Қазақстанның демалыс орындары

Күні:                         Қазақ тілі, 8-сынып                      ІІ тоқсан                   №   - сабақ

Сабақтың тақырыбы: Қазақстанның демалыс орындары 
Сабақтың мақсаты:

                         Білімділік:  Оқушыларға жаңа сөздердің, суреттердің көмегімен мәтінді

                                                 игерту. 
                        Дамытушылық:Жаңа сөздерді меңгерте отырып, мәтінге сұрақтар

                                                дайындауға, өз ойын еркін жеткізе білуге дағдыландыру;
                        Тәрбиелік:Оқушылардың бойында еліне деген сүйіспеншілік сезімдерін,

                                           қызығушылықтарын арттыру. 
  
Сабақтың түрі: жаңа білімді меңгерту сабағы. 
Сабақтың әдіс-тәсілдері: оқылым, жазылым, тыңдалым, сөйлесім, ой қозғау, сұрақ-

                                           жауап, әңгімелесу, деңгейлеп оқыту. 
Сабақтың көрнекілігі: оқулық, кесте, видеофильм, деңгейлік тапсырмалар. 
Сабақтың барысы: 
І. Ұйымдастыру кезеңі: Амандасу.  Психологиялық сәт: 
-Көңіл-күйлерің қалай? 
-Сабаққа дайынсыңдар ма? 
II. Үй тапсырмасын тексеру: 
-Үй тапсырмасын барлығымыз орындадық па? (үй тапсырмасын жалпылай сұрақтар арқылы және жекелеп тексеріп шығу) 
III. Негізгі кезең: Жаңа сабаққа даярлау: 
-Сендер өз демалыстарыңды қайда өткізесіңдер? 
-Отбасыларыңмен қай жерлерде демаласыңдар? 
-Қазақстанның қандай демалыс орындарын білесіңдер? 
   Грамматикалық тақырып.  Күшейтпелі шырай. 
Белгілі бір сындық белгінің екіншісінен өте артық немесе өте кем екенін білдіреді. 
1. Сын есімнің күшейткіш үстеумен (тым, өте, ең, аса, нақ, әбден.) тіркесуі арқылы жасалады. Тым ауыр, өте қымбат, ең сұлу, аса қадірлі. 
2. Сын есімнің алдынан күшейткіш буынның қосралануы арқылы жасалады: қап-қара, сап-сары, әп-әдемі, сұп-сұлу, тап-тар, жап-жақсы. 
Ақ-аппақ, көк-көкпеңбек. 
 
Сөздікпен жұмыс: 
-берілген сөздердің оқылуымен, аудармасымен, қолданылу аясымен таныстыру 
-сөздерді оқушыларға хормен, жекелеп оқытып шығу 
-сол сөздерді қатыстырып сөз тіркестерін, сөйлемдер құрату 
-осы сөздердің арасынан сын есімдерді тауып, күшейтпелі шырайға айналдыру 
көрініс – облик демалыс – отдых, выходной 
қуатты – сильный еркін – свободный 
ғажап – чудесный мөлдір – прозрачный 

Видеофильм. Қарқаралы, Баянауыл, Бурабай табиғаттарын тамашалау. 
-Видеофильмнен не тамашаладық? 
-Ол қай жерлердің табиғаты? 
-Ол жерлердің табиғаты қандай? 
 

Мәтінмен жұмыс
-берілген мәтінді мәнерлеп оқып шығу 
-оқушыларға кезекпе-кезек оқыту 
-аударту 
 
     Біздің еліміз – бай әрі қуатты ел. Қазақстанда демалыс орындары өте көп. Себебі еліміздің табиғаты өте тамаша. Мысалы, айта кетсек, Баянауыл, Көкшетау, Қарқаралы, Алматы және т.б. ауыз толтырып айтатын жерлер өте көп десек те болады. Көкше мен Баянның жаздағы көрінісі бір ғажап. Көкшенің таулары мен өзендерін суреттеуге сөз жетпейді. Баянның жұпар ауасы мен мөлдір суына қанып болмайсың. Еліміздің осындай жерлері баршылық. 

 Деңгейлік тапсырмаларды орындаңдар 
ІІІ деңгей 
1. Мәтінді оқыңдар, аударыңдар 
2. Мәтіннен жалқы есімдерді теріп жазыңдар 
ІІ деңгей 
1. Мәтіннен көптік жалғаулы сөздерді табыңдар 
2. Көкшетау сөзіне фонетикалық талдау жасаңдар 
І деңгей 
1. Мәтіннен сын есімдерді табыңдар 
2. Сөйлем мүшесіне талдау жасаңдар: Қазақстанда демалыс орындары өте көп. Көкшенің таулары мен өзендерін суреттеуге сөз жетпейді. 
 

Сабақты қорытындылау: 
-Сабақта не істедік? 
-Қандай жаңа сөздер үйрендік? 
-Қандай мәтін оқыдық? 
-Мәтінде не туралы айтылған? 
 

Сабақты бекіту: 
Тест. 
1. Күшейтпелі шырайда тұрған сөзді тап. 
а) әдемірек қыз   ә) әп-әдемі қыз   б) сұлу қыз         в) әдемі қыз 
2. Сапалық сын есімді тап. 
а) таудай   ә) ақылды    б) күзгі      в) бай 
3. Қазақстанның табиғаты қандай? 
а) бай, ғажап   ә) лас, тамаша   б) таза, шөлсіз    в) керемет, сулы 
4. Қазақстанның «Швейцариясы» атанған қала. 
а) Бурабай   ә) Баянауыл   б) Көкшетау   в) Алматы 
  

ІY. Үйге тапсырма:  1-тапсырма. 
  
Бағалау.