Нохчийн метан урок

Нохчийн метан урок 6-г1а класс Тема: Терахьдешнийн нийсаяздар 1алашо:дешархойн терахьдешнийн долу хаарш т1еч1аг1дар;терахьдешнийн нийсаяздар бакъонаш йовзийтар; дешархой кхетош-кхиор. Т1ехьажаман г1ирс: Терахьдешнийн нийсаяздаран таблица, кехаташ, орфографин дошам. Урок д1аяхьар 1. Ц1ахь бина болх таллар. §24, 144-г1а шардар 2. 1амийнарг карладаккхар. - Х1ун гойту терахьдешо? -Муьлхачу суффиксийн г1оьнца кхоллало рог1аллин терахьдешнаш? -Даладе масалш цхьалхе а, чолхе а, х1оттаман а терахьдешнаш? -Дийца терахьдешнийн кхолладаларх лаций. Тесташца талам бо дешархойн терахьдешнех долчу хаарийн. Тест 1. Х1уманан рог1алла я масала муьлхачу къамелан декъо гойту? а) хандашо; б) ц1ерметдашо; в) терахьдашо+. Тест 2. Ц1ердашца цхьаьна лелачу терахьдешнаш х1ун терахьдош олу? а) лааме; б) лаамаза+; в) ларамаза. Тест 3. Масаллиин терахьдешнех рог1аллин терахьдешнаш муьлхачу суффиксийн г1онца кхоллало? а) –лг1а,-алг1а+; б)-рг,-рш; в) иг,-ниг. Тест 4. Предложенин муьлха меже хуьлий лела лаамаза рог1аллин терахьдош? а) латам; б) къастам+; в) кхачам. Тест 5. Предложенин муьлха меже хуьлий лела лааме рог1аллин терахьдош? а) подлежащи я къастам; б) подлежащи я сказуеми; в)подлежащи я кхачам+. Тест 6. Муха кхоллало декъаран терахьдешнаш? а) масаллин ши лард цхьаьнакхетарца+; б) рог1аллин ши лард цхьаьнакхетарца; в) чолхе терахьдешнаш цхьаьнакхетарца. Тест 7. Муха кхоллало дакъойн терахьдешнаш? а) рог1аллин терахьдешна масаллин терахьдош т1екхетарца; б) масаллин терахьдашна рог1аллин терахьдош т1екхетарца +; в) масаллин терахьдашна т1е суффиксаш кхетарца. 3. Хьалххе хаийтаран диктант. 1990-чу шарахь Нохчийчохь халкъо хаьржина Нохчийн депутаташ бара: Лакхарчу Советехь-113, районийн Советашкахь-990, яртийн, поселкийн, г1аланийн Советашкахь-2000…Х1етахь лаххара а 50 эзар стагах лаьттара нохчийн интеллигенции. (Хозуьйтуш доьшу терахьдешнаш, толлу церан нийсаяздар) 4.Кхетош-кхиоран болх д1абахьар. Даладо г1иллакх-оьздангаллах лаьцна кхо кица. - Г1иллакхца бен къонах хила вац. -Нехан даг т1ера вожарал докха вон дац. -Болх бечу кхаьчча-болх бе, юучу кхаьчча –яа. Хьехархочун г1онца досту кицанийн маь1наш. Ткъа х1инца г1иллакх-оьздангаллах лаьцна кхин хьан х1ун дуьйцур дара? ( Шина дешархочуьнга дуьйцуьту шайна баккхийчаьргара хазнарш) 5. Керла тема йовзийтар. Тайп-тайпанчу терахьдешнийн нийсаяздаран бакъонаш, таблицах пайда а оьцуш, дешархошна йовзуьйту. Йоьшуьйту 24-г1а §бакъо. Пхеа дешархочуьнга карточкашца болх бойту. 6. 1амийнарг т1еч1аг1дар. Кхочушдо 146-г1а шардар. Терахьдешнашна к1ел сиз хьокху, юьйцу нийсаяздаран бакъонаш. -Мила ву оцу шардар т1ерачу кийсакан автор? (Айдамиров Абузар) - Хьан дуьйцур дара Айдамиров Абузарах лаьцна? - Муьлха произведении 1амийна аша Айдамиров Абузаран? (Айдамиров Абузарах лаьцна дуьйцу, хаттаршна хоьпаш ло дешархоша) 7. Урокан жам1 дар. Муха ю тайп-тайпанчу терахьдешнийн нийсаяздаран бакъонаш? Даладо масалш. 8. Рефлекси яр. 9. Ц1ахь бан болх балар. 25-г1а §, мини-сочинени « Г1иллакх-ах дин» 10. Дешархойн белхийн мах хадор.