«Адал ұрпақ» ерікті мектеп клубы жұмыс жүргізуде

«Адал ұрпақ» ерікті мектеп клубы жұмыс жүргізуде

Алматы облысының Іле ауданының Чапаев ауылдық округінің №10 орта мектебінде «Адал ұрпақ» ерікті мектеп клубы құрылып, жоспарлы түрде жұмыс жүргізуде.

«Адал ұрпақ» ерікті мектеп клубының жетекшісі ретінде тарих пәнінің мұғалімі, «Жас заңгер» үйірмесінің жетекшісі С. Бейсекенова тағайындалып, топтың жұмыс жоспары құрылып, бекітілді.

«Жас заңгер» үйірмесінің жетекшісі, «Адал ұрпақ» тобының жетекшісі С. Бейсекенова 10 «А» және 10 «Ә» сынып оқушылары арасында «Қоғамдық тәртіп негіздері» тақырыбында пікірталас өткізіп, даярлықпен келген топ мүшелері өз ойларын, пікірлерін, орындаған үй тапсырмасын ортаға салып, шара өте тартымды өтті.

9 «В» және 9 «Г» сынып оқушылары арасында «Новый век» үйірмесінің жетекшісі Ж. Айдынбаеваның және «Адал ұрпақ» ерікті мектеп клубы мүшелерінің ұйымдастыруымен «Наш выбор – правовое государство» тақырыбында топаралық сайыс өткізілді. Сайысқа әр сыныптан 6 оқушыдан қатысып, сыбайлас жемқорлыққа байланысты білімдерін, ойларын ортаға салып, алдын ала берілген тапсырмалар бойынша шығармашылық жұмыстарын ортаға салды. «Справедливость» және «Совесть» топтары арасында өткізілген сайысқа 10 «В» және 11 «В» сынып оқушылары мен тарих пәнінің мұғалімі А. Абдулин және мектеп психологы Д. Доскабылова сарапшылық жасап, екі топтың да үлкен дайындықпен келгендігін, белсенді қатысқандықтарын атап өтті.

Мектеп бойынша оқу жылы көлемінде «Адал ұрпақ» ерікті мектеп клубының жұмысы жалғасын тауып, оқушылар арасында қоғамда сыбайлас жемқорлыққа қарсы мәдениетті қалыптастыру бағытында жұмыстар жүргізілмек.

Директордың тәрбие ісі жөніндегі орынбасары Р. Раимбекова