Берекелі, мерекелі Алтын күз!
Жүргізуші: Қарсы алайық бәріміз,
Жасымыз бен кәріміз.
Қырдан кепті қыдырып,
Алтын күз бізге нұр төгіп.
Тілегім аман болсын ел іргесі,
Алтын күз қайта келді берекесі.
Молшылықтың жаршысы бола білді,
Алтын күз - ырыс,береке,бірлік ала келді.
Армысыздар, құрметті ата-аналар, балабақша ұжымы, қадірлі қонақтар! Бүгінгі біздің, «Қарлығаш» мектепалды даярлық тобы ұйымдастырған жыл мезгіліндегі ең тамаша - «Берекелі, мерекелі Алтын күз!» атты ертеңгілігімізге қош келдіңіздер!
Хор: «Күз болғанда»
Бұлттар төгіп жерге шөгіп,
Дымқыл тұман басады,
Шөп сарғайып,өңі тайып,
Дала сұры қашады.
Бой жаза алмай, ойнай алмай,
Денең мұздап тоңады,
Бөбектерім айтыңдаршы
Бұл қай кезде болады? - Күз мезгілінде
Жарайсыңдар, балалар! Күз мезгілінде қандай өзгерістер, құбылыстар болады екен? (Балалардың жауабы)
Ендеше, балалардың Күз туралы тақпақтарын қабыл алыңыздар:
Омар, Мұралы, Айғаным, Низар
Жүргізуші: Ал, балалар,балалар,
Енді бері қараңдар
Бізге қонақ келмекші
Сендерді бір көрмекші
Әуелі жұмбақ жасырам
Қулығымды асырам.
Таба алсаңдар шешімін
Қонағымды ортаға шақырамын.
«Көк майсалы көрікті, алқаптағы көп егін
Бұл күндері киіпті, сары жібек көйлегін» - Бұл не,балақайлар? (Күз)
Онда, Күз ханшайымын қарсы алайық! (Желдетіп, гу-гу болып кіреді).
Күз ханшайымы:
Уа, халайық, дархан далам армысың!
Табиғатым жаны жайсаң тал мүсін.
Ханшайымы Күздің бүгін келіп тұр,
Алмақ болып бар халқымның алғысын.
Сәлеметсіңдер ме, балалар! Мен – Күз ханшайымымын. Сендерді көргеніме қуаныштымын.
Жүргізуші: Сәлеметсің бе, Күз ханшайымы! Қош көрдік.
Күз ханшайымы: Көріп тұрғандарыңыздай, мен жалғыз келмедім, өзімнің үш айымды ерте келдім. Өздерін таныстыра кетсе: Інкәр, Аяла, Балауса
Жүргізуші: Кездескен соң күзімен,
Бұтағынан үзілді.
Ай жапырақ-сары алтын
Айналанын бәрі алтын. – деп, келесі кезекті әнге берейік.
Ән: «Жапырақтар». Орындайтындар: Низар, Өктем, Мұралы, Нурислам
Жүргізуші: Ән салыңдар күліңдер
Жайнап гүлдей жүріңдер
Күздің тойын тойлайық
Би билейік, ойнайық.
Би: Күзгі вальс
Күз ханшайымы: - жарайсыңдар, балалар! Бағанадан бері сендердің өнерлерінді тамашалап отырмын. Сендердей өнерпаз балаларға менің сыйсыз, құр қол келуім ұят болар деп, сендермен ойын ойнамақшымын. Ойнаймыз ба?
«Дәмін тат та, атын айт» ойыны
Шарты: көздерің байланады, дәмін және иісін сезу арқылы қандай жеміс немесе көкөніс екенін табасыңдар. (3-4 бала)
Жүргізуші: Бидай, арпа, тары бар,
Сұлы, күріш бәрі бар.
Әне жырлап барады.
Әнге құлақ салыңдар.
(Ортаға әуенмен дақылдар шығады)
Кезегімізді дәнді дақылдарымыздың өлең шумақтарына берсек: Расул, Батыр, Жасмин, Інжу
Хор: «Күз жомарт»
Жүргізуші: Теңіздей тербетіле көл бетіне,
Бишілер билеп кетті тербетіле.
Аққудай қалықтаған теңіздегі,
Бишілеріміз өнерлерін көрсетуде.
ұлдарымыз бен қыздарымыздың биін тамашалаңыздар.
Би: Күзгі Вальс
Күз ханшайымы: Бәрекелді, балалар! Сендермен тағы ойнағым келіп тұр.
Ойын: «Дыбысты тап»
Шарты: Балаларға табиғаттың әртүрлі құбылыстарын дауыстарынан танып ажыратады.
Ән: «Сабан той». Орындайтындар: Рашида, Диляра, Інжу
Би: «Жапырақтар»
Жүргізуші: Күзде өздері пісетін, тамаққа кеп түсетін,
Мақтанбақшы сіздергі, көкөністер сан түрлі.
«Көкөністер» айтысына кезек берсек:
Өнім биыл тамаша,
Көз тоймайды қараса:
Қияр, картоп, сәбіз, пияз, қызылша,
Бұларды сен мұқият тыңдашы.
Көкөністер бір жерде
Жиыла қалып дауласты.
Барлығы: Жиналып қаппыз бәріміз,
Қайсымыз ең дәмдіміз?
Ішімізден адамға
Тиеді көп пайдамыз?
Қияр – Нурислам
Картоп – Рашида
Пияз – Алинур
Сәбіз – Айзере
Қызылша – Диляра
1-бала – Інкәр
2-бала - Өктем
Ән: «Көкөністер мен жемістер». Орындайтындар: қыздар
Күз ханшайымы: Рахмет, балалар! Өнершіл – өрендерім! Міне, Менің сыйлығым бір себет Күз сыйы. Сендерге денсаулық, шаттық, байлық әкелсін.
Жүргізуші: Күз ханшайымы, саған мың алғыс! Бүгінгі сыйлығыңа рахмет. Бізге тағы кел, біз сені күтеміз.
Күз ханшайымы: Берекелі бақ дәулет,
Арта түссін тойланып.
Сау болыңдар, балалар!
Келгенше жыл айналып.
(Әуенмен Күз ханшайымы шығып кетеді)
Хор: «Күз»
Би: Флешмоб
Жүргізуші: Күздің кереметі, байлығы өте көп. Күзде біздің дастарханымыз дәнді дақылдарға, көкөністерге, жеміс-жидектерге толы болады, бірақ осы байлыққа жету үшін көп еңбек ету керек. Сондықтан еңбекшіл болыңдар!
«Берекелі, мерекелі Алтын күз!» атты мерекемізде біз байқау жариялаған болатынбыз. Байқауымызды бастамас бұрын қазылар алқасын сайлап алсақ. Қазылар алқасы топ мүшелері болмауы тиіс.
Алғашқы байқауымыз «Күз сыйы» деп аталады. Әр топ ата-аналары күз сыйына дайындағандағандарын көрсетіп, таныстырады.
ЕСКЕРТУ: дастарханның безендірілуіне, дәміне қарай бағаланады.
Жүлделі орынды иеленгендер мадақтау қағазымен марапатталады.
Екінші байқауымыз «Күзгі сән үлгісі». «Қарлығаш» мектепалды даярлық тобының дайындаған сән үлгілерін қабыл алыңыздар!
Жүргізуші: Берекелі бақ дәулет,
Арта түссін тойланып.
Сау болыңдар, қонақтар!
Келгенше жыл айналып. – дей отырып, бүгінгі «Берекелі, мерекелі, Алтын күз!» атты ертеңгілігімізді аяқтаймыз. Алтын уақыттарыңызды бөліп, келіп тамашалағандарыңызға, байқауымызға қатысып, жақсы көңіл-күй сыйлағандарыңызға көп рахмет!
Сөз беру: балабақша басшысының м.а., ата-ана
