Тәрбие сағаты "Менің Қазақстаным-менің болашағым"

Тақырыбы: «Менің Қазақстаным-менің болашағым»

Мақсаты: Отанды сүюге. Ата Заңымызды қадірлеуге, туған еліне, жеріне деген сүйіспеншілікке тәрбиелеу. Еліміздің рәміздерін қастерлеуге үйрету. Оқушыларды достыққа, адамгершілікке, елінің мұрасын жалғастырушы азамат болуға тәрбиелеу.

Ойларын жүйелі түрде жеткізе білу, шығармашылықпен жұмыс жасап, мәнерлеп өлең оқып, мағынасын түсіне білу дағдыларын дамыту.

Көрнекілігі: Елбасы суреті, Қазақстан Республикасының картасы, рәміздер, қанатты сөздер, Астана қаласына байланысты суреттер.

Әдісі: сұрақ-жауап, әңгімелеу, түсіндірмелі, көрнекілік.

Сабақтың барысы.

І. Ұйымдастыру кезеңі. Психологиялық дайындық.

«Шаттық» шеңбер.

Бір шаңырақ астында,

Қазақстанда тұрамыз.

Бірге сайран құрамыз,

Бір үйде біз тұрамыз.

Құт, береке-шаңырақ,

Орын алған ол төрде.

Билігім өз қолымда-

Еркіндігім-Елімнің!

-Балалар, «Отан дегеніміз не?» Отан дегеніміз-адамның туып-өскен жері, туған- туысқандарымен, жақындарымен, бірге тұратын атамекен. Қазақ елінде тұратын адамдардың Отаны ҚР-сы.

Тәуелсіз ел–Қазақстан арайлы

Бүгін саған әлем түгел қарайды

Тәуелсіздік тұғыры бұл халқымның

Бейбітшілік таңы әр кез арайлы

Бүгінгі тәрбие сағатымыздың тақырыбы: «Менің Қазақстаным – менің болашағым»

Еліміз 1991 жылы 16 желтоқсанда өзінің тәуелсіздігін жариялап, дербес мемлекет болды. Бүгінде Қазақстан елі дүние жүзіндегі көптеген елдермен достық қарым-қатынас орнатқан әлемге танымал елге айналды. Қазақстанның тұңғыш рет өз Ата заңы қабылданды. Тәуелсіздік туы, көк байрағы желбіреп, асқақтаған Әнұраны шырқалуда Қазақстанның жаңа Астанасы күннен күнге жаңарып гүлденуде. Егеменді тәуелсіз Қазақстанды бүкіл әлем таныды.

Сұрақтар.

1. Ұлттардың бірлігі, татулығы ? Достық

2. Елордамыз қай қала? Астана

3. Біз қай ұлтпыз? Қазақ

4.Мемлекеттің рәміздеріміздің бірі? Әнұран

5. Қазақстан жері қандай? Қазақстан жері үлкен, әдемі, әрі бай.

Туған жерін сүймейтін адам жоқ. Олай болса, туған жер туралы қандай мақал-мәтелдер біледі екенбіз?

1.Туған жер-тұғырың

Туған ел-қыдырың.

2.Туған жердің күні де ыстық, түні де ыстық.

3.Туған жер-алтын бесік.

4.Туған жердің топырағы да ыстық.

5.Отан-оттан да ыстық.

Қорытынды: Біз-тәуелсіз қазақ елінің ең жас жеткіншектеріміз. Сондықтан өз жерімізді, өз елімізді, әкелеріміз бен аталарымыз сияқты қадірлеуге, сүюге, қорғауға тиісті екенімізді естен шығармайық дегім келеді.