Просмотр содержимого документа
««Білім биржасы» зияткерлік ойыны»
Сайыс жоспары: 04.02.2016ж
Тақырыбы: «Білім биржасы» зияткерлік ойыны
Жалпы мақсаты: Өз білімімен, ақыл-ойымен, эрудициясымен ерекшеленген трейдерлерді қалыптастыру.
Міндеттері: оқулықтан тыс ақпараттармен оқушыларды қаруландыру, жарысуға, жарыста жеңімпаз болуға ұмтылуын дамыту. Білімді, дарынды, озық болуға тәрбелеу.
Күтілетін нәтиже: Оқушылардың білімге деген құштарлығын арттыру,қызықтыру арқылы білімін тереңдету,зияткерлік қабілетін дамыту.
Барысы: Қайырлы күн, құрметті ұстаздар мен білімге құштар жас өрендер! «Білім биржасы» зияткерлік ойынына қош келдіңіздер! Бұл білім сайысының мақсаты оқушылардың білім деңгейін жетілдіру, дамыту. Оқулықтан тыс ақпараттармен оқушыларды қаруландыру. Жарысуға, жарыста жеңімпаз болуға ұмытылуын дамыту. Білімді, дарынды, озық болуға тәрбиелеу. Бұл ойында 5-6-7 сынып оқушылары өз білімдерін сынамақ. Ендеше ойын шартымен таныстырсақ: Ойынға 6оқушыдан тұратын 3 топ қатысады.
Ойын 4 кезеңнен тұрады.
І-кезең. «Бәйге»Миға шабул сұрақтары
ІІ- кезең «Полиглот»тіл өнер сайысы
ІІІ-кезең «Білім ағашы»
ІYкезең «Менің білім деңгейім»
Білім сайысының әділ эксперт мүшелерімен таныс болыңыздар! Әр топтың жинаған капиталын есептеп отыратын біздің ұстаздар эксперт мамандарымызбен анысып алайық (эксперттерді таныстыру).
Н.Балғараева- оқу жұмысы жөніндегі орынбасары
Н.Жалимбетова- тәрбие ісі жөніндегі орынбасары
А.Шарапов-қосымша білім беру педагог
М.Жөлекеш- қазақ тілі мен әдебиеті пәнінің мұғалімі
З.Оразбаева- қазақ тілі мен әдебиеті пәнінің мұғалімі
Г.Сержан- ағылшын пәнінің мұғалімі
Алдарыңызда өз білімімен, ақыл-ойымен, эрудициясымен ерекшеленген әр топтың білімді оқушылары. Ендеше кезек оқушыларда ( Әр топ өз атымен және ұранымен таныстырады) Ітоп «Болашақ »- білімділер тобы. Ұраны: Болашақтың ұрпағымыз білімді, Сайыста көрсетпекпіз мектепте алған білімді. ІІ топ «Эврика »- тақпырлар тобы. Ұраны: Тапқырлық таныту мақсатымыз, Біліммен шықсын тек жақсы атымыз. ІІІ топ «Асыл тас» білгірлер тобы Ұраны: Асыл тастан шығады ұранымыз Мектептің көкке шырқар қыранымыз. «Адам байлығының ішіндегі ең тамашасы – білім», – деген екен шығыс ғұламасы Әбу-р-Райхан әл Бируни. Ендеше, білім байлығы зияткерлік ойнымызды бастайық.
Мықты болсаң-алдағыны басып оз,
Мықты болсаң- арттағыны жеткізбе!
Мықты болсаң- тайғанама көк мұзда!
Мықты болсаң- бөгеттерді бұзып өт- деп сайысымыз бәйге сайысына кезек береміз.
1-кезең: «Бәйге» Бұл кезеңде сендер берілген сұраққа тез жауап беруге тырысыңыздар. Әр дұрыс жауап үшін 10 ұпай алуға мүмкіншілік бар.1 минут беріледі. Сонымен сәттілік тілеймін.
Ал, бастайық
І кезең Миға шабул сұрақтары
1 топ «Болашақ» тобына арналған сұрақтар( бірінші топ қана жауа береді)
1.Тәуелсіздік күні қай күн? (16 желтоқсан)
2. 1.Елді кім басқарады?( Президент)
3.. Қазақстан Республикасы қай құрлықта орналасқан? (Евразия)
4..Бір-бірімен туыстық қатынастағы адамдарды қалай атайды?( туысқандар)
5.Биіктігі 97 метр болатын бас қаланың симфолы.
6. Медеу мұз айдыны Қазақстанның қай қаласында? (Алматы)
7. ҚР Мемлекеттік Туының авторы кім? (Шәкен Ниязбеков)
8. Қазақстан Республикасы күні ?(25 қазан) 9. Сөз және оның мағынасын зерттейтін сала (лексика)
10. 5. Шеңбердің бойындағы екі нүктені қосатын және центр арқылы өтетін кесінді. (диаметр)
ІІ топ «Эврика» тобына арналған сұрақтар (екінші топ қана жауап береді)
Көбейтіндісі 1 - ге тең бөлшектер қандай бөлшектер деп аталады? (өзара кері) 2. 1 км неше метр бар? (1000м) 3. Алгоритм сөзі қай ғалымның атынан шыққан? (Әл Хорезми) 4. Компьютердің ақпаратты қағазға басып шығаруға арналған құрылғысы. (принтер) 5. Тарих атасы кім? (Геродот)
6. Белгілі жердегі тұрғындардың сөйлеу тілінде ғана қолданылатын сөздер. (диалект сөздер 7. «Юлиан күнтізбесін» кім жасады? (Юлий Цезарь) 8. Аспан денелерінің ішінде Ай үлкен бе, Жер үлкен бе? (Жер) 9. Жердің су қабатын қалай атайды? (гидросфера)
10. Дүние жүзіндегі ең үлкен мұхит ? ( Тынық)
ІІІ топ «Асыл тас» тобына арналған сұрақтар (үшінші топ қана жауап береді)
1. Жандарбек Мәлібекұлы және Шот - Аман Уалихан ҚР - ның қай рәмізінің авторлары? (Елтаңба ) 2. Әріптердің рет ретімен тізілген жиыны ? (алфавит, әліпби) 3. Әл - Каши ондық бөлшектер туралы қандай кітап жазды? (Арифметика кілті)
4. Алымы бөлімінен кіші бөлшек ? (дұрыс бөлшектер) 5. Қазақ тарихында тұңғыш ғарышқа ұшқан кім? (Тоқтар Әубакіров) 6. 1 сағатта неше минут бар? (60минут) 7. Ортақ бөлгіші 1 - ге тең сан? (өзара жай сан)
8. Екі тәулікте неше сағат бар? (48 сағат)
9. Түбірге жалғанатын бөлік не деп аталады? (Қосымша)
10. «Оян қазақ» кітабын жазған жазушы? (М.Дулатов)
Өте тамаша!
«Жеті жұрттың тілін біл»
Айыра біл жақсы менен жаманды,
Айыра біл, қарындаш пен қаламды.
Айыра біл соқпағында өмірдің,
Айыра біл, үш тіліңді дей келе кезекті сайысымыз
ІІ- кезең «Полиглот» тіл өнер сайысы Мұнда сендерге жұмбақтар жасырылады, ал сендер сол жұмбақтардың шешуін үш тілде, яғни қазақ, орыс, ағылшын тілдерінде айтуларың қажет. Бұл кезеңде де әр дұрыс жауап үшін 10 ұпайдан беріледі. Барлықтарыңада табыс тілеймін!
1.Тілі бар, үні жоқ, Өзін адам түсінген Жүрегі бар да, қаны жоқ, Сөйлеп тұрған ішінен.(кітап-книга-book)
2.Жүз теңгең болғанша,
Жүз.... болсын (дос-друг-friend)
3.Аяғы біреу, қолы жоқ, Шиыр-шиыр жолы көп. Өзі сөйлей білмейді, Салған ізі сөйлейді. /қалам-/
4. Жоқ өзінде бас та, Қас та, мойын да, Ұзындығы жазулы тұр бойында./сызғыш-/
5. Басы да екеу, Аяғы да екеу.(Қайшы-)
6. Ата тегі ағаштан болды,
Ақылын тауып, әсем жанды.
Теңіз беті шимайланды,
Бірақ ойым симай қалды. (дәптер-)
7.Күн-түн сайын жыртылдық
Өміріміз бір жылдық (күнтізбе- )
8.Бірге барып класқа,
Бірге үйіңе қайтады.
Оның бетін кім ашса,
Әр бағаңды айтады. (күнделік- )
9. Дүниеге тұмсықсыз-ақ келеді,
Дегенмен тұмсығынан өледі. (қарындаш-)
Жарайсыңдар оқшылар Керемет!
ІІІ кезең «Білім ағашы»
«Білеккке сенген заманда-ешкімге есе бермедік
Білімге сенген заманда қапы қалып жүрмейік» деген Абылай ханның ойлы сөзімен келесі кезеңімізге көшейік.Бұл кезеңде сендер өздерің таңдап алған сұраққа жауап бересіңдер. Мына сызбаға назар аударайық! Жеңіл сұрақ алғыларың келсе 20 ұпайлық сұраққа жауап беру арқылы аласыңдар. Мұндағы ең күрделі сұраққа жауап беру арқылы 30 ұпай жинақтауға болады.
1.Қазақ тілі Сұрақ
Екі буынды екі сөздің бірінен-бірінің айырмашылығы-бірінші дыбысында. Егер бірінші дыбысы еріндік жіңішке дауыстыдан басталса, құс аты болады, егер езулік жіңішке дауыстыдан басталса, сан есім болады. Ол қандай сөздер?
Жаубы: үкі, екі.
2.Қазақстан тарихы Сұрақ
Ұзындығы 60 метр, ені 45 метірден астам, биіктігі 40 метірге жуық. Онда түрлі мақсатқа пайдаланатын 35 бөлме бар. Оның айналасына қазақтың хандары мен басқа да белгілі адамдары жерленген. Бұл қай ескерткіш және Қазақстанның қай жерінде орналасқан?
Жауабы: Қожа Ахмет Йассауи кесенесі, Түркістан қаласы
3.Орыс тілі Сұрақ
Сколько букв и сколько звуков в слове «съем» и слове «семь»
Жауабы: Мягкий знак и твердый знак съем-4 буквы, 3 звука, семь-4 буквы, 3звука.
4.Ұлы тұлғалар Сұрақ
Ежелгі Грекияның ұлы ғалымы, математигі, механигі. Ол Сицилия аралындағы Сиракуз қаласында, туып сонда өмір сүрген. Ол кісі сол замандағы ірі мәдениет орталығы- Мысырды аралап, александриялық ғалымдардан, солардың ішінде Конон мен Эратосфеннен білім алған. Оның математикалық еңбектері өз заманынан озық болған, бұл еңбектері дифференциялдық және интегралдық есептеу ашылғанда дұрыс бағаланған. Оның көптеген математикалық еңбектерінің ішінен қисық сызықтардың ұзындықтарын, әр түрлі фигуралар мен денелердің көлемін және беттердің ауданын есептеу ерекше орын алды. Бұл Ұлы адам кім?
Жауабы:
5.Орыс тілі Сұрақ прочитайте пословицы. Объясните их смысыл.
Человек без родины-соловей без леса.
Сильный победит одного-ученый тысячу.
6.Ағылшын тілі Сұрақ. Сөздерді көпше түрде жаз
A pen-
A dog-
A pensil-
A monkey-
A kitten-
Керемет жақсы!
ІY кезең «Менің білім деңгейім» Бұл кезеңде ұпай саны ең көп топ бастайды тақтада жазулы тұрған сұрақтарға жауап береміз. Уақыты 3мин
«Алтын адам» қайдан табылды және кім тапқан? Жауабы: Алтын адам — Алматы облысындағы Есік қаласының солтүстігіндегі Есік өзенінің сол жақ жағалауындағы темір дәуірінен сақталған сақ обасынан табылған алтын киімді сақ жауынгерінің мүрдесі (5 ғасыр). 1969 – 1970 жылы археолог Кемел Ақышев тапқан.
«Қазақстанның өсімдіктері мен жануарлары» тарауы қойылады. Сұрақ: Қазақстандағы қорықтарды ата. Жауабы: Қазақстандағы қорықтар: Алматы, Наурызым, Ақсу –Жабағлы, Барсакелмес, Марқакөл, Қорғалжын, Үстірт, Қатонқарағай.
Қазақстанның тұңғыш ғарышкері Тоқтар Әубәкіров қай жылы ғарышқа ұшты? Жауабы: Тоқтар Әубәкіров 1991 жылы 2 қазанда Байқоңырдан «Союз ТМ-13» кемесімен ғарышқа ұшты.
2009 жылы 20 қазанда, Елордамыз Астанада Қазақстанның мемлекеттілігінің басты бейнесі ретінде ерекше монумент тарихқа енді. Авторы- еліміздің тұңғыш президенті Н.Ә.Назарбаев. Бұл -ғасырдан ғасырға , атадан балаға кететін айрықша тарихи рәміз. Монументтік биіктігі 91 метр. Сұрақ: Монумент қалай аталады? Жауабы: Бұл монумент «Қазақ елі» деп аталады.
Жерге ең жақын жұлдыз - Күн. Оның төңірегінде ірі аспан денелері айналып жүреді. Олар өздерінне жарық шығармайтын салқын денелер. Дегенмен түнгі аспанда олар да жұлдыз сияқты жылтырап көрінеді. Олай көрінуі бетіне түскен күн сәулесінің шағылысуынан. Сұрақ: Бұл денелер қалай аталады? Жауабы: Бұл денелер планеталар деп аталады. Грек сөзінен аударғанда жұлдыз деген мағына береді.
Бұл қала 1925-29 жылдардағы Қазақстанның астанасы болған. Бұл қаладан Мадина Садуақасова, Алмас Кішкенбаев, Батырхан Шөкенов сынды тагы да басқа атақты адамдар шықты. Сұрақ: Бұл қай қала? Жауабы: Бұл-Қызылорда.
Рефлекция Берілген сұрақтарға өздерінің ішкі толғаныстарын жазу. Стикер
Мен нені үйрендім?
Маған не қиын болды?с
Мен енді не білгім келеді?
Ол үшін мен не істеймін?
Елбасы Н.Ә.Назарбаевтың «Қазақстан 2030 жылы барысқа апаратын – бүгінгі мектеп партасында отырған оқушылар» деген сөзін әрқашан жадымызда ұстап, Елбасының сенімін ақтауда дәл бүгінгідей зияткерлік сайыстарда өз білімімізбен биіктерден көріне берейік. Бүгінгі зияткерлік сайсқа қатысқан топтарды марапаттасақ. (Топтарды марапаттау) Елбасы Н.Ә.Назарбаевтың алдағы 10 жыл ішінде Қазақстан Республикасының «Бәсекеге барынша қабілетті, дамыған 50 елдің қатарына қосылу» стратегиясы бәрімізге мәлім. Осы стратегияны жүзеге асырудың басты шарты білім екені даусыз. Сондықтан «Ешқашан да бәрін білемін, енді маған бұдан артық үйренетін ештеңе жоқ деп санаушы болма», – деген Н.Д.Зелинскийдің сөзімен «Білім биржасы» ойынын аяқтаймыз. Білім алудан кеш қалмаңыздар! РАХМЕТ!
