"Спорт - сенің серігің!"

№5 мектеп- лицей

«Спорт – сенің серігің»

( 5-ші сыныптар)

Жауаптылар:

Сағынбаева М.Ж.

Ермагамбетова А.С.

Таңсықбаева Г.М.

Махат Г.Ә.

2022 жыл маусым

Тақырыбы: Спорт – сенің серігің жарыс.

Мақсаты: «Денсаулық» ұғымының адамгершілік құндылығы ретінде мәнін ашу. Денсаулықты сақтау, нығайту қажеттілігі туралы түсініктерін кеңейту. Денсаулығын нығайтуға қызығушылықтарын арттыру. Денсаулығын күтуге, бағалауға тәрбиелеу.

Көрнекі құралдар: слайд, спортқа байланысты нақыл сөздер, шарлар, доптар, қасық, қап, картоп, жұмыртқа, кеглилер, ысқырық, т.б.

Ашылуы: «Спорттық би»

Сайыс барысы:

Жүргізуші: 

№5 мектеп- лицейінің қонақтары мен оқушылары. Бүгінгі 5 сынып оқушыларының арасында өтетін «Спорт-сенің серігің» атты сайысқа қош келдіңіздер.

«Спорт-сенің серігің» атты топтық сайысы балаларға тәрбиелік маңызы зор ойын - сауықты спорттық іс - шара.

Екі топ қатысады.

Толағай:

– Оу - у, мына жерде балалар жиналып қалыпты ғой. Сәлеметсіңдерме, балалар,

ата - аналар, қонақтар! Менсіз қалай «Спорт-сенің серігің» атты топтық сайысын өткізгелі жатырсыздар?

Жүргізуші: 

Сәлеметсіз бе, Толағай? Кел онда, сайысты бірге жүргізейік.

Толағай:

Ал, қанекей, қонақтар,

Ортаға назар салайық.

Ойыншылар келеді,

Қол соғып қарсы алайық.

Жүргізуші:

Әр таңды бақытпенен аттырамыз
Өнерді ой көгінде бақылаңыз,
Сайысқа қатысуға енді ортаға,
«Бүркіт» тобын шақырамыз.

Ұстанған салауатты өмір салтын
Жасқанып ешқашанда мойымайтын
Болашақ спортшылар келді ортаға
Қол соғып қарсы алайық «Барыс» тобын

Ақ түсті киімде «Бүркіт»  тобы,

жасыл түсті киімде «Барыс» тобы,

Жүргізуші:

Ал, құрметті халайық!
Жарысты енді көріңдер
Әділ қазы алқасы
Әділ баға беріңдер!

Жүргізуші:

Тәлімді тәрбие отбасынан бастау алса, дені сау ұрпақ – ұлт болашағы болмақ.

Құрметті жарысқа түскелі тұрған бүлдіршіндер,әділқазы алқалары және сайысымыздың қонақтары! Сайысымыздың әр бөлімімен таныстыруға рұқсат етіңіздер.

Сайысымыз 8 кезеңнен тұрады:

1 кезең «Таныстыру»
2 кезең: «Құлатпай алып өт» сайысы
3 кезең: «Мергендер» сайысы

4 кезең: «Кім жүйрік» сайысы

5 кезең «Жұмыртқаны түсірме» сайысы

6 кезең «Картоп егіп кел де, жинап ал» сайысы
7 кезең «Ептілік» сайысы
8 кезең «Допты түсірме» сайысы

Құрметті сайыскерлер! Сіздерге сәт сапар!
Толағай, ендеше Сайысымызды бастайық.

Толағай:

Қалма жұрттың соңында,

Қажет болса мың атта

Аздық етер оныңда,

Жету үшін мұратқа.

Жүргізуші: Сайысымыздың 1кезеңі: «Таныстыру»
1 кезең: «Таныстыру» сайысы (үй тапсырмасы)
шарты: (топтың аты, ұраны, мүшелерін таныстыру 3 - 5 минут)

Жүргізуші:

Өнер қуып отбасы өтер дейміз

Бір басына өнері жетер дейміз

Сайысқа келген топтар кезектесіп,

Таныстырып өздерін өтсе дейміз.

(Әр топ өздерін ұрандарымен таныстырады)

Толағай:

Шынықсаң шымыр боласың,
Сауығып айдай толасың.
Спортты серік ете біл,
Жақсы азамат боласың –

деп келесі 2 кезеңге көшеміз.

2 кезең: «Құлатпай алып өт» сайысы

Шарты: Ата - аналар қолдарын айқастырып, баласын отырғызып, кедергілер арасымен жүгіріп өтеді. Бірінші келген топ жеңімпаз.

Жүргізуші:

«Спорт көркі өмірдің, спорт досың серігің» – деп сайысымыздың 3 кезеңіне көшейік.

3 кезең: «Мергендер» сайысы

Шарты: Допты екі аяқтың арасына қысып, түсірмей кедергілер арасымен өтеді, ілініп тұрған шарды жарып қайта келеді.

Толағай:

Сайысымыздың 4 кезеңі «Кім жүйрік»
4 кезең: «Кім жүйрік» сайысы

Шарты: Қаптың ішіне кіріп қос аяқпен секіреміз. Ойынның шартын бұзбаймыз, бірінші келген топ жеңімпаз

Жүргізуші:

5 кезең: «Жұмыртқаны түсірме» сайысы

Шарты: Кедергілер арасымен қасықтағы жұмыртқаны түсірмей өтіп, қайта келеді. Бірінші келген топ жеңімпаз.

Толағай:

Спорт десе таза біздің арымыз
Жалындайды жанымыз

Олай болса 6 кезең «Картоп егіп кел де, жинап ал».
6 кезең: «Картоп егіп кел де, жинап ал»
Шарты: Ойыншылардың алдында 5 - кішкене шеңбер және топ басшының қолында дорбада 5 картоп болады. Белгі бойынша топбасшылар картопты шеңберге отырғызады да шапшаң жүгіріп барып дорбаны 2 - ойыншыға береді. Ол картопты жинайды, 3 - ойыншы егеді, 4 - ойыншы жинайды.

Ойын осылай жалғасады. Бірінші жинап келген топ жеңімпаз.

Жүргізуші:

Сайысымыздың 7 кезеңінеде жеттік.

7 кезең: «Ептілік сайысы»

Шарты: Бұл сайыс «Боулинг» - ойынына ұқсас. Ойыншылардың қолына кішкен доп беріледі. Әр топқа кегілейден перамида құрап жасақталады. Әр командаға берілген доппен, топ мүшелері кезекпен лақтырып, перамиданы құлатулары керек. Қай топ перамиданы көп құлатса, сол топ жеңімпаз болып есептеледі.

Толағай:

8 кезең: Енді соңғы сайыс «Допты түсірме» сайысына кезек берейік.

Шарты: Әкесі мен анасы маңдайларына допты қысып, түсірмей кедергі арасымен жүріп өтеді. Бірінші келген топ жеңіске жетеді.

Жүргізуші: Сайыс осымен тәмам. Төреші әділ - қазыларымыз ұпай сандарын есептеп, қай сынып оқушылары, топ жарып жеңіске жететіндігін хабарлағанша, барлық қатысушылардың орындауында  «Флешмоб» биін тамашалаңыздар.

Жүргізуші:

Жарыс заңы ежелден -
Жеңімпазды анықтау
Жеңімпаз болу шарты сол -
Еңбектену, жалықпау
Біреу озса сайыста,
Біреу артта қалады
Жеңілгендер ренжімей
Тараса бізге жарады – демекші

Ендеше, осы денсаулықты зор байлық деп білетін белсенді де білгір, денсаулығы мықты спорт десе ішкен асын жерге қойып, алтын уақытын спортқа арнайтын спортты сүйетін бүлдіршіндеріміздің жетістіктерін марапаттау рәсіміне көшейік.

(Марапаттау рәсімі)

Салауатты өмір салтын сақтап, болашағымызды сәулендірейік!

«Спорт-сенің серігің» 5 сыныптар сайысы осымен аяқталды.

Салауатты өмір салтын қолдаймыз,

Жамандықтан жанымызды қорғаймыз.

Денсаулықты жанымызға серік қып

Болашаққа аманат қып жолдаймыз.

Белсенділік танытып, тамашалағандарыңыз үшін көп - көп рахмет!.