Жа?а жыл, жарыл?а!

Тақырыбы: Жаңа жыл, жарылқа!

Мақсаты:

1)балалардың жаңа жыл мерекесінің ерекшеліктерімен таныстыру.Шаттық, думанды көңіл күй сыйлау.

2) балалардың жан жақтылықтарын, жаңа өнерлерінің қырларын ашу.

3) бір –бірін сыйлауға, әдемілікке, әсемдікке, мейірімділікке тәрбилеу.

Қажетті құралдар:плакаттар, түрлі- түсті фишкалар (ойындарға),пошта жәшігі, т.б.

Барысы:

Сайқымазақтар бүлдіршіндерді билетіп алып шығады. Балалармен шыршаны әдемі әуенге үйлесе жүріп билейді.

Балаларды залда дөңгеленіп тұрады. (Думан тобының әні «Жаңа жыл»)

Осыдан барып ортаға жүргізуші шығады.

І.Жүргізуші:

- Армысыздар ардақты ағайындар,

Ұлағатты ұстаздар және бүлдіршіндер!

Бүгінгі жаңа жыл мерекеміз құтты болсын.

Баршамызға осы жыл құт береке , жақсылық әкелсін!

- «Жақсы сөз - жарым ырыс» деген бар қазақта демеқші алғашқы құттықтау сөз беріледі.(тәрбие ісінің меңгерушісіАзила Қабиоллақызына беріледі)

- Бүгін біз мерекемізді ерекше тойлаймыз.Өйткені біздің мерекеге «Мультфильм» әлемінен қонақ келіпті.Қалай ойлайсыңдар ол кім?. (балалардан сұрау)

- Дұрыс айтасыңдар Спанч боб!

(Спанч боб ортаға билеп шығады).

Спанч боб.

- Ооо, қандай әдемі жер. Мұның бәрі не үшін, балалар? Мен үшін бе?

Сайқымазақ . (Альфия сөзі)

- Жоооқ бүгін біздің мектепте жаңа жыл мерекесі болып жатыр. Сол мерекеге келдің сен!

Спанч боб : (Диана)

- Аа,жақсы ендеше, балалар жаңа жыл құтты болсын!

Сайқымазақ . (Альбина сөзі)

-Спанч боб, сенің қандай өнерің бар? Бізге тарту ет! Қане!

Спанч боб:

- Әр сыныптан 1 баладан шықсын. Мен оларға би үйретемін.

(Спанч бобпен билеу ).

- Балалар сендер маған ұнадыңдар!

Аяз атаны қарсы алуға мен қалайыншы?

Жүргізуші:

Шыршаны жағу.

- Балалар, мына шыршаны қалай жағамыз?

- Балалар, сиқырлы сөзді 3 рет айтайық мүмкін жанады.

- Бір,екі,үш

Шыршамызды жағамыз! (3 рет)

- Ортаға хатшы шығып хабарлайды:

Хатшы (Иса)

-Балалар, біздің мерекеге тағы да бір қонақтар келе жатыр.Міне жаңа ғана менің пошта жәшігіме хат түсті. Бірақ олар тек суретін ғана жіберіпті. Бұларды танисыңдар ма?

Ортаға Маша және аю шығады.

Маша және аю.

Маша (Гүлдана сөзі)

-Балалар, біз сіздерге не үшін келгенімізді айтайық па?

- Бізді арнайы Аяз ата мен Ақшақар жіберді. Өйткені Ақшақар тәжісін біреуге беріпті. Енді оны алалмай жүр. Сондықтан біз аю екеуміз оны хатшыдан беріп жіберуіміз қажет.Тәжді алған осы біздің арамызда, ол тәжіні қайтарып беремін деп бізге хат жіберіпті. Тек оның шарты бар екен. Ендеше сендерге оны оқып берейін.

1шарт. Ән айту. Жаңа жыл туралы ән айтып беретін балалар бар ма?.

(Ортаға Айша мен Малика шығады. )

«Құтты болсын жаңа жыл» әні

Маша:

2 шарт. «Шапшаңдық» ойыны. (Аю қапты жерге шашады.)

- Балалар сыныптар бойынша тиісті фишканы жинайды.Музыка ойналады. Музыка тоқталғанда ойын аяқталады.

-Әр сыныптан екі бала шығады.Оларға әр сыныпқа бір қап беріледі. Екі бала бірігіп теру қажет.

0сынып: Шырша

1 сынып: көк түсті дөңгелек

2 сынып: қызыл түсті дөңгелек

3 сынып: жасыл түсті дөңгелек

4 сынып:сары түсті дөңгелек тереді.

- Музықа аяқталады. Қай сынып қанша жинағанда Маша санап береді.

3 шарт. «Би өнері деп аталады.»

Маша айтады:

- Қазір, мен өзім 5 баланы шығарамын олар менен қарап қайталап билейді шатасып қалған бала ойыннан шығып отырады. Ал , бастадық!

Жүргізуші:

- Жақсы балалар, 3 шарт орындалды. Ендеше Аяз ата мен Ақшақарға хатшы хат жіберсін!

Ал біз оған дейін ақша қардың тәжісін дайындап қояйық.Қане, тәжіні қайтарып беріңдер.

(Сонда ортаға қар қызы шығады).

Қар қызы: (Нұргүл)

- Тәжі міне, менің атым Қар қызы.Балалар, мен сендерді бақыладым. Сендер жаңа жылға жақсы дайындалыпсыңдар.Ендеше тәжді хатшыдан беріп жіберіңіз! Аяз ата мен Ақша қар келе жатқан шығар.Хатшы алдарынан шығып тәжді берсін.

Қар қызы:-Балалар, біз қазір шыршаны бір әнмен айналайық оған дейін аяз ата бізге жетеді.

Жаңа жыл әні («Шырқау жаңа жыл» әуені)

Жүргізуші.

-Ал енді балалар, Аяз ата мен ақша қарды шақырайық!

(Аяз ата Ақшақар – 3 рет айтқызу) Ортаға аяз ата мен ақша қар шығады.

Аяз ата :

- Уа,жұртым, жиналған,

Көңілдерің дүр маржан.

Айналайын ұлдардан,

Айналайын қыздардан

Аяз ата,Ақша қар

Жетті жолдан қиналған.

Ақша қар:

- Амансыздар ма, балалар,ұстаздар, ата-аналар және қонақтар! Жаңа жылдарың құтты болсын.Қой жылы табыс жылы,береке бірлік әкелсін.Тарихи жыл болсын. Өздеріңді сағынып жеттік.Тәжімді алып бергендеріңе рахмет.

Жаңа жылды сіздермен қарсы алатынымызға біз атамыз бен қуаныштымыз. Ал сендер бізге қандай өнерлеріңді ортаға саласыңдар?

Аяз ата:Жаңа жылға қаншама балалар, жиналып қалыпты.Ал ендеше өнерлеріңді салыңдар барлығыңа да сыйлығым бар.

Жүргізуші:

- Аяз ата, сіз ұзақ жол жүрдіңіз гой. Отырып , біздің балалардың өнерін тамашалаңыздар.

0 сынып: Тақпақ

1 сынып: «Поезд » биі

2 сынып: «Аңдар» биі

3 сынып: Ертегі

4 сынып: Флэш моб

Жүргізуші:

- Рахмет сендерге балалар, енді атамызды ортаға алып шыршамызды «Шырша» әнімен айналайық.

Жүргізуші:

-О,халайық,жараңдар,

Қилы-қилы заман бар,

Жылқы жылы әне жылыстап,

Кетіп барады қараңдар.

Құрметті достар! жылқы жылын шығарып шалайық

Жылқы:

- Қуанышты ортамыз сазға ұласқан

Тілегім болсын мәңгі ашық аспан

2015жылы қадам басқан

Көркейіп,қуана бер,Қазақстан!

Келесі жыл бастауын Қойға беремін.

Қой:

-Сәлеметсіздер ме?

-Биылғы жыл тек жақсылықтар әкелсін.

Мен дағы бір қонақпын

Он екі жылда оралар

Үлкендерге ақ ниет

Сіздерге де ақ ниет

Сіздерге мың рахмет!

Аяз ата:

-Айналайын Жаңа жыл қадамыңа нұр бітсін!Мынау менің ұлдарым мен қыздарым, мынау халайық бір өзіңе аманат.Жақсы жыл бол,дария нұр бол!Тек жақсылықты үйіп- төгіп әкел!

Жүргізуші:

-Ендеше, Осы жаңа жылымызды ортамызға алып ән шырқайық!

«Жаңа жыл» Дәрібаевтар әні

Аяз ата:

- Балалар,ұстаздар,ата-аналар жаңа жылымыз құтты болсын биылғы жыл әр шаңыраққа құ,қуаныш, шаттық әкелсін.Жамандық бұл елге жетпесін.Молшылық, жақсылық таусылмасын.Енді біз жиналайық.Әлі талай –талай сендер сияқты балалар тосып отыр.

Ақшақар:- Иа, балалар, жаңа жылдарың құтты болсын.сау болыңдар!

Жүргізуші:

- Балалар, біз енді Спанч боб, Маша және аюды Мультфильмге жібермейміз бе?

Сайқымазақтар ойыны:

- Әрине жібереміз тек, олар бізбен бір ойынды ойнап берсе

- Қазір,біз ата-аналармен және Спанч боб пен Маша мен аюмен музыкалық ойындар ойнаймыз. Бұл жерде бір емес, бүкіл сынып болып ойынға қатысамыз.Мысалы: 1 сынып ата-аналары ортаға шығады.Берілген шарды жарады.Ол шарда қандай би жазылған соны бірігіп билеп береді. Сайқымазақтарға қарап отырыңдар.

Қатысады:

0 және 1 сынып:

Спанч боб, Маша,аю:

2 сынып:

3 сынып:

4 сынып:

№ 1 шар Сыған, №2 шар. Лезгинка №3 шар Қазақша, №4шар.Твист №5 шар Индия

Спанч боб пен Маша мен аю:

Маша.

- Ал балалар, біз мерекеге қатыстық,енді өз әлемімізге баруымыз қажет Сондықтан, аяз ата ақша қар,балалар біз жиналайық сендерге рахмет!Биылғы жылымыз мерекелі,берекелі, жақсылыққа толы болсын. Ал қош сау болыңдар!

Жүргізуші:

- Аспанымызда бұлт торламасын,

Аспанымыздағы күніміз сөнбесін

Барша жандар бір тілекке қосқан үн,

Бақытты боп бастады жыл дастанын

Қуанышты келді той боп жаңажыл

Құтты болсын жаңа бақыт достарым.

-Құрметті ұстаздар,қымбатты оқушылар, ата-аналар, Жаңа жылда сіздерге бақыт, оқуда алғырлық,еңбекте табыс,өмірде жақсылық!Бүгінгі мерекемізді жаңа жыл әнімен аяқтаймыз.

Мадина Садуақасованың әні шырқалады.