"Фонетикадан өткенді қайталау" ашық сабақ жоспары Қазақ тілі 5-сынып

Күні: 15.03.2016

Пәні: Қазақ тілі

Сыныбы: 5 А

Сабақтың тақырыбы: Фонетикадан өткенді қайталау.

Сабақтың мақсаты.

Білімділік.: Оқушыларға фонетика бөлімінен өтілген білімдерін еске түсіріп пысықтау, негіздеу

Дамытушылық: Фонетикалық талдау дағдысын одан әрі жетілдіру, ойын түрлерін пайдалана отырып, оқушылардың ойын дамыту, тапқырлық, ізденімпаздық қасиеттерін қалыптастыру.

Тәрбиелік: Сабақта мақал - мәтел, жұмбақтарды пайдаланып, Абай шығармаларынан үзінділер келтіре отырып, оқушыларды адамгершілікке, имандылыққа тәрбиелеу.

Сабақтың көрнекілігі: Оқулық, дидактикалық материалдар, суретті қағаздар т.б.

Сабақтың түрі:Қайталау және сайыс сабақ ( топтық сайыс ).

Сабақтың әдіс-тәсілдері: топпен, өз бетімен жұмыс, интерактивті әдіс, сұрақ - жауап, баяндау

Күтетін нәтижем: Өз ойын еркін айту.

Пәнаралық байланыс:әдебиет,математика

Сабақтың барысы:

І. Ұйымдастыру кезеңі.

Оқушылармен амандасып оларды тугендеу, сабаққа деген ынталарын арттыру,дайындықтарын тексеру ,бугінгі күннің жадын тақтаға жазу.

а). Оқушыларды сабақтың тақырыбы, оның мақсат - міндеттері, түрі және негізгі әдістерімен таныстыру.
ә). Тақырыбын анықтап алу.
б). Бағдарлаушы сұрақтар арқылы оқушылардың өткен сабақтарда алған білімдерін еске түсіру.
1. Фонетика бөлімі нені зерттейді?
2. Дауысты және дауыссыз дыбыстарды ата.
3. Буын, оның түрлері. Мысал келтір.

Сабақ басталарда оқушылар қоржыннан асық алып үш топқа бөлініп отырады да, топ басшыларын сайлайды, үш топ бір - бірін таныстырады ( топтың аты)
І топ. "Дауысты" ІІ топ."Дауыссыз" ІІІ топ. "Буын"

II.Үй тапсырмасын тексеру.

ІІІ. Білімді тексеру кезеңі.

Үш топтан үш оқушы шығып алдымда тұрған корточкаларды алып оқып,алдарына берген қағаздарға буынға бөліп жазып ішінен бір сөйлемге фонетикалық талдау жасайды.

1 - карточка.
Ақыл мен қайрат жол табар
Қашқанға да қуғанға.
Әділет, шапқат кімде бар,
Сол жарасар туғанға.

2 - карточка.
Тоты құс түсті көбелек,
Жаз сайларда гулемек.
Бәйшешек солмақ, күйремек,
Көбелек өлмек, сиремек

3 - карточка.

Жас бала анадан туғанда екі түрлі мінезбен туады:біреуі-ішсем,жесем,ұйықтасам деп тұрады.

Кім көп мақал біледі?
Мына мақалдардың екінші сыңарын тап.
( Ауызша оқып беремін ).
1. Ашу – дұшпан,....... ( ақыл дос ).
2. Білегі күшті бірді жығады,

( Білімі күшті мыңды жығады).
3. Сабыр түбі –....... ( сары алтын ).
4. Жігіт бір сырлы –....... ( сегіз қырлы болсын ).
5. Ұстазыңды ұлы ..... (әкеңдей сыйла).

6.Ұстаздан шәкірт ........( озар)



Сергіту сәті.
Адасқан әріптерді орнына қой. "Кім тапқыш?"
Б, ы, а, л, қ. Н, у, а, ы, р, з.
З, м, а, н, а. Ә, л, я, и.

Оқулықпен жұмыс.Жаттығу жұмыстары.

297,299-жаттығулар

Әр топ топ аттарына өлең шығару және ауызша талдау.

Бағалау.Әр топ басшылары топтағы оқушыларды бағалау.