Просмотр содержимого документа
«Жыл басы - Наурыз»
Күні: 17.03.2016
«Жыл басы - Наурыз» атты мерекенің сценариі
5 – 8 сыныптар
1 – жүргізуші
Ассалаумағалейкум халқым менің,
Алдымен амандасу салтым менің демекші
Армысыздар қадірменді қонақтар, ұстаздар және құрметті оқушылар!
Наурыз мейрам жүректерге нұр сепкен,
Маңдайымнан сүйіп жатыр күн көктем
Жарығыңмен, шуағыңмен күн-Ана,
Алып келдің бетіне гүл көктем.
2 – жүргізуші
Құрметті қонақтар!
Үлкен-кіші, ағалар!
Әпкелер! Ақ жаулықты аналар!
Қош келдіңіздер!
1 – жүргізуші
Наурыз – жыл басы, Ұлыстың ұлы күні. Күн мен түннің, ыстық пен суықтың, қыс пен жаздың, қараңғы мен жарықтың теңеліп, жер арқасы кеңіп, жан-жануарлар, өсімдіктер, күллі тіршілік әлемі жаңарып, қайта түлейтін табиғат мерекесі!
Наурыз – адамдардың қыс қыспағынан, жұт апатынан аман алып қалып, малы төлдеп, аузы аққа жаритын шаруа мерекесі!
2 – жүргізуші
Наурыз – жеті дәмнен Наурыз көже жасап, адамдардың бәріне дәм татқызып, дастархан басына біріктіретін ынтымақ-бірлік мерекесі!
Наурыз – жыл бойы өткен-кеткен ренішті кедергісіз кешіріп, ән мен күймен, ойын-сауықпен жанды жадыратып, сананы серпілтетін көңіл мерекесі!
1 - жүргізуші
Ал енді, осындай керемет наурыз мерекесімен сіздерді құттықтауға, мектебіміздің директоры Байжанов Қайрлы Сағындықұлын ортаға шақырамыз!
2 - жүргізуші
Салтымен ата-бабаның
Жаңғырды қайта заманым
Тіршілік басы, о Наурыз
Қайырлы болсын қадамың!
дей келе іс-шарамызды бастауға Қыдыр атаны ортаға шақырып, батасымен бастасақ құрметті халайық!
(ортаға 8 сынып оқушысы Каргапольцев Романды Қыдыр ата ретінде келіп батасымен ашады)
Қыдыр ата:
Армысыңдар , жамағат.
Ұлыс оң болсын,
Ақ мол болсын,
Қайда барсақ жол болсын!
Ұлыс бақты болсын!
Төрт түлік ақты болсын,
Ұлыс береке берсін,
Бәле – жала жерге енсін!
Ұлы халқым тоқ болсын!
Көйлектерің көк болсын!
Уайым – қайғы жоқ болсын!
Қуаныштарың көп болсын!
Әумин!!!
1-жүргізуші:
Шашу!Шашу!
Көп шашайық шашуды,
Жауғандай кеп аспаннан нөсер жаңбыр.
Уа, жамағат! Теріп ал несібеңді,
Ризығың болсын көл-көсір.
Бүгінгі біздің «Жыл басы – Наурыз» кешімізде әр ауыл наурыз мерекесін қалай тойлайды екен, соған куә боласыздар.
Ендеше, Әйтеке би , Қазыбек би және Төле би ауылдарындағы наурыз мерекесін тойлауға шақырамыз.
1. «Кел , танысайық»
2. Өнерлі өрге жүзер
3. Ағаш көркі – жапырақ (сұрақ - жауап)
4. Ұлттық ойындар
5. Ою ойғанның ойы ұшқыр
6. Дәмді көже
2 – жүргізуші
Ей, жараңдар, жараңдар!
Біздің жаққа қараңдар.
Еліме Наурыз келді деп,
Той дабылын қағыңдар!
Той шашуын шашайық,
Наурыз тойын ашайық.
Мектепті бір жаңғыртып
Әсем әнге басайық!
ән: Наурыз орындайтын барлық ауыл
І – бөлім. «Кел танысайық» (ауыл адамдары өздерін таныстырады)
1 - жүргізуші
Ұшады аққу көлден қазыменен,
Жүреді көл жағалап жазыменен
Жарасар ойын –күлкі, ән менен би
Ойыңды баурайтұғын назыменен деп, ------------------------------------ биімен тамашалайық.
2 - жүргізуші
Қазақтың түрлі – түрлі дәстүрі бар,
Оның сырын ашқанға жұрт қызығар.
Жауаптарын табар ма екен отырғандар
Сол себептен қоятын сұрақтар бар.
ІІ – бөлім «Ағаш көркі – жапырақ » (сұрақ - жауап)
1-жүргізуші
Ал, халайық, тұрмайық,
Әндетейік, шырқайық,
Думандатып би билеп,
Өнерден күмбез жасайық!
Келесі кезекте ортаға ------------------------------------ шақырсақ.
ІІІ – бөлім. «Ұлттық ойындар» (әр ауыл бір ұлттық ойын таныстыру, көрсету )
1 - жүргізуші
Армысың, ауылымның асылдары,
Жайнасын көңілдердің жасыл бағы.
Сендер үшін ән мен күй, өлең мен би
Сендер үшін мереке шашулары демекші ------------------------------шапалақпен шақырсақ
Бидай, күріш, тары бар, Бар сүт пен шұжығы. Ащы құрты тағы бар, Көже елдің ырзығы , - дегендей әр ауылдың наурыз көжесінің дәмін татып «Дәмді көжені» анықтау үшін ортаға ауылымыздың екі ақжаулықты аналарын шақырамыз.
Кеш соңында ауылдың адамдарын әр түрлі номинациялармен марапаттау.