«Алтын балық» ертегісі желісімен алынған жаңа жылдық сценарий
Екі жүргізуші ортаға шығады
Гүлшат: Армысыздар ардақты ата-аналар, ұлағатты ұстаздар!
Ақмырза: Бармысыздар замандас бауырлар, шабытты шәкірттер!
Гүлшат: Жаңа жыл мерекесіне арналған кешімізге
Екеуі бірге: Қош келдіңіздер! Гүлшат: Тек осы кеште ғана біз өзімізді сәбидей сезініп, ғажайыптың бар екеніне сенеміз. Өтіп бара жатқан жылдың жақсылығы ғана есте қалып, болашақта жүздеріңізден тек күлкі көрінсін!
Ақмырза: Осындай ғажап тілекпен біз енді ертегілер еліне саяхат жасап, жаңа жылымызды мерекелейік!
(Сахнада кемпір мен шал. Кемпір жіп иіріп отырады. Шал теңізге барып ау құрады)
Сырттан дауыс:
Теңіздің жағасында кемпір мен шал, Тұрыпты отыз үш жыл нақ дәлме-дәл. Күн көрген бишаралар балық аулап, Болмапты төрт түліктен ырымға мал. Үсті шым, асты шұқыр жерден жырған Баспана мекенінің сиқы тұрған. Бала жоқ қолқанаттық екеуінде, Иіріп кемпір жібін, шал ау құрған. Бір күні шал апарып ауын салды, Балық жоқ, ауға оралған балдырды алды. Салғанда және ауын екінші рет, Теңізге бітетін бір шөп оралды. Тағы да үшінші рет ауын салып, Сүйретіп шығарды бір алтын балық. Шал байғұс өз көзіне өзі сенбей, Аңырайып тұрды біраз аң-таң қалып.
Алтын балық:
Жанымды бір шыбындай қи, ақсақал, Бар болса не қажетің менен алып
Шал: Отыз үш жыл ау салып кәсіп еткеніме, бірақ мұндай кереметті көрмеппін. Сен тегін балық емессің, киеңе қалармын. Ештеңең де керек емес, жолың болсын, теңізіңе барып сайран салып жүре бер
Шал кемпіріне келіп болған жағдайды айтады.
Шал: Теңізге барып ау салып едім, балдыр шықты. Екінші салып едім, теңіз түбінде өсетін шөп шықты. Үшінші салғанымда, сен сенбессің, бірақ адамша сөйлейтін алтын балық шықты. Бар тілегіңді орындайын, мені босат деді. Киесіне қалармын деп босата салдым.
Кемпір: Ақымақ, алжыған! Былжырап не айтып тұрсың? Отыз үш жыл жаңа жылды тек екеуіміз қарсы алып келеміз. Тым болмаса, бала сұрамадың ба?
Шал теңізге барады. Алдынан алтын балық шығады
Алтын балық: Не айтасың?
Шал: Кемпірім ұрсып, әбден мазам кетті. Сенен бала сұрайын деп келдім, тақсыр!
Алтын балық: Қайғырма, үйіңе бар! Сол болса бар жұмысың, оның болар!
Хоровод айтып кіріп келеді
