Табиғатқа құштармын

Табиғатқа құштармын

(1 сынып оқушыларына арналған «Өзін-өзі тану» пәнінің сабақ жоспары)

Д. Данайбекова

Мектеп №1 мектеп-гимназиясы КММ «Өзін-өзі тану» пәнінің

мұғалімі,

Ақтөбе облысы,Шалқар қаласы

Сабақтың мақсаты: Табиғат ұғымдарының адамгершілік құндылықтары ретіндегі мәнін ашу.

Құндылығы:Дұрыс әрекет

сабақтың міндеттері:

-Табиғат ұғымын түсіндіру.

-Балаладың табиғатқа аялы қарым-қатынасын дамыту.

-Табиғатты сүюге тәрбиелеу.

Көрнекілік: суреттер, үнтаспа, оқулық, дәптер, көбелек суреті, қағаздан жасалған гүлдер

Ұйымдастыру кезеңі 5Т

Тыныштық сәті; «Күннің нұры» (3 мин)

-Балалар,денелерінді түзу ұстап, бастарынды жоғары көтеріп, ыңғайланып отырындар. Көздерінді жұмсандар да болады.

Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа,махаббатқа толы таза, шипалы ауаның тұла бойларыңа толғанын сезініңдер. Ал енді көздеріңді ашсандар да болады.

Рахмет!

1.Үй тапсырмасын тексеру. 27-сабақ Табиғат деген не? Мазмұндау

• Неліктен табиғатты Анаға теңейміз?

• Сендер табиғат дегенді қалай түсінесіңдер?

2. Шығармашылық жұмыс.

Сабақта оқушылардың алған білім-біліктерін бекіту үшін шығармашылық жұмыс беріледі.

Суреттерді пайдаланып,сөйлемді аяқтайды.

Егер мен тау болсам...

1. Егер мен күн болсам...

2. Егер мен өзен болсам...

3. Егер мен қыран болсам...

4. Егер мен елік болсам...

Мысалы : Егер мен тау болсам асқақ болар едім.егер мен күн болсам шуақ нұрын төгер едім.

Балалар өз ойларын ортаға салады.

Ойын жаттығу: «Жұмбақ» -Ол өте нәзік,әдемі.

- Ешкімге жамандық ойламайды.

-Гүлдерді өте жақсы көреді.

-Ол әдемі алқаптарда ұшып жүреді.

М.Балаға түрлі түсті қағаздан дайындалған гүл таратып,мынадай сұрақ қояды.

-Табиғаттағы неге ұқсағыларың келеді?

Оқушы ойлары тыңдалады.

Қорытындылау. Табиғатқа тамсанып қараңдаршы. Алуан түсті сурет салып қойғандай. Табиғат қандай әсем де сұлу болса ,біз де әсем де сұлумыз. Осындай сұлу дүниені жаратқан-табиғат ана.

4. Дәптермен жұмыс. Өздеріне ұнаған табиғат көрінісін салады

5.Топпен ән айту.

Сөзін жазған: С.Жиенбаев

Әнін жазған: Б.Ғизатов

«Мектеп вальсі.»

Келді көктем далаға,

Келді сүлу шағала,

Аспандағы ақ құстар,

Айдын көлді арала.

Қайырмасы:

А-а, нұрлы көктем.

А-а, келді көктем.

Сол көктемді қар салып,

Би билейміз ән салып.

2. Қүстар толды бақтарға,

Шаттық жырды тербеген,

Жарасады сәнімен,

Дөнгеленіп билеген.

Қайырмасы.

3. Нұрдың көлі күн нұры,

Бұлбұлдайды саябақ,

Асқар белдер толқыны,

Қушақтайды аялап.

Қайырмасы.

Қайырмасы:

А-а, нұрлы көктем.

А-а, келді көктем.

Сол көктемді қар салып,

Би билейміз ән салып.

А-а, нұрлы көктем.

6.Үй тапсырмасы: 28-сабақ Орманшының баласы мазмұндау

7.Соңғы тыныштық сәтi. Баяу әуен қойылады. Оқушылар денесін, басын тік ұстап, көзін жұмып отырады.Мұғалім жәй дауыспен:

«Бүгінгі сабағымызды есімізге түсірейікші. Жақсыны естіп, айтып бәріміздің көңіл – күйіміз көтерілді. Ісіміз де, сөзіміз бен ойымыздай, болатынына сенімдімін. Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады»