін«Достық балабақшасының» меңгерушісі Шолпан Уайытжанқызына береміз.

Жүргізуші: Жаңа жылым,білім нұрын шашып тұр.

Намыс, жігер, бақыт гүлін ашып тұр.

Адамзаттың армандары асқақтап

Теміреніп от сезімі тосып тұр-дей отырып барлық балаларымыздың әсем шыршаны айналып «Жаңа жыл»әнін айтуға шақырамыз. Хор «Жаңа жыл»

Сол кезде аю кіріп келеді

Аю: Мен балқұмар қорбаңбаймын!

Жаңа жылдың алдында,

Тойды еске алдым да

Ұйқымды ашып,сергідім,

Ұйықтамаймын мен бүгін»

Жылды қарсы алайық,

Би билеп ән салайық.

-Мәссаған балалар ,сендердің әндеріңді естіп ұйқымнан оянып кеттім.Қандай мерекені тойлап жатырсыңдар? -Жаңа жыл мерекесін.

-Жарайсыңдар,мен де осы жаңа жыл мерекесін күтіп жүрмін балалар.

-Айтпақшы Маша қызым қайда кеткен? Балалар сендер көрген жоқсыңдар ма?

Балалар: Жоқ көрген жоқпыз!

Ендеше мен Маша келгенше ұйықтай тұрайын, ол келсе мені ұйықтатпайды ғой ,сендер шуламаңдар, жарайма?

Ортаға билеп Маша шығады да, шыршаға қарап тамсанады.

-Қандай әсем шырша! Не істесем екен? Хм-м-м.

Жақсы мен аю келгенше достарымды шақырып,тойлай тұрайын.

Мирас:Даламызға қаламызға ,

Жаңа жыл кіріп келеді.

Қартыңызға ,балаңызға ,

Жалынды сәлем береді.

Назым: Жасыл шырша жанында

Жиналдық біз асыға.

Басқа достар келгенше ,

Би билейік мақтана .

Машаны ортаға алып «Қуыршақтар» биін билейді.

Аю: Бұл не бассыздық, оятып жібердіңдер ғой!

Маша: Аюаға,бұл мен ғой, Машамын! Танымадыңыз ба?

Аю: Ой,Машам екенсің ғой ,қандай әдемі болып кеткенсің? Балалардың барлығы қандай әдемі ,олай болса Маша екеуміз де ,Жаңа жылды көңілді етіп,балалармен қарсы алайық!

Түлкі: Сәлеметсіздер ме,балалар? Қандай әдемі,көркем едіңіздер ?Мен түлкімін,сендерге асығып орманнан келе жатырмыз.Ой-ой ой аяғымыз тоңып қалды.Балалар қәне біздер мен бірге биллеңдерші,аяғым жылынсын.

Жүргізуші: Қу түлкі сіздер қандай биді жақсы көресіз?

Түлкі: А,мен бе, Аю мен қоянмен «Аңдар» биін билегенді жақсы көрем!

Жүргізуші: Ендеше балалар барлығымыз ,түлкі мен би билейік.

Ал енді бізге ,кішкене түлкінің қандай өнері бар екен.

Амина: Мен түлкімін әдемі,

Кім білмейді түлкіні.

Жаңа жылда бұл күні,

Алдамаймын ешкімді.

Жүргізуші: Ал түлкі, рахмет сіздерге ,балалар түлкі енді алдамаймын деп тұр. Түлкі аяғың жылынды ма ? Онда біздің балалар мен бірге Жаңа жылды бірге қарсы алыңыздар.

1.Сайқымазақ:Армысыздар,Халайық!

2. Сайқымазақ: Жақсы жайғастыңдар ма,қымбатты достарым? Бәрі естіліп көрініп тұр ма? Бәріне орын жетті ма?

1 Сайқымазақ: Сендермен кездескендерімізге өте қуаныштымыз.Біз бүгін жаңа жылдық мерекені тойлағалы отырмыз.

2.Сайқымазақ:Бүгінгі мерекемізді көңілді әуенмен шыршаны айналып өтуден бастайық. Хоравод ән.

1Сайқымазақ:Біз мұнда жай отыру үшін емес,ән айтып ,би билеуге келдік.Сондықтан көңіл көтерейік.

2 Сайқымазақ мен сендерге шығыстың түнін қандай болатынын көрсетейін бе? Оны көру үшін бір көзіңді жұмасың,ал екінші көзіңмен мына жәшіктегі тесікке қарайсың.Сонымен ,ғажайып басталады.....

(Ойынға қатысушының үстіне қара плащ жабады,ойыншы тесікке қарайды,бірақ ештеңе көре алмайды.)

1Сайқымазақ:Қалай көрдің бе? (ойыншы ештеңе жоқ деп жауап береді)

1 Сайқымазақ (ашуланып)Бұны қалай түсінуге болады.

Бұл не сұмдық сен ештеңе көрген жоқсың ба?Сен қараңқылықты көріп тұрсың.ғажайып ,жұмбақ шығыс түні дегеніміз енді қара сонда көресің,жәшікке қарайды.( ар жағынан биші балалар шыға келеді.)

Испан биі: Мирас пен Амина.

1Сайқымазақ: Ойын ойнату балалармен, «Қар жинау»

2Сайқымазақ:Ата-аналармен ойын ойнату.3-4 бала шығарып ,балаларды билету,соны ата-аналар қайталау.

Жүргіуші: Жарайсыңдар біздің балалар өте өнерлі балалар. Кешіміз көңілді әнмен ,бимен басталып кеткен сияқты.Ендеше бізбен бірге бір жыл бойы бірге ,бар қызықты бір өткізген қой жылына рахметімізді айтып «Жаңа жыл жарылқасын,ескі жыл есіркесін» деп ескі жылымызды ортаға шақырайық.

Қой: Сәлеметсіздер ме,балалар!

Байқаймын мен байқаймын,

Тұрсыңдар сендер таң қалып,

Таң қалмаңдар билеңдер.

Бір жыл бойы сендермен,

Өлең айтып, ән салып.

Би биледік шаттанып.

Мен ескі жылмын,сіздерге молшылық,бақыт ,әкелдім.Мына келер жылға айтар тілегім.

Қуанышты ортамыз сазға ұласқан

Тілегім болсын мәңгі ашық аспан

2016 жыл қадам басқан

Гүлденіп көркейе бер Қазақстаным.

Келесі жыл бастауын Мешінге берем

(Сақнаға мешін шығады.)

Мешін жыл: Сәлеметсіздер ме,кешіккен жоқпын ба,мен сондай жүгірдім,кешігем деп қатты қорықтым,уақытында жеттім бе?

Мен тағы бір қонақпын

Он екі жылда оралар

Үлкендерге ақ ниет

Сіздерге де ақниет

Сіздерге де мың рахмет.

Барлығы :Қош бол ,қой, қош бол.

Жүргізуші: Қой жыл, қане көңіліңіз түспесін ,біздің балалар мен бірге Жаңа жылды қарсы алып кетіңіз . Көңіліңіз көтеріліп, қуанышты қайтыңыз.

Жүргізуші: Жаңа жыл келген қадамыңа нұр бітсін. Жақсы жыл бол, Жаңа жыл. Төрімізге шық.Бәрімізге жаңа бақыт,жаңа қуаныш ала кел.

Мешін: Құрметтеріңізге рахмет.Шын көңілмен жаңа жылдарыңызды құттықтаймын.

Ән «Қош келдің жаңа жыл»

Келген жылға тақпақтарын айтып берейік.

Сержан: Жаңа жылым мол болсын

Басқан қадам оң болсын.

Төрле ,төрле Жаңа жыл

Бізге құтты жыл болсын.

Сабина: Әдемілеп біз ілген

Ойыншықтар тізілген .

Қандай әсем шыршамыз.

Ән шырқайық баршамыз.

Муса: Ақ қар жапты даланы

Ақ жамылған айнала

Жарқыратып шамдарын.

Шырша келді ортаға .

Жүргізуші: Балалар Жаңа жылымыз қызықты болу үшін,ортамызда кімдер жетіспейді?

Балалар: Аяз ата !Ақша қар.

Жүргізуші: Дұрыс балалар ,ал Аяз ата не әкеледі?

Балалар: Сыйлықтар.

Жүргізуші: Бұрыннан болған екен Аяз ата!

Тосады екен балалар, қысқы уақытта ,

Ақшақарды қасына ертіп алып.

Жер бетін шарлайды екен дамыл таппай.

Қәне барлығымыз бір дауыспен ортаға Аяз ата Ақшақарды шақырайық.

Сайқымазақ: Қане барлығымыз қол шапалақтап қарсы алайық.

Барлығы бірге үш рет қайталайды . Аяз ата Ақшақар.

Аяз ата:

Ақшақар:

Жүргізуші: Амансыз ба Аяз ата Ақшақар қош келдіңіздер :

Біздің«Ақниет»тобының жаңа жылға дайындаған өнерлерін тамашалаңыздар.

Хор : «Аппақ,аппақ жапалақтап»

Ендігі кезекті ұлдарымыздың орындауында би: «Санта клаус»

Сайқымазақ: Аяз ата Ақшақар ,Жаңа жыл,Ескі жылмен ойын ойнату.

Жүргізуші: Келесі кезекті қыздарымыздың Ақшақарға арналған билерін тамашалаңыздар. Би: «Ақшақар»

Ән:

Жүргізуші: Қане балалар Аязатамызды ортаға алып өзіміздің дайындаған тақпақтарымызды айтайық. (аязата ортада балалардың өлең шумақтарын тыңдап сыйлықтарын береді)

Аязата:Жаңа жылдарыңызбен достар ,шанамызға мінейік ,ақшақарым,алда барар ауыл, жыл қуантсын баршаны.

Ақшақар: Жаңа жылда сіздердің барлығыңызға жақсылық тілеймін.

Барлығы қош бол, Аяз ата ,Ақшақар .

Жүргізуші: Ал, құрметті қонақтар!Барашаңызға табысты жыл болсын !

Жаңа жыл әрбіріңіздің отбасыңызға жаңа нұр,жаңа шуақ, табыс пен береке

алып келсін! Осымен бүгінгі біздің «Қош келдің,Жаңа жыл!» атты ертеңгілігіміз аяқталды. Бәріңізге алғысым шексіз!Жаңа жылды көңілді қарсы алайық! Тәрбие.орг сайтынан Келді міне, жаңа жыл Балабақшадағы ашық сабақтар материалды тегін жүктеп сабақ барысында қолдануға рұқсат етіледі. Жарияланған материалға tarbie.org сайтының әкімшілігі жауапты емес