« Қосалқы мектеп- интернат » КММ
ТІЛ КОНФЕРЕНЦИЯСЫ
Тақырыбы: Білім әлеміне саяхат
1 «А» сыныбы
Өткізген: Айдархан Ж.Б
Семей қаласы 2016 ж.
Сабақтың тақырыбы: Білім әлеміне саяхат
Мақсаты: Оқушылардың сөйлеу тілінінің даму деңгейін тексеру.
Міндеттері:
1.Білімділік: Балалардың қоршаған орта туралы түсініктерін кеңейте отырып,білімін толықтыру. Баланың жыл мезгілдері туралы түсініктерін кеңейту. Қоршаған ортамен таныстырып,қоршаған ортаға деген сүйіспеншіліктерін арттыру.
2. Түзету – дамытушылық: Сөздік қорын, ойлау қабілетін дамыту. Ақыл - ойын, сөйлеуін тілін дамыту.Сурет бойынша қойылған сұрақтарға толық жауап беруге дағдыландыру арқылы зейіндерін дамыту
3.Тәрбиелік: Табиғатсұлулығын сезіне білу, қамқорлық көрсетуге тәрбиелеу.
Қоршаған ортаға деген сүйіспеншілікке, жанашырлыққа, бауырмалдыққа тәрбиелеу. Ұқыптылыққа, дербестікке тәрбиелеу.
Сабақтың көрнекілігі: Президент портреті, «Үй жануарлары», «Жабайы аңдар», «Жыл мезгілдері», «Бағдаршам», слайд, қуыршақтар
I.Ұйымдастыру кезеңі: партаға дұрыс отыру. Сабаққа зейінін аудару.
Психологиялық сәт (хормен айту)
-Амансың ба, алтын күн! (Слайд)
Амансың ба, көк аспан!
Амансың ба, Жер ана!
Амансың ба, достарым!
Сендерді көрсем қуанам!
- Үлкенге де сіз
Кішіге де сіз
Бар адамға құрметпен
Бас иеміз біз.
2) Артикуляциялық жаттығу жасату. (Слайд)
А) «Сағат», «Күрекше», «Ат шауып келеді», «Алтыбақан», «Тәтті тосап».
3)Тіл дамыту, таза сөйлеу минуты:
Көктем туралы
Тем – тем – тем,
Көңілді көктем.
Ыр – ыр – ыр,
Жауады жаңбыр.
Ғай – ғай – ғай,
Жарқылдайды найзағай.
Шек – шек – шек,
Шығады бәйшешек.
Ал –ал –ал,
Төлдейді мал.
4. Әлеуметтік - тұрмыстық бағдарлау. (Слайд)
Өзінің аты-жөнін, жасын, қай жерде тұратындығы туралы айту
5. а) Кел, балалар ойнайық,
Ойнайық та ойлайық.
Қандай жұмбақ болса да,
Шешпей оны қоймайық!
Жұмбақ жасырады:
Менің үш көзім бар,
Бір көзім: «Кідір» - дейді,
Бір көзім: «Жүгір» - дейді,
Бір көзім: «Абайла» - дейді,
«Қарап ал маңайға» - дейді.
Ол не? - Бағдаршам (Слайд)
Әңгімелесу
Сұрақтар қояды: Сұрақтарға жауап береді.
Бағдаршам не үшін қажет? - Бағдаршам жолды өтуге қажет.
Бағдаршамның неше көзі бар? - Бағдаршамның үш көзі бар.
Қандай түсті көздері бар? - Қызыл, сары, жасыл көздері бар.
- Балалар, бағдаршам қай жерде тұрады? -Бағдаршам жолдың шетінде тұрады.
- Енді, балалар алдарыңдағы бағдаршамның суретіне ретімен түстерін қойып шығыңдар.
6. Көктем белгілері атау. (Слайд)
Мұғалім жұмбақ жасыру
Күн ұзарып қар еріп,
Су сайларға толады,
Бұл қай кезде болады? (Көктем)
Дұрыс айтасыңдар.
Көктем мезгілінде табиғатта қандай өзгерістер болады?
Күн жылынады. Қар ериді. Жылғалардан су ағады.
Ағаштардан бүршік атады. Құстар ұшып келеді.
Шөптер, гүлдер шығады.
Ең алғашқы шығатын гүлдерді атаңдар?
Қызғалдақ, бәйшешек.
Көктемде жаңбыр жауады.
Бір жылда неше мезгілі бар?
Төрт жыл мезгілі бар.
Қыс, көктем, жаз, күз.
Көктем мезгілінде неше ай бар?
Үш ай бар. Наурыз, сәуір, мамыр.
«Жыл мезгілдері» слайдтан табу.
Сергіту сәті:
«Қазым, қазым қаңқылда»
Қазым, қазым, қаңқылда
Көлде жүзіп саңқылда
Жем шашайын, жейсің бе?
Кәмпит берші дейсің бе?
Жоқ, жоқ, жоқ!
Кәмпит - тәтті, болмайды ас
Арпа менен бидай шаш
7) « Менің оқу құралдарым» (Слайд)
-Балалар, оқу құралдары бізге не үшін қажет?
-Кәне, кім оқу құралдарын атап береді? -Дәптер не үшін керек?
-Оқу құралдарын неге салып тасимыз? -Бояумен не істейміз?
«Сөмкені жина» ойыны
Ойын ережесін еске түсірейін: Мектепке оқу құралдарын сөмкеге жинау керек. Салған заттардың аттарын атау
8. Тақырыбы: « Үй және жабайы жануарлар» (Слайд)
-Балалар, жануарлар нешеге бөлінеді?
Сұрақтарды суреттерді көрсету арқылы қою.
1) Үй жануарларын атаңдар және олардың тигізер пайдасын айтып беріңдер, үй жануарлары немен қоректенеді?
2) Жабайы жануарларды атаңдар, олар қайда мекендейді? Үй жануарларынан қандай ерекшеліктері бар?
3) Үй жануарлары , Жабайы аңдар ажырату
4)« Не артық » ойынын ойнату. (Слайд)
9. Тақырыбы: « Біздің Отанымыз» (Слайд)
Біз қай елде тұрамыз?
- Қазақстанда.
Біздің Республикамыз қалай аталады?
- Қазақстан Республикасы.
Еліміздің президенті кім?
- Нұрсултан Әбішұлы Назарбаев.
Мұғалім:Отаның, елің туралы не айта аласыңдар?
Отан – деген атамекен
Отан – деген туған жер
Отан – ана, Отан – үлкен
Қазақстан – туған ел.
Астана қаласы. (Слайд)
1-бала: Астана бас қала,
Жолдары тап таза,
Шамдары жарқырап,
Жайнайды бас қала.
Сергіту
Ұзын құлақ сұр қоян
Естіп қалып сыбдырды
Ойлы –қырлы жерлермен
Ытқып –ытқып жүгірді.
Қарап еді артына
Қиығын сап көзінің
Келе жатқан томпаңдап
Көжегі екен өзінің
10) Біздің сыныптың оқушылары есептерді шығарып, әріптерді үйреніп жатыр. (Слайд)
Балалар, біздер осы уақытқа дейін не үйрендік, соңы ортаға салайық? Алдымен ойымызды жинақтап алайық.
- Дыбыс дегеніміз не? (Слайд)
- Әріп дегеніміз не? (Слайд)
Буынға бөлу: са-ғат, мы-сық, доп, жаңғақ (Слайд)
11) Қызықты математика әлеміне саяхат жасайық!
Аулада бес үйрек,
Қорада үш үйрек.
Бір үйрек тығылды,
Бір үйрек жығылды.
Қалғаны неше үйрек? (6)
Бес алманың үшеуін,
Досың сұрап алады.
Айтшы сонда нешеуі
Өз қолында қалады? (2)
12)Сабақты қорытындалау. Балаларды мадақтау.
- Ендеше балалар осымен сабағымыз аяқталды.
- Қонақтармен қоштасайық!
- Бүгінгі жиынға
Келдіңіз бәріңіз
Рахмет сіздерге
Айтамыз бәріміз (Хормен айту)
13) Көңілді би. « Буги- вуги»