Тақырыбы Отбасы

№23 «Ынтымақ» балабақшасы.

Ашық оқу қызметі.

Білім саласы:«Таным», «Коммуникация»,«Шығармашылық».

Кіріктірілген оқу қызметі:

«ҚМҰҚ»,«Сөйлеуді дамыту»,«Жапсыру».

Тақырыбы:«Қоянның туған күні»,«Құмырадағы гүл».

«Күншуақ» тобы.

Тәрбиеші:Султаналиева Зухра Фаритқызы.

2017ж.

Атырау қаласы.

Блок тақырыбы: «Отбасы».

Апта тақырыбы: «Мерекелік дастархан».

Білім беру саласы: «Таным»,«Коммуникация»,«Шығармашылық».

Кіріктірілген оқу қызметі: «ҚМҰҚ»,«Сөйлеуді дамыту», «Жапсыру».

Тақырыбы:«Қоянның туған күні»,«Құмырадағы гүл».

Мақсаты:

Білімділігі: Отбасылық мереке жайлы әңгімелей отырып,әр адамның туған күні болатынын жайлы түсінік беру,мереклер туралы ұғымдарын кеңейту.

Дамытушылығы:Көтеріңкі көңіл-күй сыйлай білу,жақсы тілектер айту дағдысын дамыту.Дидактикалық ойындар ойнай отырып,өткен тақырыптарды пысықтау. Бейнені қажет бөлшектермен толықтыра отырып,құмыраға гүл жапсыру,қол моторикасын дамыту.

Тәрбиелігі:Адамгершілікке,достыққа,ұқыптылыққа тәрбиелеу.

Алдын-ала жұмыс:Балалардың отбасындағы тойлаған туған күн суреттерін тамашалау.

Билингвальды компонент:Туған күн-день рождения,қоян-заяц.

Сөздік жұмыс:Туған күн.

Әдіс-тәсілдері:Сұрақ-жауап,көрсету,түсіндіру,дидактикалық ойындар ойнау,тақпақтар айту,жұмбақтар шешу.

Көрнекі құралдар:Бейнетаспа,желімдер,құм салынған қорап, түрлі-түсті пішіндер,қыстырғыштар.

Жүру барысы:

Шаттық шеңбері:

Алақанды ашайық,

Күннің нұрын шашайық,

Жиналған жылы шуақты,

Қонақтарға шашайық.

1.Өткен сабақты пысықтау.

-Балалар,қазір жылдың қай мезгілі?

Балалар:-Қазір жылдың көктем мезгілі.

-Көктем мезгілінде неше ай бар?Қазір қай айы?

-Көктем мезгілінде үш ай бар,қазір сәуір айы.

-Көктем мезгілінде табиғатта қандай ерекшеліктер болады?

Балалар:-Көктем мезгілінде күн жылынады,қар ериді,құстар ұшып келеді,адамдар құстарға ұя жасайды,үй жануарлары жайылымға шығады,

талдар бүршік жарады.

-Көктем мезгілінде қандай мерекелерді тойладық?

Балалар:

-Аналар мейрамы және Наурыз тойын тойладық.

-Көктем мезгілінде жер бетіне нелер шығады?

Балалар:

-Жәндіктер.

-Қандай жәндіктерді білесіңдер?

Балалар:-Көбелек,шыбын,құмырсқа,қоңыз,инелік,маса,ара,жұлдызқұрт.

Жәндіктер туралы балалар тақпақтары.

Менің атым-құмырсқа,

Шаршамаймын жұмыста,

Дән тасимын жаз бойы,

Демаламын мен қыста. Еркежан.

Гүлден сорып бал жинап,

Терлеп жанын қинайды,

Және өзіне жиғанын,

Адамдарға сыйлайды. Нұрәлі,Назерке.

Ұзын құйрық инелік,

Инелікке тимелік,

Вертолеттен жасады,

Инеліктен үйреніп. Бибіфатима.

Мотивациялық-қозғаушылық.

-Балалар,мен кеше орманға саңырауқұлақ теруге бардым.Орманнан қоянды кездестірдім.Қоян маған бугін туған күні екенін айтты.Ол маған көп достары бар екенін айтты,менде оған сендердей ақылды,білімді достарым бар екенін айттым.Қоян бізді отбасылық мереке-туған күніне шақырды.

Тәрбиеші:Мерекелер көп.Алдымызда 1 май-Достық күні,9-май Жеңіс күні келе жатыр.

Сөздік жұмыс:Мерекелердің ішіндегі отбасылық мереке бұл-туған күн. Туған күн-адам өміріндегі ең қуанышты күндерінің бірі.Өйткені сол күні жаныңда жақын достарың ,отбасың болады.Түрлі сыйлықтар әкеледі, мерекелік дастархан жайылады.

Тәрбиеші:-Отбасы дегеніміз кімдер?

Балалар:-Ата,әже,ана,әке,бауырларым.

Тәрбиеші:-«Отбасы» туралы тақпақ білемізбе,кім айтады?

«Отбасы». Серік Айзере.

Билингвальды компонент:Туған күн-день рождения,қоян-заяц.

Орманға тездетіп баруымыз үшін мен мыстан кемпірден сиқырлы кілемін сұрадым.Ол бізге тапсырмасын айтты,егер дұрыс орындасақ,бізге сиқырлы кілемін береді.

2.Дидактикалық ойын.«Ажырата біл!».

Мақсаты:Қыстырғыштарды түсіне қарай қыстырып,пішіндерді атау.

Сиқырлы кілеммен орманға бару.Орман туралы бейнетаспа көру.

3.Аюға кезігу.

Аю:-Балалар,қайда барасыңдар?

Балалар:Біз қоянның туған күніне барамыз.

Аю:-Менде барғалы жатырмын,олай болса мереклік дастарханға азық ала барайық.

Дидактикалық ойын:«Қай аңның азығы?».

Мақсаты:Қармақпен балық аулау,құм астынан сәбіз жинау,аңдардың азықтарын атау.

4.Түлкіге кездесу.

Түлкі:-Балалар,қайда бара жатырсыңдар,жол болсын!

Балалар:-Қоянның туған күніне бара жатырмыз.

Түлкі:-Олай болса қоянға сыйлық дайындайық.

Жапсыру:Құмыраға гүл жапсыру.

5.Қоянның үйіне келу.

Қоянмен амандасу.

Балалр:-Қоян туған күнің құтты болсын!

-Досың көп болсын!

-Денің сау болсын!

Аю:-Қоян досым,туған күнің құтты болсын,көйлегің қандай әдемі,үйің қандай әдемі.

Сыйлығымызды қабыл ал!

Түлкі:-Қоянжан,туған күнің құтты болсын!

Достарың көп болсын!

Өмірің ұзақ болсын!

Қоян торт бетіндегі шамдарды үреді.

-Балалар,қоян нешеге толып жатыр,санайықшы.

Балалар:-Бір,екі,үш,төрт.Қоян төртке толып жатыр.

6. Ән айту.«Ұзын құлақ, сұр қоян».

Тақпақ.«Туған күн».Батырхан Әдемі.

7.Сиқырлы кілеммен балабақшаға оралу.

8.Тілді жаттықтыру.

Ян-ян-ян-секеңдеген ақ қоян,

Ю-ю-ю-қорбаңдаған аю.

Кі-кі-кі-бұл айлакер түлкі,

Қыр-қыр-қыр-бұл көкжал қасқыр.

Оқу қызметін пысықтау.

Тәрбиеші:

-Бүгін қайда бардық?

Балалар:-Орманға.

-Орманнан қандай аңдарды кездестірдік?

9.Жұмбақтар шешеміз.

Екі түрлі тон киер,

Өзі қорқақ,шапшаң аң.

Балалар:-Қоян.

Жазда қыдырады,

Қыста демалады.

Балалар:-Аю.

Өзі қу,жүрген жері айғай шу.

Балалар:-Түлкі

-Қоян бізді не үшін шақырды?

-Туған күнін тойлауға шақырды.

-Балалар,жақында кімнің туған күні болды?

Балалар:-Даниялдың туған күні болды.

Тәрбиеші:-Даниялдың туған күнін қалай тойладық?

Балалар:-Өлең айттық,тақпақ айттық,тілек айттық.

Тәрбиеші:-Енді түсіндікпе,туған күнді тақпақ айтып,өлең айтып, сыйлықтар беріп,дастархан жаяды, тойлайды екен.

Тәрбиеші:-Туған күнді қандай көңіл-күймен тойлаймыз?

Балалар:-Көңілді.

Балаларды мадақтау.

Балаларға көтеріңкі көңіл-күйді білдіретін смайликтерді сыйлау.

Күтілетін нәтиже:

Біледі: Пішіндерді,түстерді,санауды,тақпақтар айтып,жұмбақтар шеше біледі.

Игереді:Отбасылық мереке-туған күн туралы түсінікті игереді.

Меңгереді:Бейнені бөлшектермен толықтыра отырып,құмыраға гүл жапсыруды меңгереді.