Сыныптан тыс іс-шара

Сыныптан тыс іс-шара 7-8 сынып аралығы (қыздар)

Тақырыбы:«Шебердің қолы ортақ»

Міндеттері:

- Ойын тәсілі арқылы оқушылардың ойын дамытып,пәнге деген қызығушылығын ояту.

- Өнердің түсініп,бағалап,меңгеруге бағыт-бағдар беру.

- Өнер үйренуде өз беттерінше ізденудің қажеттілігін сезіндіру.

Мақсаты:

- Оқушылардың танымдық және шығармашылық қабілетін,эстетикалық талғамын,шеберлігін дамыту.

- Өнерді тануға қызығулыққа баулу,әдептілікке,парасаттылыққа тәрбиелеу.

Әдісі: Ойын сауық,жарыс.

Пәнаралық байланыс : Тарих,әдебиет,математика, бейнелеу өнері,биология,география.

Көрнектілігі: Ұлағатты асыл сөздер жазылған плакат,сурет көрмесі ,қолөнер бұйымдары.

I.Ұйымдастыру бөлімі.

- сайыстың тақырыбы мен таныстыру.

- сайысқа қатысушы топтармен таныстыру.

- әділ-қазы алқаларымен таныстыру.

- сайыстың шарттарымен таныстыру.

II.Сайыс барысы.

Жүргізуші:

Қыздарымыз сүйкімді болсын деп

Өнер –білімге икемді болсын деп

Бәйтеректей бой шыңдасын деп

Өрен –өршіл өркенді болсын деп

Жақсы жолды таңдайық

Жамандықтан тәлім алмайық

Дарынды мектеп дәстүрін

Жаңалайық, жалғайық

Ары адал,жаны жаз

Ару жолын таңдайық,-деп «Шебердің қолы ортақ» атты сайысымызды бастайық.

1) Армысыздар қадірменді көрермен қауымы! Бұл сайысқа 7-8 сыныптардың қыздары өз өнерлерін көрсетуге келіп отыр.

2 топтың қыздарын қошеметпен қарсы алайық.

Сонымен қадірменді көрермен қауым, ақылына көркі сай қыздарымыздың өнері мен өнегесін,білімі мен парасатын тамашалауға баршаңызға қош келдіңіздер дейміз.

Ендігі сәтте бүгінгі сайысымыздың шарттарымен таныстырып өтейін.

1-шарт:

«Сәлем –сөздің атасы»-деп аталады,әр топ атымен ,ұранымен таныстырады.

2-шарт:

«Бәйге» сұрақ – жауап сайысы.5 сұрақ технология пәнінен.

3-шарт:

«Кім жылдам?»

Әр топ мүшелері өздерінің шеберліктерін,икемділіктерін көрсетеді.

а) Инені сабақтап түйіндеу,түйме қадау.(5 мин)

б) Ою –өрнектерді құрастыру.(5 мин)

4-шарт:

«Тіл өнері»- мақал –мәтелдерден ,жұмбақтар жасырылған сөздердің жауабын табу.

5-шарт:

«Он саусағы майысқан шебер болар ұрпақпыз»- қолөнер бұйымдарын көрсету .

Жүргізуші:

Өнер,білім,өнеге тұнған дарын,

Өнерлігі өз басым таң қаламын.

Өнерді әділдікпен бағалайтын ,

Таныстырайын әділ –қазы алқаларын.

____________________________________________________________________________________________________________________________________________________________________________________

Сайыстың 1шарты бойынша топтардың атымен ,ұранымен таныстыру.(4 мин)

Жүргізуші:

Ақылдылық қыздарға жарасады

Көзі ашықпен бәрі де санасады.

Сыналар білімі мен парасаты- дей отырып келесі кезекті сұрақтарға жауап береді.

«Бәйге» - әр топқа 8-сұрақ беріледі,тез әрі нақты жауап беру керек.

«Бәйге» 1- топқа 7 а сынып

1.Ұлттық бас киімді ата?( сәукеле,бөрік,тақия т.б)

2.Мал сүтінен дайындалатын ұзақ уақыт сақталатын тағам?(құрт)

3.Үш арсызды ата?(ұйқы, күлкі ,тамақ)

4.Нанның кептірілген бөліктері?(сухари)

5.Табиғи жүнді неден ?(жүн,ешкі)

6.Сумоншақтың орысша атауы?(бисер)

7.Ежелден келе жатқан кәсіп?(қолөнер)

8.Кестелеуге ине мен жіптің қандай түрін алған жөн?(жіңішке ине,кесте жіп)

«Бәйге» 2-топқа 8 а сынып

1.Химиялық талшықтар нешеге бөлінеді?(жасанды,синтетикалық)

2.Кешке жатарда асты неше сағат бұрын ішу керек ?(3 сағ)

3.Қамырдың негізгі шикізаты?(ұн)

4.Қандай қолданбалы өнер түрлерін білесіңдер?(кілем тоқу,құрақ құрау,киіз басу)

5.Тамақ әзірлеу өнері?(кулинария)

6.Иық бұйымына жататын қазақтың ұлттық киімі?(камзол)

7.Он саусағынан өнер тамған адам?(шебер)

8.Киіз үйдің шаңырағын жабатын шаршы киіз?(түндік)

«Кім жылдам?»

- Түйме қадау(түйме мата түсіне сәйкестігіне,ине,жіп түйілгені ескерілу керек)

-

«Тіл өнері»

Жүргізуші:

Ал ,қанеки,қыздар,ойнайық,

Ойнайықта ойлайық

Қандай жұмбақ болса да,

Шешпей оны қоймайық –дегендей жұмбақ шешіп көрейік.

1-топ

1.Бар екен дүниеде жалғыз көзді,

Сол көзбен дүниенің бәрін кезді.

Әлемді он сегіз мың киіндіріп,

Дүниенің жап –жалаңаш өзі безді.(ине)

2.Құрғақ жерде сақтайсың,

Онсыз тамақ татпайсын.(тұз)

3.Дәмді –дәмді тағамдарды жинайды ,

Қонақтарға көңіл күй сыйлайды.(дастархан)

2-топ

1.Дастарханға шуылдап

Күніне үш жиылар,

Жарты сағат қимылдап,

Жарты сағат жуынар.(ыдыс-аяқ)

2. Қимылдаса қос шебер

Қыруар-қыруар іс өнер.(қол)

3.Тұмсығы мықты

Қыр мен ойды тегістеп шықты.(үтік)

4. Суңгіп батып бұл мықты,

Бүтіндейді жыртықты.(ине)

«Он саусағынан майысқан шебер болар ұрпақпыз»

«Ағаш көркі жапырақ ,Адам көркі шүберек»-демекші өздеріңіз асыға куткен қыздарымыздың өз қолдарынан шыққын заттарын көрсетеді.

III.Қорытынды

Жүргізуші:

Еңбек етсе бақ қонады ерге епті,

Еңбекпенен ел өркендей бермекті .

Мұратына жеткен әрбір азамат,

Мәңгі жырлап өтер деймін еңбекті

Кімдер білгір ,кімдер ұшқыр

Салыстырып біз көрдік ,

Қара қылды қақ жарып,

Әділін тек айтатын

Әділ –қазы алқаларына сөз береміз.

(әділ қазы алқаларына сөз беріледі.Марапаттау)

Жүргізуші:

Демеңіз біз өнерді аяп қалды,

Уақыт біраз жерге таяп қалды .

Көріскенше қош сау болып тұрыңыздар,

«Шебер қолы ортақ » сайысы аяқталды.

Пән мұғалімі: Джазыкбаева Б.О