Отбасымен бірге болайы?

Тақырыбы: "Отбасымен бірге болайық".

 Мақсаты:          «Денсаулық» ұғымының адамгершлік  құндылығы ретінде мәнін ашу. Денсаулықты сақтау, нығайту қажеттілігі туралы түсініктерін кеңейту.   Денсаулығын нығайтуға қызығушылықтарын арттыру. Денсаулығын күтуге, бағалауға тәрбиелеу. Ата-аналар мен балалары арасындағы қарым-қатынасты нығайту. 

Көрнекі құралдар:  доптар, секіртпе ,шарларт.б.

  Өту барысы:

Ел басымыз Н. Ә. Назарбаев «Қазақстан - 2030» стратегиялық жолдауында біздің болашақ балаларымыз арыстандай айбаттылығымен, жолбарыстай тектілігімен ел тізгінін ұстайды деп болашақ жастарға үлкен сенім артады. Салауатты өмір сүру өз қолымызда. Осы мақсатта біз бүгін «Толағай» отбасылық спорттық сайысты ұйымдастырып отырмыз.

Құрметті ата-аналар мен оқушылар және ұстаздар! «Денсаулық құпияларының   бірі – спорт» дегендей бүгінгі өткізгелі жатқан «Толағай» отбасылар сайысына қош   келдіңіздер!

«Толағай» отбасылар сайысы - еліміздегі отбасылардың атсалысуымен өтетін тәрбиелік маңызы зор ойын-сауықты бағдарлама. Осындай ойын бүгінде біздің мектебіміздің 2 «ә» сынып оқушылары мен ата-аналар арасында өткелі тұр.

Аяжан:              Жүйрік болса кім,

                               Күлімдейді күн.

                               Жарыста жүгір, алға ұш,

                               Қане, сапқа тұр.

                               Допты дәлдеп ұр,

                               Оң жақтан да, сол жақтан,

                               Бізде бар мол күш.

Ерік: Басты байлық – денсаулық,

                                                                        Бабаң айтқан даналық.

                                                                        Ол үшін көп қозғалып,

                                                                        Таза ауа жұт көбірек.

Қарақат:               Спорт біздің досымыз,

                                Күш қайрат сыналған.

                                Спорт біздің досымыз,

                                Бала кезден шыңдалған.

                                             Ойыншылар шығып алға шығып өздерін таныстырады

Біздің жетістіктерімізді бағалайтын әділқазылар алқасымен таныстыруға рұқсат етіңіздер!

Ойнайық, ойнайық та ойлайық!

                               Қатардан артта қалып қоймайық,

                               Белсенді болайық ортада,

                               Уақытты тектен-тек жоймайық!

Ойнайық, ойнайық та ойлайық!

                                                    Күшімізді көрсетейік, сынайық!

                                                    Жеңсең де, жеңбесең де ренішсіз болайық,

                                                    Қаймықпай, көңілді болып тарайық!

  Бүгінгі спорттық сайыс 5 кезеңнен тұрады.

                                             1. «Мұртты кенгуру» сайысы.

                                             2. «Пингвин» сайысы.

                                             3. «Футбаскет» сайысы.

                                             4. «Кім көп секіреді?» сайысы.  

                                             5. «Желаяқтар» сайысы.

6. "Картоп егіп кел де, жинап ал" сайысы

1 кезең : «Мұртты кенгуру» сайысы.

Бала қарындашты мұрнына қысып, жартылай отырып жүріп отырып екінші 

 жаққа келіп берілген есепті шығарады. Қайтарда жүгіріп барады да әкесінің        

  алақанынан ұрып келесі эстафетаны әкесіне береді. Сонан соң әкесі,анасы қайталайды.

М:Ал енді «Мұртты кенгуру» сайысының қорытынды бағаларын білейік. Сөз кезегі әділ-қазылар өздеріңізде.

                               (Берілген бағалар тыңдалынады)

2 кезең: «Пингвин» сайысы.

    Допты аяққа қысып алып, жерге құлатпай пингвиндер жүрісімен жүріп, мәре 

  сызығына келгенде инструкторлардың алақанынан ұрып, қайтар жолда жүгіріп кетеді. 

    Алдымен ұлдар бастайды да сонан соң әкелерінің , аналарының алақанынан ұрып эстафетаны береді. 

3 кезең: «Футбаскет» сайысы.

 Балалар допты футболдағыдай аяқтарымен теуіп барады да, қабырғаға ұрады.            

 Қайтар жолда жүгіріп келу керек. Әкелері допты баскетболдағыдай жерге ұрып 

  отырып барады да, қабырғаға ұрады. Қайтар жолда жүгіріп келу керек.

4 кезең: «Кім көп секіреді?» сайысы.

 Балалар әкелеріне скакалкамен секіріп барады да скакалканы береді, ал әкелері

  скакалканы аяқтарынын астынан өткізіп отырып мәреге секіріп келеді.

                       (Ойыншылар жарыса бастайды)

5 кезең: «Желаяқтар» сайысы.

Балалар желаяқтар жүрісімен жылдам жүріп барады да, әкелерінің алақандарын 

 ұрып эстафетаны береді. Қайтар жолда әкелері отырып жылдам мәреге жүріп келу

 керек.

6кезең»: "Картоп егіп кел де, жинап ал"
Ойыншылардың алдында 10 кішкене шеңбер және топ басшының қолында дорбада 10 картоп болады. белгі бойынша топбасшылар картопты шеңберге отырғызады да шапшаң жүгіріп барып дорбаны 2 - ойыншыға береді. Ол картопты жинайды, 3 - ойыншы егеді, 4 - ойыншы жинайды, Ойын осылай жалғасады.

Ата-ана:              Ұрпақ керек ертеңгі алда,

                                     Болашақты болжайтын.

                                     Дені таза, тәні таза,

                                     Елін, жерін қорғайтын!

Ата-ана:                                    Денсаулық-басты байлық өмірдегі,

                                                          Нәр беретін асыл ғой көңілдегі.

                                                          Салауатты өмір салтын насихаттап,

                                                           Атанайық жақсы азамат өңірдегі.

  Мұғалім:                 Еліміздің болашағы дені сау азаматтардың қолында. Денсаулықтың кепілі –  салауаттылық. «Толағай» отбасылар сайысы осымен аяқталды. Белсенділік танытып  сайысқа қатысқандарыңыз үшін көп рахмет! Деніміз сау болсын, ағайын!