Ал, к?не, аналар!

Атырау қаласы

№ 9 Ш.Уәлиханов атындағы орта мектеп

“ Ал,кәне,аналар!” сайысы

2 “А” сыныбы

2015/2016 оқу жылы

Сынып жетекшісі:Байсейтова Қарлығаш Жолдасқызы

Мақсаты: Наурыз мейрамы туралы түсінік беру арқылы Қазақ халқының салт – дәстүрін көрсету және оны құрметтей білуге тәрбиелеу. Көрнекілігі: нақыл, қанатты сөздер, суреттер көрмесі.

Мұғалім: - Армысыздар, ұстаздар, ата – аналар, қонақтар! Бәріміздің асыға күткен Наурыз тойымыз келіп жетті. Тойларыңыз құтты болсын! Наурыз – «жаңа күн» деген сөз. Бұл күн – біздің ата – бабаларымыз, арғы тегіміз мыңдаған жылдардан бері тойлап келе жатқан жыл басы мерекесі. Наурыз тойымыз құтты болсын! Ұлыстың ұлы күні деп аталған Наурызда денсаулықтарыңыз мықты болсын, тілектеріңіз қабыл болсын!

1- ж.

Дәстүрімізге айналған Ұлыстың Ұлы күні – Наурыз құтты болсын! Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа Жыл келеді. Ендеше, той құтты болсын! Ұлыс оң болсын! Ақ мол болсын! Ұлы мереке сіздерге тек жақсылық әкелсін!

Наурыз келді, жайраң қақты таң күліп,

Жап-жасыл болып кетті дүние жаңғырып.

Жақсылыққа жаршы болған Наурызым!

Сен өмірдің көктемісің мәңгілік!

2-ж.

Уа, халайық, халайық!

Ақ сандықты ашайық,

Бұл мереке, бұл тойдың

Шашуларын шашайық! (Шашу шашылады)

1 – ж. Наурыз – көктем мерекесі. Наурыз – жыл басы. Наурыз – жаңа серпін, жаңа леп. 2 – ж. Наурыз – қуаныш мерекесі, Бақыт пен шаттық мерекесі.

1-ж.Наурыз – шаруаның мерекесі. Наурыз – еңбек мерекесі.

2 – ж. Армысыңдар, халайық, Бармысыңдар, халайық. Наурыз тойын жұп жазбай Жылда қарсы алайық. 1 – ж. Ал, халайық, тұрмайық, Әндетейік жырлайық! Ортамызды ашайық, Ырыс тілеп бұл жылға, Жырдан шашу шашайық!

1 – ж.Қуаныш сыйлар еліме, Күлімде, Наурыз, күлімде. 2 – ж. Күн менен түн теңелді, Жер шуаққа кенелді, Қуанышта ел енді. Наурыз келді салтымыз: Көгерсін деп халқымыз Көшеге тал егеді. Наурыз тойы - береке, Наурыз тойы – жыр – аңыз. 1 – ж. Наурыз айы – Шығыс күн есебі бойынша жылдың алғашқы айы. Бұл айда жылдың алғашқы айы есебінде күн мен түн теңеледі, сол себептен Наурыз жыл басы болып саналады. 2 – ж. Жауқазындай жайқалған гүлдерміз біз,

Ұтармыз біз, қолдасаңыз сіз. Бақыт, шаттық, көңілге арман тілеп, Өмірде болмасыншы ызғар мен сыз.

1 – ж.Құрметті қонақтар мен ұстаздар! Біздің сыныбымыздың аналары өзара бақ сынасып, сайысқа түспекші. Ендеше , «Ал,кәне ,аналар!» сайысының жүлдегері болудан үміткер аналарымызды ортаға шақырайық.

2 – ж. Есқайырқызы Тлекші анамызды қол соғып қошеметтеп қарсы алайық 1 – ж.Тілекқызы Гүлнұр анамыз қарсы алыңыздар. 2 – ж.Нұрлыбекқызы Әлия анамызды ортаға шақырайық.

1 – ж.Қабиболлақызы Салтанат анамызды қол соғып қошеметтеп қарсы алайық

2 – ж. Сайыс бағдарламасы 5 кезеңнен тұрады

1 – ж. Сайыс бағдарламасымен таныс болыңыздар.

2 – ж. 1 кезең Кел, танысайық!

1 – ж. 2 кезең Өнер тамған он саусақ

2 – ж. 3 кезең Ас -адамның арқауы

1 – ж. 4 кезең «Ойландырар ойлы сұрақ» наурызға байланысты

сұрақтарға жауап беру.

2 – ж. 5 кезең Көңілге түрлі ой салар,әсем ән мен тәтті күй

1 – ж. Әділ – қазы береді, Өздеріңе бағаны. Бізге айтып береді, Кім өнерлі, кім мықты?

2 – ж.Әділ қазылар алқасының төрайымы:Бержанқызы Лариса

1 – ж.Мүшелері: Саназарова Раиса Барақайқызы, Екпінқызы Раушан,

2 – ж.Ақпан кетті араз боп Наурызбен, Наурыз жүр жоғалған бағын іздеп. Көктем жетті көрісіп, жанын үзген Қыс аттанды қоштасып тағы бізбен.

1 – ж. Наурызды тәңір бізге нәсіп еткен, Мейірім танысын деп тасып өткен. Наурыз сән – салтанат, ұлттық рух, Бақытты Наурызы бар халқым неткен! 2 – ж. Деген екен қазақ халқы ,

«Сәлем – сөздің анасы,» Біледі оны еңкейген қарт, еңбектеген баласы. Амандасу – ізгіліктің, сыпайылықтың белгісі

1 – ж. «Кел, танысайық!» атты бөлімімізді бастаймыз.

2 – ж.Анамыз Есқайырқызы Тлекш

1 – ж. Анамыз Тілекқызы Гүлнұр 2 – ж. Анамыз Нұрлыбекқызы Әлия

1 – ж. Анамыз Қабиболлақызы Салтанат

(аналар өздерін таныстырады)

2 – ж. Музыкалық үзіліс:: «Наурыз»биі»

1 – ж. Кедеймін деп қысылма, Өнерің болса қолыңда

Өнерлінің ырысы Жарқырап жатыр жолында. 2 – ж. Келесі бөліміміз «Өнер тамған он саусақ» деп аталады. 1 – ж.Аналарымыздың үйден дайындап келген қол өнерін тамашалайық.

2 – ж.Анамыз Есқайырқызы Тлекші 1 – ж. Анамыз Тілекқызы Гүлнұр 2 – ж. Анамыз Нұрлыбекқызы Әлия

1 – ж. Анамыз Қабиболлақызы Салтанат

(үй тапсырмаларын таныстырады) 2-ж. Музыкалық үзіліс: “Адай” биі «Адай»биі»

2 – ж. Музыкалық үзіліс: Вальс

1 – ж. 3 кезең «Ас -адамның арқауы». «Аты бардың тынысы бар,асы бардың ырысы бар», «Ас та бір несібе»деген халқымыздың керемет мақалдары бар.

2 – ж. Балаларына дәмді тағам дайындайтын аналарымыздың өз қолдарымен дайындаған ас мәзірін тамашалайық.

(салат түрлерін жасап таныстырады)

1 – ж. Музыкалық үзіліс: “Вальс”

Ойландырар ойлы сұрақ

2 – ж. Наурыз ұлттық мереке болғандықтан, қазақтың салт-дәстүрлері туралы айтып кету де дұрыс деп санаймыз.

1 – ж. «Ойландырар ойлы сұрақ». Келесі кезеңде ана-ларымыз Наурыз мерекесіне қатысты сұрақтарға жауап береді. Ендеше тақтаға назар аударыңыздар

1.Есқайырқызы Тлекшіге:

1 сұрақ Наурыз төл деген ?

2сұрақ Ұлттық ойындарды ата ?

2.Тлекқызы Гүлнұрға:

1 сұрақ Наурызкөк деген не?

2сұрақ. Наурыз айында бірінші өсетін өсімдік?

Ойландырар ойлы сұрақ

3.Нұрлыбекқызы Әлияға

1 сұрақ. Наурызша деген не?

2 сұрақ . Наурыз күні дастархан үстінде қандай тағамдар болуы керек?

4. Қабиболлақызы Салтанатқа:

1 сұрақ . Наурызшешек деген не?

2 с ұрақ . Жыл басының алғашқы белгісі

4.Көңілге түрлі ой салар,әсем ән мен тәтті күй

2 – ж.Наурыз тойы – береке, Наурыз тойы – жыр – аңыз. Қызық думан - мереке, Қызық думан құрамыз.

1 – ж. Сайыста ән салайық, би билейік, Өнермен өрге басып кідірмейік.

2 – ж. «Көңілге түрлі ой салар,әсем ән мен тәтті күй»

Соңғы бөлімде аналарымыздың өнерін тамашалайық

1 – ж. Анамыз Есқайырқызы Тлекші 2 – ж. Анамыз Тілекқызы Гүлнұр 1 – ж. Анамыз Нұрлыбекқызы Әлия

2 – ж. Анамыз Қабиболлақызы Салтанат

Қорытынды,жеңімпаз

аналарды марапаттау

1 – ж. Көрсетті өнерлерін жаңа ғана, Сайысқан аналардан үлгі аламыз. Салты бар өнерлі осы ортада, Берер деп әділ – қазы әділ баға – деп әділ – қазыларға сөз кезегін береміз . (« Саржайлау» биі)

(Әділқазылар сөйлеп, марапаттайды, ұстаз қорытындылады)

2-ж.

Жыр сыйлаған, нұр сыйлаған тірлікке,

Қастерледік, қадіріңді білдік те.

Құтты болсын, ұлыс күні жұмылдыр

Бәрімізді Ынтымақ пен Бірлікке!

1-ж.Сайысқа қатысып жүлделі орын аналарымызға мың да бір алғыс айтамыз дендеріңіз сау , отбастарыңыз аман сау болсын! Наурыз мерекесі құтты болсын!

2 ж. Құрметті қонақтар, оқушылар! Келе жатқан Наурыз мейрамы құтты болсын деп, біз де сендерге жақсы тілектер айтайық. Жаңа жыл тек қана жақсылық әкелсін!

1 ж.Көктемгі демалыстарыңды қызықты да көңілді өткізіңдер.

2- ж.Отанымыз Қазақстанның туы көкке қарай желбіреп, әрқашанда тыныштық болсын!

1- ж. Қазақстанның болашағы өсіп келе жатқан балалардың дені сау болсын!

2- ж. Осыменен бүгінгі Наурыз мерекесіне арналған сайысымыз аяқталды. Сау болыңыздар. Наурыз мерекесін жақсы қарсы алыңыздар.

1 ж. Ұлыс оң болсын!

2 – ж. Ақ мол болсын!