СЦЕНАРИЙ МЕРОПРИЯТИЯ УРОКА МУЖЕСТВА

Тақырыбы: «Ер есімі - ел есінде».

(Ерлік сабағы)

Мақсаты: - ауған соғысының тарихы жөнінде оқушылара мәлімет беру;

-оқушылар бойына патриоттық, интернационалдық сезімдерін тәрбиелеу;

- соғыс кезіндегі қазақстандық жауынгерлердің ерлігі, қажыр қайраты, олардың бір-біріне достық көмегімен оқ пен оттың арасындағы жанкешті тағдырын үлгі-өнеге ете отырып, оқушыларды отансүйгіштікке баулу.

Көрнекілігі: - газет «Мен көрген соғыс».

- стенд «Интернациолист-жауынгер».

- ТСО. бейнефильм.

- қанатты сөздер.

Өту барысы:

1. Кіріспе сөз.

2.Баяндама «Ауған соғысының ақиқаты».

3.Әдеби монтаж «Мен көрген соғыс» кітабы бойынша

авторы Бакытбек Смағұл

4.Қонақтарға сөз беру.

5.Үнсізідік жариялау.

6.Концертттік номерлер

7.Қорытындылау

Жүргізуші: Армысыңдар, ауғандық жауынгерлер

Жырым бар жараланған жаныңды емдер.

Өлгендердің жәннатта болсын жаны,

Тірілерің мың жаса, дәуірлеңдер!!!

Құрметті ұстаздар мен оқушылар! Бүгінгі ерлік сабағымыздың арнайы шақырумен келген қонақтарымызбен таныс болыңыздар!

1. Қызылорда облысының Ауған соғысының ардагерлер қауымдастығының төрағасы Жаров Әлібек.

Қызылорда ардагерлері Байқоңыр ардагерлері

2. Қадіров Сабит 1.Жұмабаев Дайрабай

3. Баймаханов Шахмардан 2. Үйреков Кенжебек

4. Райымов Нұржан 3. Досанов Нұрғали

5. Дасаев Ислам 4. Әшімов Нұрыла

6. Сырғабаев Алмас 5. Сандыбаев Мархабай

7.Отаров Еркін 6.Сасықбаев Қасқырбай

7. Төлегенов Баянбай

8. Шиітов Қуаныш

(Қонақтар таныстырылады)

Жүргізуші: «Ауған соғысының ақиқаты» жөнінде хабарламаны дайындаған Дарибаева Айжанға сөз кезегін береміз.

Жүргізуші: Енді бір сәт жауынгер күнделігі арқылы сол бір сұрапыл жылдарды көз алдымызға елестетіп көрелік.

1-оқушы:

Соғыс адамды ерте есейтеді. 18 бен 20 жастың арасындағы жап-жас жігіттердің кәрі кісілердей «өлім» туралы толғанғанын, өлім мен өмірдің парқын сезініп, басалқы ой айтқанын да көрдім. Сонымен бірге соғыс есеңгіретеді де. Соғыста жүйкесі жұқарып, келген кейбір жігіттердің бейбіт өмірге бейімделе алмай, тегіс жерге сүрінгенін де көрдім. Соғыс артына ауыр зардап, үлкен мехнат, қым-қиғаш із қалдырады.

2-оқушы:

Бұл оқиға болған еді Паншерде,

Жолыққанбыз сұрапыл қанішерге.

Өмірдің бір алапат кезеңдері,

Қалдырғанды адамды зарлы шерге.

Аттандырып Ауғанға балаларды,

Зарын тартып ауылда Ана қалды.

Аяқ орнын балдақпен алмастырып,

Ал аяғы Ауғанда қала барды.

3-оқушы:

Бірде мынадай оқиға болды. Командиріміз Байғали Қоқымбаев бәрімізге:

«Жол ұзақ, сапар - ауыр. Оқ-дәріні көбірек алыңдар!» - деп тапсырма берді. Сапқа тұрған кезде Б. Қоқымбаев өз тапсырмасының қалай орындалғанын тексеріп көрмек ниетпен, рюкзактарымызды ашып қарады. Кейбір жауынгерлер оқ-дәрінің орнына консерві, сухариді көбірек алыпты. Б. Қоқымбаев олардың бәріне: «Оқ болса тоқ боласың, оқ болмаса жоқ боласың!» - деп тамақтарының орнына оқ-дәріні алғызды. Міне, осындай «тамақсаулау» жауынгерлердің ішінде бірде-бір қазақ болған жоқ.

4-оқушы:

Асыл Қалқабаев асқан ер еді. Самат Баратов екеуі бірге жүретін. Өзіміз талай ерліктеріне куә болдық. Екеуі де парасатты, тумысынан батыр болып жаралған азаматтар еді. Оларға арнап «Қос боздақ» деген өлең жаздым.

5-оқушы:

Өтсе дағы сан жылдар, ғасырларым

Есімдесің Ақ Самат, Асылдарым.

Ажал құшқан айбынды азаматтар,

Қанды көйлек, қарулас досым бәрі.

Ағайындар ардақты осындағы

От шарпыған шындықтан шошынбағын!

Тауда өрді, тірлікте төрді бермес,

Арыс еді жоғалған қос ұл-дағы

Қайрылған жастық шақта қанаттарың,

Қайдасың, Асылым мен Саматтарым?

6-оқушы:

Ер қиындықта сыналады. 27-28 жастағы жігіт, шені аға-лейтенант

Бақытжан Ертаев тек әскери адам ретінде емес, ұшқыр саясаткер, білгір дипломат ретінде өзін көрсете білді. Өздерімен ашық сөйлесетін, олардың дәстүр-салтын сыйлайтын және уәдесінде тұратын бір сөзді ержүрек

Ертаевты ауған халқы да құрметтей білді.

Генерал Бақытжан Ертаевты ауғандық ардагерлер Қазақстанның ауған соғысы ардагерлері қауымдастығына төpаға етіп сайлады. Құрмет деген осы емес пе?

7-оқушы:

«Қара майор» бұл полковник Борис Керімбаевтің аңызға айналған лақап аты. «Қара майор» атын ол ешбір шен-шекпенге тең көрмейтін. Оны өйткені дұшпаны мойындап, осылай бағалаған. Жаугершілікті көп көрген қазақ елінің тарихында дұшпанның мысын басып, оны мойындатқан сарбаз ғана Батыр атанған!

8-оқушы:

Соғыстар аяқталады, ал тарих - мәңгілік. Ауған соғысы да тарих беттерінен өз орнын алды. Бірақ соғыс жаңғырығы біздің жадымызда. Өйткені, соғыстар із түзсіз жоғалмайды.

Жүргізуші: Енді бір сәт тарих беттеріне үңіліп көрейік. Бүгінгі ерлік сабағымызға арналған бейнефильмді назарларыңызға ұсынамыз.

(Ауған соғысы ардагерлерінің гимні орындалады)

Жүргізуші: Біз көрген фильмнің басты кейіпкерлері бүгін бізде қонақта. Құрметті ардагерлер! Біздер үшін сіздер көрген соғыс аңыз сияқты. Біз сіздерді сұрапыл соғыстың батырлары деп санаймыз. Жас ұрпаққа айтар тілектеріңіз, ақылдарыңыз, өсиеттеріңіз болса, біз сіздерді тыңдауға дайынбыз. Соғыста болған оқиғаларыңызды баяндасаңыздар, өте әсерлі болған болар еді.

Ардагерлерге сөз беру.

«Ат тұяғын тай басар» дейді халық.

Енді келешек Отан қорғаушы жастарымыздың

«Алғашқы Әскери Дайындық» сабағында үйренген өнерлерін назарларыңызға ұсынамыз.

Ал енді Ауған соғысының ардагері, мектебіміздің

«Алғашқы Әскери Дайындық» пәннінің мұғалімі Сандыбаев Мархабай ағайға сөз кезегін береміз.

Жүргізуші: Енді қонақтарымыздың құрметіне музыкалық сәлем жолдаймыз.

Тұрар мен Асқардың орындауында «Афганистан» әнін қабыл алыңыздар!!!

9-оқушы:

Афганец - это не профессия. И даже не звание. Это имя. Правда, лучше не скажешь. Время выбрало ВАС. И как ни тяжко было, Вы не дрогнули, ни отвернули лица от опасностей. И мы имеем право с гордостью сказать:

воины- интернационалисты - достойные сыны своего времени.

10-оқушы:

Он в сердце сохранил друзей могилы,

Он корчился от боли и от ран.

Порой не думал он, что хватит силы,

Пройти с боями через весь Афганистан.

11-оқушы:

Он слишком рано вырос из мальшишки,

И слишком много в этом сердце ран.

Он знает о войне не понаслышке,

Он помнит грозовой Афганистан.

12-оқушы:

Слушайте! Это мы говорим

Оттуда из тьмы.

Слушайте! Распахните глаза.

Слушайте до конца

Это мы говорим, мертвые

Стучимся в ваши сердца!

13-оқушы:

Пусть не все герои те,

Кто погибли, павшим -

Вечная слава! Вечная слава!

Вспомним их поименно

Горем вспомним своим.

Это нужно не мертвым

Это надо живым!!!

14-оқушы:

Еске алайық, құрметтейік құрбандардың рухын,

Қабірлері нұрға толсын, суық көрде жылысын.

Есіл ерлер ескерткішке айналсаң да біз үшін,

Мәңгі бақи тірісіңдер, тірісің!

Жүргізуші: Ауған соғысында қаза болғандарды 1минут үнсіздікпен еске алайық! (1 Минут үнсіздік)

Ракмет!

- Бұл күн Ауған соғысының ардагерлері үшін тарихи күн. Тағдырлы күн!

Бұл күн сол кездегі елге ағылған темір табыттардың тоқтаған күні. Бұл күн жанары жасқа толы жесірлер мен жетімдердің, қара жамылған аяулы Аналарымыздың жалғыз ұлын жоқтаған күні!

15-оқушы:

Ей, тағдырлас тірілер,

Ұнжырғасы түспеген.

Ар ұяты өлмеген,

Ұлы Алланың жылы жырымен жазылған

Жазмыштың жазуына көнбеген.

Кәне кім бар «Мен» деген?!

Бүйіріндегі бұйрығынан сөз алып,

Қан сасыған Ауған тауын аза қып,

Құшақтатып қу тізесін жесірдің

Уақыт өтті, уақыт өтті сазарып.

16-оқушы:

Көк сұр түнде Көк бөрі ой ұлытып,

Жамалымды ыстық жаспен жылытып.

Жұлдыз болып ағып түскен сан игім,

Көкке қарап налимын,

Сүт аңқыған күлкісі үшін сәбидің,

Бұ Дүнияны тәрк етіп,

О Дүнияны олжалап,

Қанмен салып тағдырының келбетін,

Қаһарымен қалтыратқан жер бетін.

Шейіттерге басын исін күллі Адам,

Дұға қылсын иігендей жерге Күн!

17-оқушы:

Ақылы асқан ағалар ардагерлер,

Аман есен Ауғаннан қалған ерлер.

Риза болсын рухы боздақтардың,

Артта қалған біздерге, қалған елге.

18-оқушы:

Ашу емес әр тұста ақыл жеңер,

Бірін-бірі өсер ел «Батыр» деген.

Егеменді елімнің еңсесі боп,

Жалғасады жаңа ұрпақ ғасырменен.

Би. Смуглянка

19-оқушы:

Носите ордена

И в праздники и будни.

На строгих кителях

И модных пиджаках.

Носите ордена

Чтоб видели все люди,

Вас, вынесших войну

На собственных плечах.

Жүргізуші:

Бүгінгі Ауғанстаннан Кеңес әскерлерінің шығарылуына жыл толуына байланысты ерлік сабағымыздың соңында ардагер қонақтарымызға ескерткіш сыйлықтарымызды тапсыруға рұқсат беріңіздер!

(Музыка ойнап, сыйлықтар беріледі)

Жүргізуші:

Ал енді, Құрметті ардагерлеріміздің құрметіне Тұрардың орындауында «Көгілдір ту» әнін қабыл алыңыздар!

ӘН. Қазақстан

Қорытындылау сөз.

№ 5 Абай Құнанбаев атындағы орта мектеп

Байқоңыр қаласы

2009жыл.