«Балдырған» тобы Тәрбиешісі: Урынбаева Жанар Куандыковна
«Құтты болсын, Жаңа жыл!»
Мақсаты: балаларға мерекелік көңіл күй тудыру; шыршаның қалай әдемі де сәнді безендірілгеніне, балалардың Аязатаның, Ақшақардың, Қоянның карнавалдық киімдеріне назар аударту; көңілді ойындар ойнату, достық қарым - қатынас ояту, бірлескен ойындар ойнату.
Қатысушылар: жүргізуші, Аязата, Ақшақар, Қоян, Клоун, балалар, ата - аналар.
Музыка ойнап тұрады.
Жүргізуші: Армысыздар, аяулы ұстаздар, ата - аналар! Сәлеметсіздер ме, балалар. Сендер бүгін, сәнді киініп, әдемі болып кетіпсіндер. Мына жерде орман аңдары, сүйікті ертегілеріміздің кейіпкерлері де жетіпті. Ал, бүгін балалар, қандай мереке?
Балалар: Жаңа жыл!
Жүргізуші: Балалар бүгін біз Жаңа жылды қарсы алуға жиналдық. Келіңдер, сән құрап тұрып, қол ұстасып жүріп ән салайық.
Ән: «Аппақ, апппақ жапалақтап»
Жүргізуші: Балалар, ортамыздағы әсем не?
Балалар: Шырша!
Жүргізуші: Шыршамыз қандай әдемі! Ойыншықтары неткен көп! Ал, кім бізге шыршаға арналған тақпақтарын айтып береді екен?
Самал:
Жасыл шырша орманнан,
Бізге арнайы келіпті.
Ойыншығын балалар,
Шыршаға әсем іліпті.
Жансұлу:
Әсем шырша сәнденген,
Өз аңдарын күтеді.
Жаңа жылмен бірге біз,
Орманға кеп жетеді
Қ. Инжу:
Тамаша, тамаша,
Шыршамыз тұр жараса.
Басында әсем жұлдызы,
Көз тоймайды қараса.
Жүргізуші: Жарайсындар, қандай жақсы тақпақтар! (шыршаның жанына жақындап келіп) бәрекелді, қараңдар балалар, шыршаның астыңда бірдеңе тұр! Сыйлықтар! Сыйлық алу қандай тамаша, келіңдер, балалар, сыйлықты ашып көрейік. (көңілді муз. Ойнайды, қорапты ашады, оның ішінен Клоун атып шығады.)
Клоун: Амансыңдар ма, балалар! Иә, бұл менмің. Мені ораудан алып шыққандарың қандай жақсы болды! Ол жерде тар, әрі қап - қараңғы. Ал, мұнда сондай тамаша екен! Мен де сендермен жаңа жалды қарсы алайыншы, сендермен бірге қызықты ойынды ойнайыншы!
Ойын: «Кім жеңеді?» (4 орындықпен)
Жүргізуші: Балалар, бізде шыршамыз бар, әдемі киінген балаларымыз бар, ата - аналарымыз, көрермендеріміз де бар екен, енді, біздің жаңа жылдық мерекемізге кім жетпейді?
Балалар: Аязата, Ақшақар.
Жүргізуші: кәне, онда Аязатаны шақырайық. Бар дауыспен айқайлайық.
Балалар: Аязата, Ақшақар
Қоян: Ойбай түрлерін қара! Неге тамақтарынды ауыртып айқайлап жатырсыңдар?!.
Жүргізуші: Сен өзі қайдан шықтың? Біз Аязатаны шақырып едік қой?!
Қоян: Ал, мені мерекеге неге шақырмайсындар? Аязата сендерге бәрібір келмейді, өйткені мен ормандағы жол көрсететін белгіні алып тастадым, енді ол жол таба алмайды ха - ха - ха (деп секіреді)
Жүргізуші: неге олай еттің? Аязата, Ақшақарсыз қандай жаңа жыл келмек?
Қоян: Ә, бәлем, солай ма екен! (осы кезде боранның гуілдеген дыбысы естіледі. Қоян тоңа бастайды да, шыршаның астына тығыла бастайды )
Жүргізуші: Алыстан Аязатаның дауысы естіледі.
Аязата, Ақшақар келе жатыр ғой деймін, шақырайық, қол соғайық
Балалар: Аязата, Ақшақар!
Аяз ата: Жаңа жылмен, Жаңа жылмен,
Құттықтаймын бәріңді
Жасым келіп қартайған
Мен ақ шашты атамын.
Ақшақар: Келді міне Жаңа жыл
Қуанышпен біздерге
Құтты болсын қуаныш
Құттықтаймыз сіздер Өздерін
сияқты балалардың шат күлкілі думан тойын аралап келеміз. Міне сендердің орталарыңа да жеттік.
Ау бүлдіршін қыздарым
Жас жеткіншек ұлдарым.
Қандай жақсы жүздерін,
Қуанышты сыйлайын.
Мен білемін бір ойын:
Үйретейін сендерге
Мен бастайын, ал, сендер аяқтаңдар ойынды. Хормен жауап айтыңдар!
Ақшақар: Қызыл мұрын, ақ мұртты білсең атын тез ата, келеді бізге..
Балалар: Аязата!
Ақшақар: Шырша бүгін кәделі! Сендер әрі.
Балалар: Әдемі!
Ақшақар: Көңілсіз бір бала жоқ, ойын – күлкі таралсын.
Құтты болсын.
Балалар: Жаңа жыл! (3 рет)
Жаңа жыл келеді.
Жаңа жыл: Кім десендер, мен жаңа жылмын, тауық. Мен әкелген жаңа жыл сендерге үлкен табыс, денсаулық ала келдім.
Би: «Шөжелерім» (Самал, Альбина, Қ. Инжу)
Би. «Қуыршақтар» (Жансұлу, Азиза, Ж. Инжу)
Аязата: Бәрекелді, ал, енді балалар тақпақтарын айтып берсін.
Бекзат.
Бізді байтақ далада,
Асқар тауда қалада.
Биыл ғажап іс болды,
Таң ғажайып қыс болды.
Ислам:
Жаңа жылмен, жаңа жылмен,
Құттықтаймыз әрине.
Әкемізді, анамызды
Қонақтардың бәрін де!
Қ. Инжу
Бір топ бала сырғанап,
Би билейік зырлайық.
Қалды артта қар алып,
Іздерінен қар ұшып.
Айзере:
Мұз болады қатады,
Жап - жалтар боп жатады.
Азиза:
Кел жаңа жыл біздерге,
Кел жаңа жыл, жаңа жыл.
Назархан:
Қызыл ала шапаны,
Сағындым Аязатаны.
Альбина
Далада қар борайды,,
Ақ мамыққа орайды.
Нүргелді:
Қыс келді, Қыс келді.
Ақтарып ақ қарды.
Дина:
Қызыл ала шапаны
Сағындым Аязатаны.
Аниса:
Мұздан моншақ тағынып,
Күміс қырау жамылып.
Ортада тұр Ақшақар,
Көптен күтіп сағынып.
Инабат:
Кел билейік сенімен,
Деймін тартып жеңінен
Еріп кетпе Ақшақар.
Адамдардың демімен.
Алмир
Ақ қырауға малынған,
Сақалы да мұрты да.
Аяз ата сағынған,
Сәлем берді жұртына.
Аяулым:
Міне тағы келіп тұр,
Жаңа бір жыл балалар.
Жадыратып жер үстін
Төрімізге ол шыққан
Ұлан
Аспан жерге төгеді,
Ақ күмісін уыстап,
Жаңа жылда келеді
Бізге қарай жылыстап.
Жансұлу:
Жүзімізге күлкі ойнап
Қанаттанды жанымыз.
Жаңа жылды біз тойлап
Шаттанамыз бәріміз.
Самал:
Аппақ тонға оранып,
Базарлықты мол алып.
Келді алыс сапардан,
Аяз ата оралып.
Айару
Тілеймін мен бар әлемге,
Дос көп болсын жаңа – жыл,
Ата - әже, әке - шеше.
Құтты болсын Жаңа жыл.
Ажар:
Жаңа жыл Жаңа жыл,
Жаңа жылға жаңа жыр.
Жасыл шырша жанында,
Билеп барлық бала жүр.
Бибісұлу
Бақша іші мереке,
Ойын күлкі асқақ ән,
Жақсы әпкелер жаңа кеп,
Мерекені бастаған.
Ж. Инжу.
Жасыл желен жамылған,
Асыл моншақ тағылған.
Міне, сұлу шыршамыз.
Көптен күтіп сағынған.
Жүргізуші: «Жаңа жыл!» әнімен Талғатова Самалды қарсы алайық.
Аязатамызбен Ақшақарымызбен, Жаңа жыл бар, Клоун бәріміз! Шыршаны айналып бейлейік.
Ән: «Жаңа жыл!»
Ән: «Бал балалық» әнімен Норсайын Жансұлуды қарсы алайық.
Аязата мен Ақшақар сыйлықтар таратады.
Ақшақар: Мінекей, балалар, сендермен қоштасатын да кез келді.
Сендерді қимай тұрмыз, барлығың да көңілді, әдемі бала екенсіңдер.
Аязата:
Жаңа жылда, балалар, тек қуаныш көріңдер.
Ауырмаңдар ешқашан, мықты болу өзіңнен.
Ақшақар:
Жаңа жылда, балалар, тек жақсылық көріңдер.
Жылау, ауру, жамандық қастарыңда болмасын.
Сау болыңдар, балалар
Тәрбиеші:
Құрметті қонақтар осымен жаңа жылдық ертеңгілігіміз аяқталды. Көңіл қойып тамашалағандарыңызға көп-көп рахмет. Жылдан жылға аман сау жете беріңіздер.
Жаңа жыл – жаңа әннің тербелуі
Жаңа жыл – ақ арманның өрленуі
Жаңа жыл – бақшадағы бөпектердің
Кішкентай шәкірттердің ер жетуі.
