Елін сүйген -елбасы

Тақырыбы: Елін сүйген — Елбасы
Мақсаты:Балаларға Қазақстан Республикасының Президенті Нұрсұлтан Назарбаев өмірі мен шығармашылыққа толы атқарылған істері туралы мәліметтер беру.Балаларға президенттің ел үшін жасаған істерін үлгі- өнеге ету.
Балаларды өз Отанын, халқын сүйетін азамат болып өсуге, елжандылыққа, патриоттық сезімге тәрбиелеу.

Көрнекілігі: Н. Ә. Назарбаевтың түрлі жанрларда түскен суреттері, нақыл сөздер, слайдтар.

Барысы:
Қазақстан Республикасының Мемлекеттік Әнұраны орындалады.

Құрметті ұстаздар,ата-аналар ,оқушылар біздің бүгінгі «Елін сүйген – Елбасы» атты ашық тәрбие сағатымызға қош келдіңіздер.

Жүргізуші:

-Балалар қазір жылдың қай мезгілі?

-Біз қай республикада тұрамыз?

-Қазақстан Республикасының Елбасы кім?

Жарайсыңдар балалар, сендер сұрақтарға дұрыс жауап бердіңдер. Ендеше экранға назар аударып,өткен күндерімізге шолу жасап кетейік.Слайд тақтаға назар аударыңдар.

«Ғажайып сәт»: үнтаспадан МузАрт тобының орындауындағы «Үшқоңыр» әнінің бір шумағы  орындалады.  Үш қоңыр жайлауының  жайқалған кезі. Жылқылар кісінеп, табиғат мәре сәре болып жатқан мезгіл слайд шоу арқылы көрсетіледі.  Осынау тамаша тамылжыған тыныштықты шырқыраған нәрестенің үні бұзды. (үнтаспадан жылаған нәрестенің дауысы естіледі).

Көрініс: балалардың орындауында.

-Жаршы: Сүйінші, сүйінші.

Назарбай бидің шаңырағында ат ұстар ұл келді.

— Уа, жараңдар. Сүйінші, сүйінші торсық шеке ұл келді.

Есік алдына Әбіш нәрестені алып шығады.

-Әбіш: Жарық  дүниеге келген құлыным, Алатаудай асқарлы бол, күндей күркіреп, жаңбырдай сіркіреп, даладай дастанды бол!

— Жаршы: Уа, Әбіш, баланың атын кім деп қоймақсың?

— Әбіш: Анам Мырзабала сол кісіден сұрайық. Мына жатқан батырдың есімін анам қойсын.

-Мырзабала әже: Өмірі нұрлы болсын, өз еліне сұлтан болсын деп, немеремнің есімін Нұрсұлтан деп қойғанды жөн санадым, қабыл болсын!

-Әбіш: Қабыл болсын!

-Жаршы: Иә, қабыл, әрі есімі құтты болсын!

Атына заты сай болсын!

— Мырзабала әже: Уа, Әбіш, төменгі Шамалғандағы  Әбубәкір молданы шақырып құлағына азан айтып, есімін берсін.

Әбіш молданы алып келеді.Мырзабала әже: молдеке немеремнің атын Нұрсұлтан деп қойып едім, құлағына азан шақырып атын қойып беріңіз.

Молда:  Сенің атын Әбішұлы Нұрсұлтан… Сенің атын Әбішұлы Нұрсұлтан… Сенің атын Әбішұлы Нұрсұлтан.
Мадина: Нұрсұлтан Әбішұлы Назарбаев 6-шілде 1940 жылы Алматы облысы Қаскелең ауданындағы Шамалған ауылында туған.Балалық шағы кейде айта беретініміздей таршылық жағдайда өтті.Үлкендердің мал бағуына, бау-бақша өсіруіне көмек көрсету керек болды, шөпшек теріп, отын жарды.Өзі еске алғандай, өсірген аз-маз өнімдерін сатып, үй-ішіне қажетті заттар алу үшін есек жеккен арбамен жақын маңдағы теміржол стансасына бару дегенің керемет мереке саналған.Мектепті жақсы оқып, жақсы білім алды.Ата-анасын қатты құрмет тұтты.

Жүргізуші:

Бар әлемге шын танылдық міне, біз,
Елін сүйген Елбасы деп білеміз.
Тең аталып Қазақстан - Нұрсұлтан
Нұрсұлтан мен Қазақстан тұр егіз.

Келесі кезекте тақпақтар тыңдаймыз.

Жанель:Желтоқсаннан бастау алған егемен,

Егеменді елде берік керегем.

Қазақстан бірлігімнің айғағы,

Әлем білген басшысымен көреген.
Нұрқанат
Ел тірегі - қайратым,
Абыройым, айбатым!
Отан даңқын асырдың,
Көк туымды жайнатып.
Бағымызға жүр аман,
Нұр сәулетті, Нұр аға!
Ердәулет,Арайлым,

Ән:Бала тілегі

Жүргізуші:

Міне, көзді ашып жұмғанша, осы жылы Қазақ халқы тәуелсіздіктің 25 жылдығын тойлайды. Тәуелсіздікке жету– оңай жолмен келген жоқ, ол бәрімізге мәлім. Бұл қазақ халқының ғасырлар бойы көздеген арман-мұраттарының орындалуы.

Әсемгүл:

Тәуелсіздік – рухы күшті ғажап күн
Артта қалды бодан болған азап күн
Елім, жерім қазағым деп тебіренем
Өйткені мен – тәуелсізбін, азатпын.

Мұқағали:

Қазақстан дейтін менің елім бар

Жатыр алып жарты дүние әлемін

Бұл даланы анам жаспен суарған

Бұл далада атам қолға ту алған

Бұл далада жылап келіп уанғам

Бұл даланы көріп алғаш қуанғам

Бұл далада өскен жанда жоқ арман.

Мансур:

Қазақ жері көп шеккен қасіретті

Қазақ жері өнерлі,өсиетті

Египетті билеген Бейбарыстай

Елі текті,киелі,қасиетті.

Ақниет:

Азамат бүгін байлыққа тұнған жерім

Азап жүгін ел жауын қуған ері

Әділет пен бірлікке жанын қиып

Әділ өткен билердің туған жері.

М.Жанболат:

Қазақ жері қонақжай төрлер жері

Қазақ елі-қас сақтай ерлер елі

Елі кедей болмаған ,жері байтақ

Едігедей,бабырдай шерлер елі.

Арай:

Мәнге толы қазағымның ғұмыры

Сан асылдың ашылып тұр тұғыры

Кеше ғана керексіз ғып тастаған

Ғажап екен әдеті мен ғұрыбы.

Би:қаражорға

Жалғас:
Туымызға жас туған

Бір қарамай өтпейміз

Сол көк тудың астында

Көгереміз,көктейміз.

Ануар:

Қатар шапқан қос тұлпар

Ай астында қазақ үй

Қалықтаған жас сұңқар

Шарықтаған таза күй.

Ләззат:

Бұл-таңбасы елімнің

Елдігімнің белгісі

Мұндада бар ерлігім

Мұндада бар жер күші

Алмас:

Әйнегі күн-шатыры аспан

Кең дала,төсі толқыған егін

Көлдері көкке күмістер шашқан

Қазақстан-Республикам менің.

Мақал-мәтелдер құрастырайық

Слайд тақтадағы суреттер бойынша мақал-мәтелдер құрастырады.

Жүргізуші:

Қазақ бүгін бар әлемнен баға алған,
Құт қонған ел қасиеттен жаралған.
Бірлігімнің туын биік ұстаған,
Жаңарған ел желтоқсаннан нәр алған.
Бірлігімнің бұзылмаған қаймағы,
Бейбіт күнде желбіреген байрағы.
Барлық ұлттар бақыт тапқан өзіңнен,
Қазақстан - ынтымақтың айғағы.

Ән:Атамекен Орындайтын:Серик Бекарыс
Жүргізуші:Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік, ағайын. Келесі кездескенше сау саламатта болыңыздар!