"Геометрик шаклдаги қоғозларни қирқиш усуллари"

Mavzu: Geometrik shakldagi qog`ozlarni qirqish usullari

Maqsad:

Ta`limiy: o`quvchilarni geometrik shakldagi qog`ozlarni qirqish usullari haqida,geometrik shakllari asosida turli xil shakldagi hayvonlarni yasashni tushuntirish.

TK1: texnologiya faniga oid atamalarni to`g`ri talaffuz qila olish;

Tarbiyaviy: o`quvchilarni mehnatsevarlikka, yaratuvchanlikka, ularni mehnat qilishga bo`lgan munosabatlarini, sinf jamoasida inoqlik, do`stlik munosabatlarini tarkib toptirish.

TK4: o`zining o`quvchilik burchini bilish, jamoada ishlay olish;

Rivojlantiruvchi: o`quvchilarning mustaqil ishlash,fikrlash qobiliyatlarini rivojlantirish,o`quvchilar ijodkorliklarini rivojlantirish.

FK1: turli materiallardan yasaladigan shakllarni o`lchay oladi, rejalay oladi, yelimlay oladi, sodda loyihalash ishlarini bajara oladi.

Dars turi: Yangi bilim berish

Dars metodi: suhbat, musobaqa, savol-javob, test.

Dars jihozi: mehnat qurollari, ko`rgazmalar,turli rangli qog`ozlar,geometric figuralar.

Darsning borishi

1.Tashkiliy davr.

O`qituvchi: Salom shirintoylarim, yulduzlarim, oylarim,

Latofatga boylarim,juda sho`x, quvnoqlarim.

Tinglab mening so`zlarim,olgansiz saboqlarim,

O`ylab puxta javob bering,hozir qay dars aytib bering.

O`quvchilar: Texnologiya

O`qituvchi: Bugungi oy,kun,sana, yangiliklar bor yana,

Qani ayting navbatchi,yo`qlamani qilingchi?

Navbatchi: Bugun menman navbatchi,

Hammadan ham a`lochi

Darsda hammamiz omon

Shoshildik maktab tomon.

O`qituvchi: Qani ayting siz allyor , bugungi bizning shior....

O`quvchilar: O`qiymiz, izlanamiz doim darsga biz tayyor!

O’qituvchi: Barakalla bolalar, bog`imdagi lolalar,

Endi to`xtang shu joyda , biz tug`ildik qayerda?

O`quvchilar: Mustaqil yurt Vatanda!

O

TUG`ILGAN JOYIMIZ

O’ZBEKISTON

MAHALLAMIZ

MAKTABIMIZ

3-4 o`quvchilar Vatanimizni madh etuvchi she`rlar aytadi.

O’qituvchi: Uzun tunlar allalab,

Oq yuvib-u, oq tarab,

Erkalab o`stirganlar,

Bu kim ayting bolalar?

O N A!

O`quvchilar ona haqida she`rlar aytadilar. Ayol o`qituvchilarni tabriklanadi.

O`qituvchi: Zamonamiz osuda, yurtimiz tinch, farovon,

Yilnomamiz nomini ayting-chi qiz-u, o`g`lon?

O`quvchilar: 2020-yil-“Ilm-ma`rifat va raqamli iqtisodiyotni rivojlantirish yili”.

II.O`tgan mavzuni mustahkamlash

Test sinovi o`quvchilarga e`lon qilinadi.Har bir qatorga ikkitadan test tarqatmasi tarqatiladi.

1. Qaychidan foydalanishning nechta qoidasi bor?

A.1ta B.4 ta C.7ta D.5 ta

2......doimo ipga o`tkazilgan bo`lishi kerak.U nima?

A. ip B. qaychi C. nina D.yelim

O`quvchilarning o`tilgan mavzu bo`yicha savol-javob qilinadi.

O`qituvchi: 1.,Navro`z bayrami haqida nimalarni bilib oldingiz?

2.Applikatsiya nima?

3.Qissh manzarasini qanday tasvirladingiz?

4.Karton turlarini aytib bering

5.Qanday geometrik figuralarni bilasiz?

O`qituvchi: Demak bugungi mavzuyimiz” : Geometrik shakldagi qog`ozlarni qirqish usullari”.

Yangi mavzu bayoni

O`quvchilar diqqati doskaga qaratiladi. Yangi mavzu doskaga yozib tushuntiriladi.Rangli qog`ozlardan yorqin rangini tanlab, avval uni qirqish,yopishtirishni aytib o`rgatiladi.Ish qurollaridan foydalanish, ehtiyotkorlik choralari aytib o`tiladi. Yasashda qiynalgan o`quvchilarga parta oralab tushuntirib boriladi.

Avval qo`limizga rangli qog`ozni shakllarning o`lchamini olib, uchburchak, to`rtburchak, aylana,kvadrat kabi figuralarni qirqib olamiz, so`ngra bu shakllardan har xil hayvonlar yasash mumkin..Mana bu qo`llaringizdagi hayvonlarni yasab ko`rsatamiz.

O`qituvchi: Demak, o`quvchilar har bir yasagan hayvon nomlarini ingliz tilida ham aytib bering.

O`quvchilar ingliz tilida hayvon nomlarini aytadilar,yangi mavzu mustahkamlanadi.

Darsda faol o`quvchilar rag`batlantiriladi, tushunmagan o`quvchilarga tushuntiriladi.

Vazifa: Uyda ham yasab kelish.

Namangan viloyati Uchqo`rg’on tumani 4-umumiy o’rta ta’lim maktabi boshlang’ich sinf o’qtuvchisi Kayumova Shahodatning IV chorak uchun texnologiya fanidan yozgan bir soatlik dars ishlanmasi.

Telefon nomer: +998998347923.