Айналайын анашым!

Сабақтың тақырыбы: Айналайын-анашым.

Сабақтың мақсаты: Оқушыларға ана алдындағы парызы мен қарыздары

 туралы түсіндіру.

Түзету мақсаты: Оқушылардың ой-өрісін, тіл байлығын, ойлау

қабілетін дамыту.

Тәрбиелік мақсаты: Аналарға деген сүйіспеншілікке баулу, ана еңбегін

ардақтап, сыйлауға, құрметтеуге тәрбиелеу.

Сабақтың көрнекілігі: Тәрбие сағаты өтілетін бөлмені безендіру.

                     «Ананың көңілі балада,

баланың көңілі далада»

Анаңды Меккеге арқалап барсаңда

қарызыңнан құтыла алмайсың.

«Ана-өмір себуші» буклеттер, қанатты сөздер жазып іліп қою.

Саламатсыздарма, құрметті ұстаздар, қыздар сіздерді келе жатқан 8-наурыз халықаралық әйелдер күнімен құттықтаймын, сіздерге зор денсаулық, мол бақыт тілеймін.

Ана, Ана, Ана!. не деген мейірлі, не деген шапағатты сөз еді осынау үш әріптен құралған қасиетті сөздің түп төркінінде қаншама ұлы сезім жатыр десеңізші. Сезім мен қасиеті бар, махаббатпен шапағаттың шуағынан тұрған ұлы ана сезімін қадірлемейтін жан бар ма екен бұл өмірде? Жақсылық атаулының барлығы да ананың сүтінен таралған. Сондықтан да құрметті асыл аналар, қадірлі апайлар, қызғалдақ қыздар бүгінгі «Айналайын-анашым» атты тәрбие сағатымызды сіздердің құрметтеріңізге арнаймыз.

«Анаға хат» әні орындалады.

1 оқушы:

Ана дейміз бәрімізде аңқылдап,

Ана дейді жас сәби де жарқылдап.

Ана деген бәйтерегі өмірдің

Ана деген-алтын қазық алтын бақ.

2 оқушы:

Ана деген-асыл жандар бұлақтай

О адамдар қадірлей біл ананы

Жат қылыққа ақыл-ойды тонатпай.

3 оқушы:

Ана десем сезім билер тым ыстық

Жарасымды адамдарға туыстық

Бар адамға берсе ананың мейірін

Орнар еді бар әлемге тыныштық

4 оқушы:

Бүгін-наурыздың сегізі

Сұлулықтың негізі

Әдемі сөз-Адамның

Анаға айтар лебізі.

Тәрбиеші:

Айгөлек-ау,айгөлек

Айдын жүзі дөңгелек

Аналардың тойында

Би билейміз дөңгелеп-дей отырып биші ұлдарымызды шақырамыз.

5 оқушы:

Достықты біз ойлаймыз

Қыздарды да құттықтап

Мерекесін тойлаймыз

6 оқушы:

Менің әжем, бұл әжем,

Айтқан сөзі дәл әжем.

Аман болса көреді,

Қызығымды әлі әжем.

7 оқушы:

Менің әжем, нар әжем

Көп жасаған кәрі әжем

Ауырғанда мен үшін

Әр сүйгені дәрі әжем

Ана-бұл сөз әрбір халықтың тілінде бар. Барлық тілде мейірімді, жылы естіледі. Ана дегеніміз әлемнің жан дүниесі. Ол тіршілігі үлкен тағдыр. Ана сөзі бізді елең еткізбей жылылық пен шуақты сездірмей қоймайды.

8 оқушы:

Ойлы қызы халқымның

Отаным деп туады.

Бос жібермей әр күнін

Ана жолын қуады.

9 оқушы:

Қанаттанса балапан

Қалайынша ұшпайды

Әр бір қыз, әр бала

Анасына ұқсайды.

10 оқушы:

Ана десем, алғыс алам халқымнан,

Ана десем, теңіз болам шалқыған.

Ана десем, ашылады қабағым,

Ана десем, әділдікті ұғамын.

11 оқушы:

 Өзіңсің сүйікті ана, құдіретім

Жанымды жадыратып күлдіретін.

Сендегі маған деген махабббатты

Нұр толы қос жанарың білдіретін

12 оқушы:

Бар ана туған елдің гүлі дер ем,

Анажан қайғың болса күңіренем

Таусылмас тау суындай ақылың бар

Сен барда менің әр бір күнім өлең.

Тәрбиеші: Әрбір ана өз баласының сүйікті досы, мақтанышы. Бізге әсіресе ананың еңбегі мен ерлігі мақтаныш. Ана махаббаты адамға қанат бітіреді, күш береді,ерлікке рухтандырады.

«Анашым» әні орындалады.

Қорытынды:

Тәрбиеші:

Бас қосты бүгін жиынға

Аналардың қауымы

Таусылмасын әрдайым

Отбасының сауығы

Ана өмірдің қуанышы, тірегі

Бала-оның жұбанышы жүрегі

Ана алдында ел жауы да бас иген

Олар дәйім тыныштықты тіледі.

Ана-адамзат мекен еткен жер шарының әр жерінде, әр үйде мейірім мен достықтың, туысқандықтың туын тіккен адам. Адамзат ең алдымен ана алдында қарыздар. Алақаныңа қуырдақ қуырып берсеңде, ана борышын өтей алмайсың. Ана парызы алтынға бөлеуді, ақ орда салуды қаламайды, ана баласының ер жігіт, адам болуын қалайды.Анаға осыдан артық тарту таралғанның керегі жоқ.