Ақмола облысы Целиноград ауданы Қабанбай батыр ауылы 41 орта мектеп

Тəуелсіздік тұғырым атты тəрбие сағаты 3 сынып оқушыларымен өткізілді.

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«тtуелс_з»

Тақырыбы: «Тәуелсіздік тұғырым... »

І жүргізуші:

Атыңнан айналайын егемен ел,

Тәуелсіз күнің бүгін кенеле бер,

Мейрамың құтты болсын, тәуелсіздік!

Ғасырдың тойы болшы келе берер.

ІІ жүргізуші:

Тәуелсіздік.

Тәуелсізбін мен бүгін,

Келді, міне азаттығым, теңдігім.

Бостандықта байлығым мен ендігім,

Шешіл енді шемен болған шерлі үнім!

Өзіңдікі -Елің де,

Өзіңдікі – Жерің де

Өзіңдікі өзің еткен Бақ- Тәуелсіздік төріңде!

Қанатыңнан қайрылып,

Қыр -арқаңнан айрылып

Қонақ-

Тәуелсіздіктен,

Қала көрме айрылып!

1-жүргізуші:

Мен – қазақпын, мың өліп, мың тірілген…

Ж. Молдағалиевтің осы өлең жолдары қазақ деген дана халықтың бүкіл болмысы мен өмір жолын айғақтап

бергендей: ақтабан шұбырынды, алқакөл сұлама, 30-жылдардағы ашаршылық, 37- жылдардағы нәубет,

1941-1945 жылдардағы Ұлы Отан Соғысы, желтоқсан көтерілісі:

Тәуелсіздіктің құны міне осындай…

3 жүргізуші:Армысыздар

қадірлі қонақтар, ата-аналар, ұстаздар мен оқушылар!

Биыл 2016жылы дүниені дүр сілкіндірген желтоқсан көтерілісіне 30 жыл болды.

Ал, егеменді еліміздің Тәуелсіздігін алғанына 25 жыл толған мерейлі тойына арналған «Тәуелсіздік – тұғырым»

атты әдеби кешімізді бастауға рұқсат етіңіздер.

Оқушы:

Шарықта, шарла көкті көк байрағым,

Арманым, Азаттығым, көпке айғағым.

Мен сенің салтанатты сағатыңа

Өлеңмен алтын шашақ шоқ байладым.

Ал самға, әлем кезіп, Әнұраным

Қалықта Елтаңбасы- шаңырағым.

«Әнұран»

Оқушы:

Мен қазақпын, бір биік белеспін мен,

Еуропада, Азияда емеспін мен.

Аралықпын жетінші материктей,

Бірақ барша адаммен тең өстім мен.

Мен қазақпын, биікпін, байтақ елмін,

Қайта тудым, өмірге қайта келдім.

Мен мың да бір тірілдім қайта өлмеске

Айта бергім келеді, айта бергім.

Оқушы:

Армандарды жақындатып тым алыс

Біздің жаққа жеткен екен жылы ағыс

Егемендік ел бақыты ертеңі

О,халайық!Құтты болсын қуаныш!

Азат өлкем күндей күлген шығыстан,

Асыл елім жан-жүректі ұғысқан.

Ата-бабам аңсап өткен бақытым,

Айналайын,Қазақстан-Гүлстан!

1-жүргізуші:

Бостандық! –деп аталатын асқақ арман жолында қаншама қан төгілді,

қаншама батыр мерт болды. Бұл арпалыс бір күн, бір жыл, бір мезет емес, талай ғасырларға созылған.

Осы арпалысты жай тілмен тарих дейді. Ендеше тарих беттеріне тағы бір зер салайық.

0,2-жүргізуші: Қазақ халқы азаттық үшін талай қиындықты бастан

кешірді. Бірақ ешқашан мойымады, күресе білді. Азаттық таңы туатынына кәміл

сенді. Енді осы кейбір тарихи оқиғаларды еске түсіріп өтейік.

3 ж: 1723-1725 жылдар Ақтабан шұбырынды.

2 ж: 1836-1838 жылдар Ішкі Бөкей ордасындағы көтеріліс.

3 ж: 1837-1847 жылдар Кенесары Қасымұлы бастаған ұлт-азаттық көтеріліс.

2 ж: 1916 жылы Амангелді Иманов бастаған ұлт-азаттық көтеріліс.

3ж: 1932-1933 жылдар ашаршылық кезеңі.

2 ж: 1936-1938 жылдар репрессия кезеңі.

3 ж: 1941-1945 жылдар Ұлы Отан соғысы.

2 ж: 1986 жылы Желтоқсан оқиғасы.

Оқушы:

Озбырлық күшпен тұншығып,

Үміттің оты өшкен күн.

Жанына таппай бір шындық,

Ер Қайрат қыршын кеткен күн.

Қайғы езіп, елдің еңсесін

Жаншыды-ау жанын батпан күн!

Көрініс:

Ортаға бір топ қыз жігіттер шығады.

-Қыздар, мен газет әкелдім

-Қане, не жаңалық бар екен?

-Пленум болыпты.

-Қонаевты орнынан алды дейді.

-Онысы несі?

-Орнына кім болыпты?

-Колбин деген. Ульяновтан келіпті.

-Қазақтан-ақ біреу қойсашы!

Т.б.

Жастар шуласып кетеді

1- жүргізуші:

Осы шешімге қарсы халықтың әлеуметтік жағынан қорғалмаған топтардың бірі –

қазақ студенттері мен жастары алаңға шықты. Шеру бейбіт және саяси сипатта

болды. Сонымен 16 желтоқсанда таңғы сағат 7-де Брежнев атныдағы алаңда

жастардың алғашқы тобы пайда болды.

Бір топ жастар Менің Қазақстаным әнін айтып шығады.

— Пленум шешіміне қарсымыз!

— Әр ұлтқа өз басшысы!

— Колбинді әкетсін!

— Қонаевтың өзі сөйлесін!

Оларды екінші топ ОМОН, милиция киімін кигендер қуып таратады. 1-2

адамдарды ұстап алады.

— Қайрат!

— Қайрат! – деп топ шуласып тарайды. Қайратты тергеуге әкеледі.

Қайрат: Дастан

Таспа тілгенде тәнімнен тозақ ұшырдың

Балағаттайсың маған бір түйінін түсінбедім.

Жазықты емеспін қайталай берем несіне,

Оқып көр міне, өлеңге түнде түсірдім.

Тергеуші: Ернар

Түкірдім мен жырларыңа

Ит не деген өткір едің

Ине сұқтым тырнағыңа

Өлердей ғып тепкіледім.

Алдап арбау тәсілімен

Мойындата алмадым.

Қайрат: Дастан

Мойындата алмайсың

Тергеуші: Ернар

Байқа, 86 бұл бүлігі көп

Отырсың ғой қылмыстың дүбірі боп.

Тіліңді безеп, өлең айт маған десең,

Свицкийді өлтірдің алаңда сен.

Қайрат: Дастан

Бітер екен осы бір «Кеңес» қашан

Өлтіргем жоқ, көргем жоқ мен ешқашан.

Сенбесеңіз құдай менен достар куә.

Тергеуші: Ернар

Жылап бүркіт болмас 10 мың қарға,

Үкіметті мұқатпақ болдыңдар ма?

Бәрібір іске аспады амалдарың

Қарағайдай қаңқылдаған қадамдарың

Жарық дүниеге сені енді қайтармаймыз

Паспорттарыңды атуға даярлаймыз.

Қайрат: Дастан

Күнадан таза басым бар,

Жиырма бірде жасым бар.

Бозтоғайдай жаным бар,

Алам десең алыңдар,

Қайрат деген атым бар.

Қазақ деген затым бар.

Еркек тоқты құрбандық.

Атам десең атыңдар!

3- жүргізуші.Қазақ халқын дүниежүзіне танытқан

бұл оқиғаның алғашқы құрбандары Қайрат Рұсқұлбеков, Ләззат Асанова,

Жансая Сабитова, Ербол Сыпатаевтарды еске алып, олардың рухына тағзым ету

парызымыз. 1986 жылдың желтоқсаны бүкіл ұлтымыздың жанын жаралап, жүрегіне ызғар

шашып кетті, бостандық үшін өрімдей жап-жас қыз-жігіттер құрбан болды. Біз

әрдайым Қайраттың от жүрек үніне, қыздардың намысын қорғаған ерлігіне, күнәсіз

күйіп кеткен келбетіне бас иеміз.

2-жүргізуші: Желтоқсан құрбандарын еске алып, 1 минут үнсіздік жариялаймыз.

Оқушы:

Қасиетті Қазақстаным,мекенім,

Ақиқаттың алтын бесігі екенсің.

Елім, Жерім, Отаным, бақ- дәулетім,

Болашағым, өнер-білім, өркенім.

Қазақстаным, қастерлі мәңгі дастаным,

Парақтап сені киеңді түсіне бастадым.

Оқушы:

Сен менің арым, бағым, барымсың,

Халқыма әр күн бейбіт болсын аспаның!

Желтоқсаннан бастау алған теңдігі,

Қазағымның өркендеді елдігі.

Құрбан болған Тәуелсіздік жолында

Ағалардың ұмытылмас ерлігі.

2-жүргізуші:

Тәуелсіздігіміз жарияланғаннан кейінгі аз уақытта өңіміз түгіл түсімізге

енбеген оқиғалар болды, сол жетістіктерді атап өтейікші.

1-жүргізуші: Желтоқсан оқиғасы- біздің тәуелсіздігімізді дүние жүзіне мойындатқан күн.

1991 жылы 16-желтоқсан – ел тарихында кейінгі ұрпақ мәңгі қастерлеп, ардақтап өтетін күн.

1991 жылы 1- желтоқсанда еліміздің түңғыш президенті Нұрсұлтан Әбішұлы Назарбаев сайланды.

1991 жылы 29- тамызда Семей полигоны жабылды.

1992 жылы 2- наурызда ҚР дүниежүзіндегі ең ықпалды және беделді Біріккен Ұлттар Ұйымына мүше болды.

2-жүргізуші:

1992 жылы 8- мамырда кең байтақ елімізді қорғайтын қуатты Республика Ұланы құрылды.

1992 жылы 4- маусымда ҚР-ң Жоғарғы Кеңесінің сессиясында еліміздің мемлекеттік рәміздері қабылданды.

1993 жылы 15- қарашада мемлекетіміздің ұлттық валютасы теңге айналымға енді.

3-жүргізуші:

1993 жылы 2- қарашада ЮНЕСКО-ның шешімі бойынша Ұлы Абайдың 150 жылдығы тойланды.

Армандаған күнге де жеттік.

Мемлекеттік егемендігімізді алып, тәуелсіз ел болдық.

Тәуелсіздіктің көк байрағы желбіреп, әнұран қабылданды. Қазақтың жаңа астанасы бой көтергеннен бері 18 жылдың ішінде әлемді сүйсіндірді, сұлулығымен таң қалдырды. Бас аяғы 25 жылдың ішінде Қазақстанды бүкіл әлем таныды.

1-жүргізуші:«Балдаурен» әні.

1-жүргізуші:

Оқушылардың тәуелсіздігіміздің 25 жылдығына деген лебіздерін тыңдайық.

Оқушы:

Қазақстан! Туды алтын дәуірің,

Алғандайсың жұлдыздардың жарығын.

Алтын заңың құтты болсын, қымбаттым,

Туған күнің құтты болсын, алыбым!

Оқушы:

Ұлан-байтақ жеріңді

Бөтен ел таптамасын!

Ешқандай жау аттамасын!

Ие болып өзің туған жеріңе,

Жер-ана қызмет етсін еліңе,

Атом жарылмасын төріңе,

Ие болып, қорғасақ,

Жетер анық, өзіңдікі өзіңе.

Оқушы:

Армандарды жақындатып тым алыс,

Біздің жаққа жеткен екен жылы ағыс.

Егемендік- ел бақыты, ертеңі,

О, халайық, құтты болсын қуаныш!

Оқушы:

Қазақстан қасиетті ұғым бұл,

Ей, келешек, жан тәніңмен ұғын, біл.

Он бір әріп не мағына береді,

Ал толғайық жеткенінше қызыл тіл.

Оқушы:

Жиырма бес жыл, жиырма бес жыл азаттық,

Өзімізді құрсаудан да босаттық.

Ақтадық біз ата-баба үмітін,

Қолда қазір көк ту менен бостандық.

Оқушы:

Далада думан, қалада думан жыр бүгін

Ғасыр бойы аңсайда күткен бұл күнім.

Жасай бер, жаса

Қалдырған бақыт бұлбұлым.

Жаса,Қазақстан!

Оқушы :

25 жыл, тәуелсізбін, дербеспін

Күмәндана қоймас бүгін енді ешкім

Бостандығым ғасырларға жалғасқан

Қазір, міне артта қалды келмес күн

Тауелсіздік тұғыры ғой бұл елдің,

25 жасың құтты болсын нұр елім.

25 жылда шықтың талай белеске,

Қазақстан жасай берші гүл елім

Оқушы:

Туған жерім Қазақстан байтақ елім

Туып өстім тәй бастым қастерледім

Туған жердей жер болмас деген мақал

Еске салар мәңгі сені аяулы елім

Қастерлесең табынсаң думан елге

Ардақты да мен деген бол азамат

Елім жерім деген ер жігітке

Тәуелсіз еліңді қыл аманат

Ол аманат еткен адам Нұрсұлтан

Нұрдың да алаштың да сұлтаны болған

Жетістікке жеткізді ол қаншама

Алға,алға тәуелсіздік Қазақстан!!!

2-жүргізуші: -Дұрыс айтасың ,Інжу! Тәуелсіз елді Нұрсұлтан атамызға аманат еткен.Кеше ғана атап өткен 1 желтоқсан тұңғыш президент күні елімізде ресми мереке болып саналады.Тұңғыш президентіміз кім балалар?

3-жүргізуші:-Президентіміз қай жылы,қай жерде дүниеге келген?

1 –жүргізуші:

- Альбина ,Адильжан қалай ойлайсыңдар Қазақстан елі тәуелсіздігімізді алғаннан бері еліміз қандай жетістіктерге жетіп келеді?

2-жүргізуші.Тәуелсіздігімізді алғаннан соң халықтың басын біріктіріп Нұрсұлтан Әбішұлы Назарбаев тұңғыш елбасы болды. Елбасының бастауымен менің Отаным әлемге танылды. Елім елдігін көрсетті, ерлігін танытты. Қазақ халқы егемендігін алып, ар-намысты ту еткен Елбасымыз бен үкімет басындағы ел үшін еңбек еткен ағаларымыздың аянбай еңбек етуі осы нұрлы күндерге жеткізді

3 жүргізуші:Тәуелсіздігімізді алғаннан бері елімізде әр ұлттар тату-тәтті өмір сүріп келеді.. Қазақстанның көпұлтты халықтары арасындағы бірлік пен ынтымақтастығы нығая берсін! Қазақстанның көпұлтты халқының татулығы, ынтымақтастығы, бейбітшілігі біздің еліміздің ең басты байлығы. Оны көздің қарашығындай сақтауға тырысайық.

Есенеева Айдананың орындауында үнді биі,қабыл алыңыздар!

3-жүргізуші: Ән: «Алға Қазақстан ».

1 жүргізуші:

Әрқашан да мақтанамын жеріме,

Қазыналы, дархан, байтақ еліме.

Ешбір қала тең келе алмас өзіңе,

Тілеймін мен бейбітшілік еліме.

2-жүргізуші:

Туған жерді сүю – парыз

Сүю үшін білу – парыз

Қасиетін ұғу – парыз

Күзетіне тұру – парыз