Дарынды оқушыларды дайындауда психологиялық жұмыстар

Дарынды оқушыларды дайындауда психологиялық жұмыстар

Мақсаты: Бәсекеге қабілетті оқушыларды дайындауда психологиялық жұмыстар

Бәсекеге қабілетті балаларды дайындауда психологиялық тұрақтылық пен психореттілік дағдыларын сақтай білуге үйретіп, әлеуметтік маңызы бар ортаға (қоғамда, жанұяда, қатарластары ортасында, ұстаздары алдында) еркін түрде бейімделуін қалыптастыру

Міндеттері: Оқушылардың ақыл-ой қабілеттерін жетілдіру

1. Балалардың шығармашылық жеке қабілеттерін ашу

2. Оқушылардың шығармашылық қабілеттерін аша отырып, өзіндік бағалауын дамыту

Тренинг ережесі: 1.Тренингке берілген регламентті сақтау;

2. Тренинг барысында бір-бірінің сөзін бөлмеу;

3.Қатысушылармен бірігіп жұмыс жасау;

4.Қатысушылар бір – біріне кедергі келтірмеу

5.Бір-бірімізді сыйлау

6.Белсенді қатысу

Жоспары:

1. «Есіміңді атап, өзіңді затқа теңе» танысу тренингі

2. «Ойлан тап» әріптер жаттығуы

3. «Ойыншықтар сыры»

4. «Ұқсастық» сергіту сәті

5. Құдық туралы пәлсапалық әңгіме

6. Рефлексия (ой қорытындылау)

7. Қорытынды

Тренинг барысы:

1.«Есіміңді атап, өзіңді затқа теңе» танысу жаттығуы.
Барысы: әр қатысушы кез келген затты ойлап, сол заттың орнына өзін қойып, ерекшелігін, пайдасын айтуы қажет. Мысалы: менің есімім Айгүл, мен өзімді компьютерге теңеймін. Компьютердің пайдасы зор, ақпарат көзі.

2. «Ойлан тап» әріптер жаттығуы.

Мақсаты: Балаларды логикалық ойлауға, тиянақтылыққа, нақтылыққа, шешім қабылдағыш қасиеттерге бейімдеу.

Әріптер жазылған қағаздар болады. Көзі байланған бала бір әріпті алады, баланың көзін шешіп, екінші бала сұрақ қояды. Бірінші бала мүдірмей сол әріптен басталатын ойдан шығарып сөздермен жауап беруі керек.

Мысалы: Атың кім? Қай қала? Қандай жеміс?

3.«Ойыншықтар сыры» ойыны.

Мақсаты: Балалардың шығармашылығын, қиялын, ойлауын, іщкі сезімдерімен жұмыс жасауын дамыту.

Ойынның шарты: Әр түрлі жұмсақ ойыншықтар қойылады. Балалар өздеріне ұнаған ойыншықты таңдап кезекпен алады. Шеңбер құрып отырып қолдарындағы ойыншық атауына байланысты бір оқушы ертегі бастайды. Психолог белгі бергенде екінші бала жалғастырып кетуі керек. Соңында балалардың өз ойларынан құралған керемет, қызықты ертегі пайда болады.

4.«Ұқсастық» сергіту сәті.

1.Егер туған үлкен ағаң болса, үш рет шапалақта

2.Қыс мезгілін ұнататындар «Кин-конг» деп айқайласын

3.Балмұздақты жақсы көретіндер «алақай» деп айқайласын

4.Мысықтарды жақсы көретіндер «мяу» деп үш рет айқайласын.

5.Тортты жақсы көретіндер «ням-ням» деп күлсін.

6.Иттерді жақсы көретіндер үрсін.

7.Қиындықтан қорықпайтындар «Алға, алға деп» айқайласын

8.Осы тренингке қатысқанына қуанатындар «Қуаныштымын» деп бес рет айқайласын.

5.Құдық туралы пәлсапалық әңгіме.

Бір күні есек құдыққа құлап кетті де, бар даусымен ақырып, көмекке шақыра бастады. Оның айқайына қожайыны жүгіріп жетті де, қолын бір сілтеді. Өйткені есекті құдықтан шығару мүмкін емес еді. Қожайын: «Менің есегім қартайды, өлуі де жақын. Мен бәрібір жас есек сатып алайын деп жүр едім. Ал мына құдық болса, өте терең, мен жаңа құдық қазуды баяғыдан ойлап жүр едім. Маған неге екі қоянды бір оқпен атып-алмасқа, ескі құдықты топырақпен толтырып, есекті де көміп тастайын», - деп ойлады. Көп ойланбастан көршілерін шақырады. Бәрі қолдарына күрек алып, құдыққа топырақ толтыра бастайды. Есек не болғанын бірден түсініп, бар даусымен ақырады, бірақ оған ешкім көңіл аудармай, құдыққа топырақ тастауды жалғастыра береді. Біраздан кейін есек үнсіз қалады. Қожайын құдықты қараған кезде өз көзіне өз сенбеді, есек арқасына топырақ түскен сайын сілкініп, аяқтарымен таптай берген екен. Ең соңында басқаларды таң қалдырып, есек құдықтан секіріп шығады. Былай боларын ешкім күтпеген еді.

Талдау: Мүмкін болашақта сізге де өмір неше түрлі қиындықтар жіберуі мүмкін. Әр уақытта сізге кезекті ауыртпалық түссе, сіз оны сілкіп тастап, аяқтың астында қалдырып, соның арқасында да одан биікке көтерілуіңіз мүмкін емес пе? Әрбір шешімін таппай тұрған мәселе – бұл сізге өмірдің лақтырған қатты тасы десек, сіз осы тастардың үстінен аттап өтіп, күтіп тұрған қатты дауылдан құтыла аласыз.

6. Рефлексия (ой қорытындылау).

1) Бүгінгі сезінгенім...

2) Бүгінгі түсінгенім...

3) Бүгінгі алған әсерім...

Оқушылар сөйлемді аяқтай отырып, сабақтан алған әсерлерімен стикерлерге жазып ойларымен бөліседі

7. Қорытынды.

Балалар сабаққа белсенділікпен, қызығушылықпен қатысқандарыңыз үшін алғыс айта отырып, тренингімізді мына өлең жолдарымен аяқтағым келеді:

Бақытты жансың сөнбесе күнің көгіңде,

Бақытты жансың тіршілік еткен кезіңде,

Бақытты жансың өмірді сүйе білгенде,

Бақытты жансың бағалай білсең өмірде!