Тілге құрмет - елге құрмет

Внеклассное мероприятие было проведено в рамках недели " 22 сентября-День языков народов Казахстана".

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«Тілге құрмет - елге құрмет»

ҚАРМАҚШЫ АУДАНДЫҚ БІЛІМ БЕРУ МЕКЕМЕСІ «273 ОРТА МЕКТЕБІ» КОММУНАЛДЫҚ МЕМЛЕКЕТТІК МЕКЕМЕСІ

ТАҚЫРЫБЫ: «ТІЛГЕ ҚҰРМЕТ, ЕЛГЕҚҰРМЕТ»

(мерзімі 10.09.2016 жылы 5 «Б» сынып)

Қазақ тілі және әдебиет пәнінің мұғалімі, 5 «Б» сынып жетекшісі МАМЫРОВА М.И

БАЙҚОҢЫР

2015ж

«Бекітемін» Мерзімі 10.05.16 мектеп директорының тәрбие ісі Уақыты 11.00 ________жөніндегі орынбасары Өткізілетін орны 304 каб А. Емешова 5 «Б»сынып жетекшісі

«_____» _______2016 ж. М.И.Мамырова.

Тақырыбы: «Тілге құрмет, елге құрмет»
Мақсаты:Оқушыларды туған халқының тілін қастерлейтін саналы да парасатты адамзат етіп тәрбиелеу. Көрнекілігі: Сыныпты тақырыпқа лайық безендіру, нақыл сөздер. Пән аралық байланыс: музыка, әдебиеттік оқу, математика.
Сабақ барысы: 1. Ұйымдастыру.
Қымбатты оқушылар, бүгінгі «Тілге құрмет, елге құрмет» атты танымдық ойын-думанымызға қош келдіңіздер. Бүгінгі сайыс барысында оқушыларымыздың ой-өрісін, білімдерін, ептілігін сарапқа салатын боламыз.
Мұғалім: Ана тілі – адам болып жаралғаннан бері жан дүниесінің айнасы,өсіп- өніп, түрлене беретін, мәңгі құламайтын бәйтерегі.Ана тілі жүректінің терең сырларын, халық тарихының барлық кезеңдерін, жанның барлық толқындарын ұрпақтан-ұрпаққа сақтап отыратын қазына.

Қазақ тілі аса бай, икемді тіл. Қалай исең, солай иіле береді. Орамын, бұрамын тауып, қисынын,орайын келтіріп пайдалансаң, бұл тілмен сурет салуға, тас қашап, ағаш, текемет оюға болады- ау.Бұл тілден май тамады десе де сыяр.Халықтың тіліне жырына құлақ салсаң, небір бал татитын нәріне, әріне әсте тоймайсың.Ғашықпын қазақ тіліне...Осындай майса, сұлу тілді қалай өгейсітуге болады.

Ана тілім – тірлігімнің айғағы,

Тілім барда айтылар сөз ойдағы,

Тілім өссе, мен де бірге өсемін,

Тілім өшсе, мен де бірге өшемін.

Тіл туралы бір сөйлеммен ой білдіреміз.

1-ж.Қайырлы күн, ана тілін ардақ тұтар тіл жанашырлары!

Тілім менің-тірлігім

Тіл жайында толғанбайтын кім бүгін?

Тіл жайында үгіттейді кімді-кім?

Тілім менің-тілім менің тірлігім!

2-ж. Ана тілім- тірлігімнің тірегі

Тілмен ғана кірер адам реңі

Тілсіз қоғам-өлі мынау дүниеде,

Түсініксіз тылсымменен бір еді.

Ана тілім-әрекетім азығы,

Бар ғаламды танушылық қазығы,

Ой-сананың өсуінің куәсі,

Ғасырлардың кейінгіге жалғасы.

1-ж. Қазақ тілім-өз тілім,ана тілім,

Абай,Мұхтар сөйлеген дана тілім.

Қастерлейді ұл-қызың мәңгі сені

Болашағым,бақытым,дара тілім.

1-оқушы.«Мұқағали Мақатаев»

Үш бақытым

Ең бірінші бақытым – Халқым менің,

Соған берем ойымның алтын кенін.

Ол бар болса, мен бармын, қор болмаймын,

Қымбатырақ алтыннан нарқым менің.

Ал екінші бақытым – Тілім менің,

Тас жүректі тіліммен тілімдедім.

Кей – кейде дүниеден түңілсем де,

Қасиетті тілімнен түңілмедім

2- оқушы.

Кейбіреулер туған тілін білмейді.
Білмесе де білгісі олар келмейді,
Туған тілін түсінбеген азамат
Өз ұлтының қасиетін сезбейді.
3- оқушы:

Қате болар туған тілін білмесе.
Тілін сатып өзге тілге бой берсе,
Тілін сатып деп айтпасам не дейін?
Туған тілін білгісі де келмесе!
4- оқушы.
Үйрен тілді баста бәрін жаңадан.
Отан тілі әркімге ыстық бір арман,
Ана тілім Қазақ тілін құрметтеу
Бізге аманат қалған мирас бабадан.
5- оқушы.
Бар тілегім қазақ тілі гүлдеуі
Өзге тілмен араласып жүрмеуі.
Бұл тілімнің кемшілігі кәзіргі.
Кей қазағым тілін мүлдем білмеуі!

1-жүргізуші.

Тіл- мәдениет , тіл- әдебиет, тіл-тарих. Енді бір сәт әдебиетімізге көз салайық. Ұлылардан қалған ұлы сөздерге құлақ салайық.

6-оқушы. «Түрлі-түрлі байлық бар. Солардың таңдауын берсе , мен тіл байлығын таңдар едім. Өйткені тіл байлығы – бәрінен де сеніді байлық»

Ғабит Мүсірепов

7-оқушы.«Анамыздың ақ сүтімен бойымызға дарыған тілімізді ұмыту – бүкіл ата – бабамызды, тарихымызды ұмыту»

Бауыржан Момышұлы

8-оқушы. «Ана тілін ұмытқан адам, өз халқының өткенінен де, болашағынан да қол үзеді»

Ғабит Мүсірепов

2-жүргізуші.

Көп ғалымдар қазақ тілін айбарлы тіл деседі

Айбарлы тіл әрқашанда күндер санап өседі

Абай,Мұхтар,Шәкәрімдер сусындаған ана тіл

Дәл қазірде адам төзбес қиын күндер кешеді

Дәл қазірде бәсеңдеп тұр ана тілдің айбары

Шыбын жанын аманат қып шүберекке байлады

Бұны көріп, барлық қазақ өзге тілді игерді

Қазақ тілі қорланып,жетімдерше күйге енді.

Келесі кезекті ұлағатты сөздерге бергеніміз жөн болар.

1. Тіл тас жарады, тас жармаса бас жарады.

2. Піл көтермегенді, ... (тіл көтереді).

3. Жеті жұрттың тілін біл, (Жеті түрлі ілім біл).

4. Бас кеспек болса да, ... (тілкеспек жоқ).

5. Бал тамған тілден ... (у тамған).

6. Тіл қылыштан ... (өткір).

7. Ана сүті бой өсіреді, ана тілі ... (ой өсіреді).

8. Жыланның уы тісінде, адамның уы ... (тілінді).

9. Тілден артық ... (қазына жоқ).

10. Сүңгі жарасы бітер, ... (тіл жарасы бітпес).

1-жүргізуші: Тіл -халықтың жаны.Тілі құрыған халық та жер бетінен жоғалады.Тіл – халықтың тұтас кескін келбеті, болмысы.Тіл әрбір адамға ана сүтімен бірге еніп қалыптасады.Тіл байлығы - әрбір елдің мақтанышы.

2-жүргізуші: Халқымыздың аса бай рухани қазынасы- туған ана тіліміз.Ол - қазақ тілі. Елімізде жүзден аса ұлт өкілдері тату-тәтті өмір сүруде. 1989 жылы 22 -қыркүйекте қабылданған. "Тіл туралы" заңда "Тіл- халықтың ұлы жетістігі әрі оның ажырамайтын және бөлінбейтін бөлігі" делінген.

1-жүргізуші: Ана тілі көңіліңе гүл егер,

Ана тілі- ғұмырым деп біле бер.

Өзге тілде сөйлей білу- бір өнер,

Ана тілде таза сөйлеу – шын өнер.

Көрініс:

Папасы: (МОЙЫНДА галстук, көзінде көзілдірік, папка ұстаған)

Құрметті мырзалар мен ханымдар!Мен сөзімді қорыта айтсам,қазақ тілін, айналайын ана тіліңді қорғайық. Ол үшін, ең алдыменқазақ азаматтары, өздеріңізүлгі болыңыздар деп шақырамын.
Бүгін қатты шаршадым. Күнде осы. Надоело все это! ӘЙ, Данатик, үйдесің бе?Где ты? Иди сюда.

Баласы ( қолында сотка, ауызында сағыз)

Ну что папа? Не айтасың? А то мне некогда.

Папасы:

ТЫ уроки готовил? Мыынауың не? Ой, иттің күшігі.

Баласы:

-Что? Мен күшік да, тогда ты собака, папа!

Мамасы кіреді, оған папасы:

-Ай, мамасы, осы бала нағыз Джок болайын деп тұр осы.Қарашы өзіме қарсы шабуын.

Мамасы:

Ты вечно пристаешь! Джок, не слушай его, пожалуйста. Иди к себе. (баласы шығып кетеді).

Папасы:

Я тебе сколько раз твердил, говорим дома по казахски. Осы сенде құлақ жоқ.

Мамасы:

А вот сенде бас жоқ. Өзің айтасың, өзің бұзасың. Өзің неге орысша айтасың?Мен городская. Ал сен деревеншина. Все стараешся выдавать себя за городского, за аристократа. За нового казаха. Именно сендер виноваты.

Папасы:

Әй, әй не деп кеттің. Хватит осы.

Осы кезде әжесі келеді:

Әй, шала қазақтар,Қазақ тілінде неге сөйлемейсіңдер? Ана тілі – адамның ғұмыр бойғы серігі, рухани қуаты емес пе? Бесік жырымен бөбегіңді тербете біл, ертегі айтып естілікке үйрет, «Тәрбие – тілден басталады» деген ата – бабаның сөзін неге естеріңнен шығарасыңдар. Он рет өсиет айтқанша, бір рет өнеге көрсет.

Папасы:

Я тебе сколько раз твердил, говорим дома по казахски. Осы сенде құлақ жоқ

Мамасы:

- Рас, айтасыз, шеше! Кешіріңіз. «Ұядан не көрсең, ұшқанда соны ілерсің» дегендей, кіші алдындағы, ата-ана, ересектердің ізгі үлгісін бұдан былай орындаймыз.

2-жүргізуші: Ана тілімізде таза сөйлеп, бүкіл құнары мен нәрін бойымызға сіңіре білейік.

Бірге:

1-ж:Құрметті ұстаздар,оқушылар мерекелеріңіз құтты болғай! Тәрбие сағатымызды жабық деп жариялаймыз! Ел аман, жұрт тынышта кездескенше!

2-ж:Келгендеріңізге,көргендеріңізге көп-көп рахмет! Сау болыңыздар!