Ата-анамен жұмыс

Ата аналармен жүргізілген психологиялық ағарту-кең жұмыстары

«Отбасындағы кикілжіңнің бала психикасына әсері» тақырыбында 1-2-7-8 сынып ата- аналарымен ағарту -кеңес жұмысы жүргізілді. Отбасы шағын мемлеке екені бәрімізге аян, әйтсе де отбасы жайлы видиороликті көріп, өзімізде қандай олқылықтар бар екенін байқап көрелік. Отбасы- шағын мемлекет.Отбасы- татулық.Отбасы- береке. Отбасы- бауырлар. Отбасы- ата- ана Отбасы -барлығы.

Бала психологиясының өзгерісіне не себеп, кім себепкер? Осы сұрақ төңірегінде айтып көрелік.Баламыз өсе келе көп нәрсені білгісі келіп сұрақтар қояды, оған жауап беруге ерініп, «жоқ», «кейін» деген жауаппен назар аудармаймыз. Оның бала психикасына әсері сол дұрыс көңіл бөлмегендіктен жүре бара ашуланшақ болады. Бала қажеттілігін бірден ұғып, түсініп оны өтеуге тырысқан ата ана дұрыс жасайды. Сонымен қатар жанұядағы кикілжің, келеңсіз жайттар (ұрыс керіс,ажырасу,ішімдік,т.б) бала мінез- құлқына кері әсер етіп жатады. Бала соның салдарынан қорқақ, жасқаншақ,өз ойын еркін айта алмайтын,өзін ортада еркін ұстай алмайтын болады. Өзіңіз отбасында өзіңізді қалай ұстасаңыз, бала соны қайталайды. «Бала сіздің көшірмеңіз». «Не ексең, соны орасың» деген мақалдың мәні осы. Видиоролик көрсету. Өз баламызға қандай үлгі көрсетіп жүрміз айтып көрейікші. Отбасында біз байқамайтын кемшіліктер кетіп жатады. Оны өз баламыздың мінез- құлқынан байқай аламыз. Ол қалай?

Егер балаңыз тұйық, өтірік айтатын болса: онда сіз балаңызды көп жазалайтын шығарсыз. Егер балаңыз тым қызғаншақ болып жатса: онда сіз балаңызды өзге балалармен көп салыстырасыз. Егер балаңыз өкпелегіш болса: онда сіз баланы лайықты мақтамағансыз. Егер балаңыздың бойында көпшілік ортасында қымсынуы басым болса, онда сіз өзгелердің алдында көп сөгесіз. Егер балаңыз қорқақ болса, онда сіз баланы қорғаштап, өз еркімен шешім қабылдауда еркіндік бермейсіз. Егер бала депрессияға тез берілетін болса, онда сіз шамадан тыс қамқорлық жасайсыз. Егер балаңыз өзін өзгелердің алдында төмен санаса, сіз онда кемшіліктерін көп айтып, оған еш қолдау көрсетпегенсіз. Егер балаңыз дөрекі болса, онда өзіңіздің, достарының кемшілігі, достарын байқап көріңіз. Егер балаңыз мазасыз болса, сіз оған аз көңіл бөлесіз.

Қартайған шағыңызда балаңыздан жақсылық көргіңіз келсе, сіз бүгін баладан жақсылығыңызды аямаңыз! Өз балаңызға үлгі болыңыз!

Сіз балаңызға көңіл бөлесіз бе, оған қандай жылы сөз айтасыз? Тренинг. Кезектесіп айтып көрелік:

Мен сені жақсы көремін

Бар болғаның үшін бақыттымын

Мен өзіңмен мақтанамын

Кез келген сәтте өзіңмен біргемін

Ақылдым сол

Сені сағындым

Мен өзіңмен ақылдасқым келеді

Ботам сол

Келші құшақтайын

Сен осы үйдің ханшайымы,ханзадасысың

Саған көмегім қажет пе? т.б.

Не ексең соны орасың деген, өз баламызға үлгі болайық!

Әр бала бақытты болуға лайықты құрметті ата аналар!