Берекелі , мерекелі алтын к?з!

«Берекелі , мерекелі алтын күз құтты болсын»

Мақсаты: Балалардың күз мерекесінің ерекшелігі туралы,күздегі дихандардың жұмыстары,күз молшылығы,берекелігі туралы түсініктерін кеңейту.Табиғатты аялауға,қоршаған ортаны,Отанды сүюге,күздің тамаша табиғатын сезіне білуге,көре білуге,еңбекқорлыққа тәрбиелеу.

Жүргізуші:Құрметті ата-аналар,ұлағатты ұстаздар және балалар!  Күз – адам баласына молшылық, береке әкелетін мезгіл. Сондықтан да адамдар күзге берекелі күз, алтын күз, аяулы күз деп баға берген. Алтын  себебі, біріншіден, айналаның бәрі сап-сары бояуға малынған. Екіншіден, алтын байлықтың белгісі. Екеуін атастырып алтын күз деп атаған. Күзде егінді жинап болған ата – бабаларымыз сабан той деп күз берекесін тойлаған. Міне, бүгін сол дәстүрдің жалғасы ретінде «Берекелі , мерекелі алтын күз құтты болсын» атты мерекелік кешімізді бастауға рұқсат етіңіздер!

Бақытжан: Қош келіпсіз ақ жаулықты аналар,

Жүздеріңнен мейіріммен нұр тамар,

Алдарыңда жауқазындай құлпырған,

Біз алаңсыз балғын шақты балалар!

Аяла: Армысыздар,мұғалімдер әз жандар,

Білім іздеп инемен құдық қазғандар,

Құшақ жая қарсы аламыз сіздерді.

Би - биленіп ән де бүгін шырқалар,

Хормен: Берекелі,мерекелі алтын күз құтты болсын!

Жүргізуші:  Баршаға өнер сүйер жар саламыз,

Үкілі үміттерді қарсы аламыз,

Күйге енейік баршамыз ерекше бір

Сіздер үшін би - билеп, ән салайық.

Би: «Көбелектер» Аяулым,Әсел,Лия,Жансая,Жансая,Анеля,Аяла.

Али : Алтын күз әсем айналам,

Қараймын көзім тойғанша,

Жақын қалды желтоқсан,

Жабырқайды жапырақ,

Фатима: Алқапты бидайды,

Қоймаға ел жинайды,

Тырнасы тізілген,

Ұнатамын күзді мен.

Жанерке: Көбейді құт береке,

Астық толы қамбамыз,

Құтты болсын мереке.

Алтын күзді тойлаймыз.

Жүргізуші: Өнім биыл тамаша!

                 Көз тоймайды қараса:

                 Сәбіз, пияз,қияр,бұршақ

                 Қызанақ пен қызылша

                 Орамжапыраққа қарашы!

Сүлеймен: Өсіретін бойынды,

Дамытатын ойыңды

Қоянға да азықпыз.

Сәбіздерміз жақсымыз.

Рамазан: Ақ түсім бар қант алар,

Қызыл түсім қанға нәр,

Зияным жоқ біліп қой.

Қызылшамын пайдам бар,

Бекбол: Көрсең егер бақшадан,

Доп екен деп қалма.

Шөл қандырар қарбызбын,

Ерте сен үзіп алма.

Д.Жансая: Мен жүзіммін,жүзіммін.

Моншақ болып тізілдім.

Түсім жасыл болған мен,

Дәмін тәтті,сен білсең.

Берікбол: Піскен кезде қызанақ.

Көз тартар қызыл тусімен,

Бар ма адам сүйсінбей

Томат шырын ішпеген.

Жүргізуші: Кел,алтын күз,төрле - төрім жеріме,

Құт-береке боп келгейсің еліңе.

Үміт артып,армандарға аяулы,

Шаттығыңа бөлегейсің мені де.

Ән : «Әңгелек» Бақытқожа

Ю.Әсемай: Қуандырып біздерді,

Мерекелі күз келді,

Кел ,жемісті алтын күз.

Кемелденсін халқымыз.

Іңкәр: Күзім - ау,күзім - ау

Мінезің бұзық – ау

Жаңбырың сіркіреп,

Жауғаның қызық ау.

Аяулым: Жетті желмен алтын күз,

Жеміс жинау салтымыз.,

Жинап,теріп болған соң,

Той жасайды халқымыз.

Лия: Келші, келші алтын күз,

Келші, келші жарқын күз,

Мерекені жалғастыр.

Ойнап күлші алтын күз,

Жүргізуші:Мың бұрала бишілер билей басып,

Міне ,ортаға келеді,толқып - тасып,

Бишілерін сыйлаған халқым менің

Би : «Әтеш және балапандар»

Жүргізуші:Күз мезгілінің ерекшеліктері қандай?

1-сұрақ:-Күз айларын ата (Қыркүйек,қазан,қараша)

Тәрбиеші:-Ендеше ортаға күз айларын шақырамыз

Назира: (Қыркүйек) Бір біріне жер аспан

                                  Мейіріммен қарасқан

                                  Ұстаз-шәкірт жүздескен

                                   Қош келіпсіз күз дескен

Айбек:  (Қазан)        Қазан айы болыпты

                                  Қамбаға астық толыпты

                                  Сары даланы сәндетіп

                                   Дүмандатып,әндетіп

Сулеймен: (Қараша)      Күн суытып барады

                                   Малдар қолға қарады

                                   Қараша ауыл даламыз

                                   Қысқа дайын боламыз

Жүргізуші: Жау – жау,жаңбыр жау жаңбыр,

Арық суы молайсын,

Өсімдіктер көп болсын.

Жауған жерің шөп болсын!

Ән :«Жаңбыр» Ақнұр,Жансая,Анеля.

Ойын: «Күз жомарт»

Жүргізуші:Мен қазақ қыздарына қайран қалам,

Жанары,жаны жаздай жайраңдаған,

Қыз өссе - елдің көркі деген сөзді.

Қапысыз қалай айтқан қайран бабам.

Би :«Қызғалдақтар» Ақнұр,Аяла,Назира,Ұлдана

«Алтын күз» көрмесін ұйымдастыру.

Жүргізуші:Демеңіздер біз өнерді аяп қалар,

Мезгілде бар біраз жерге таяп қалды,

Баға беріп бір – бірімізді бағалайық,

Берекелі,мерекелі алтын күз аяқталды.

Құрметті ата-аналар сіздерге көп рахмет.Күз жақсылықтарға толы,молшылықтарға кенеле берейік.! Сау болыңыздар.