Рухани байлы? ?ясы – кітапхана

Рухани байлық ұясы – кітапхана

Тәрбиелік мәні: оқушыларды кітапхана өмірімен таныстырып, кітапты сүйе білуге, кітапты күтіп ұстап, қадірлей білуге, кітапханашы еңбегін бағалай білуге баулу.
Көрнекілігі: кітап көрмесі, білім жайлы даналық сөздер, плакаттар,слайдтар.
1-жүргізуші: Сәлеметсіздер ме, құрметті қонақтар, ұстаздар, оқушылар, қадірлі замандастар!
2-жүргізуші: Біздің кітапхана мен 7 - сынып оқушылары дайындаған «Рухани байлық ұясы – кітапхана» атты кешімізге қош келдіңіздер!
1-жүргізуші:
Білесің бе кітап білім ұясын,
Келесің, мұнда өмірге азық жиясың.
Оқып - біліп, зерттеп көріп санаңа,
Терең білім, ой маржанын құясың.
2-жүргізуші:
Дейді ойшылдар: «Кітап - білім бұлағы»
«Кітапхана - сол кітаптар тұрағы»
Көп үйреніп, көп оқыған баланың
Анықтұғын білімпаз боп шығары
1-жүргізуші:
Иә, кітапхана - бір әлем. Кітапханашы қолымен жасалған «Тілдердің үштұғырлығы», «Ата Заңымыз –ең үлкен тарихи жетістігіміз», «Елбасы мұраты- ел бақыты, Гүлденген Қазақстан», «Тәуелсіздік - ел тірегі», «Қазақ тілі – байсалды баба тілім,», «Ел және Елбасы» кітап көрмелері, «Қазақстан Халқы Ассамблеясына - 20 жыл» «Ұлы Ерлікке тағзым», «Отбасы - адам баласының өсіп-өнер алтын ұясы» бұрыштарымен, «Салауаттылық - өмір салты», «Ас - адамның арқауы», «Тіл - асыл ойдың бұлағы», «Табиғат - адам баласының бесігі» тақырыптық көрмелері кітапханадан өз орнын тапқандай.
1-жүргізуші:
Рухани байлық ұясы – кітапхана,
Бәріңе аян кітапхана мекені.
Кітаппенен болуға баулитын
Кітапханашы мұнда қызмет етеді
2-жүргізуші:
Өмір мәні - өнер менен білімде,
Құштар болсаң көп құмартып білуге.
Қарсы алып, сені дәйім күлімдеп
Жөнін айтып, жол нұсқайды білімге.
1-жүргізуші:
Сұраған тақырыбыңды оңай тауып алуыңа көмектесіп, библиографиялық шолулар жасап, ертеңгілік, кештер, түрлі ойындар ұйымдастырып тыным таппайтын кітапханашылар еңбегі бір төбе.
2-жүргізуші:
Құнды байлық баға жетпес бұл өте.
Ән орындалады.
1-жүргізуші:
Енді кітапхана өмірінен мағлұмат беріп, кітаптың бағасын баяндайтын «Кітап - досың, ақылшың» атты көріністі тамашалаңыздар. Екі ұл сабақтан шығып келе жатыр.
Диас: Дарын, жүрші біздің үйге барайық, үйде ешкім жоқ, екеуміз әңгімелесіп отырып шай ішейік.
Диас: Мақұл, бірақ мені іздеп қалады ғой.
Дарын: Олай болса ескертіп кетейік.(Екі дос Диастың анасынан рұқсат алып Дарынның үйіне келеді).
Диас: Дарын, сен альбом қарап отыра тұр, мен тездетіп шай дайындап жіберейін.
Дарын: Диас, құймағың өте дәмді екен, қайдан үйреніп жүрсің?

Диас: Оны досымнан үйрендім. Ол бәрін біледі. Мен басқа да тамақтар жасай аламын.

Дарын: Ол кім? Менімен неғып таныстырмай жүрсің? Біз жан достар емеспіз бе, қайда тұрады? Менімен таныстыршы, әлде таныстырғың келмей ме ?
Диас: Неге, Дарын, мен сенен ештеңе жасырған емеспін, қаласаң қазір танысты-
райын.
Дарын: Мүмкін ол менімен танысқысы келмейтін шығар?
Диас: Жоқ, Дарын, сен оны сүйсең, ол сені сүйеді.
Дарын: Жүр ендеше кеттік, алыс тұра ма? (Екеуі мектепке келіп, кітапханаға кіреді, кітапханада кітапханашы апайдан басқа ешкім жоқ).
Диас: Дарын, досың қайда, қашан келеді?
Дарын: Досым осы жерде, қазір апайдан сұрап білеміз.
Диас: Апай, мына ұл менің досым, кітапханаға жазылғысы келеді.
Дарын: Әуелі досыңмен танысайық та.
Диас: Менің досым - кітап, ол маған бәрін үйретеді, сен де онымен достасып кетесің.
Дарын: («Ас — адамның арқауы» кітап бөлімінен «Ас дайындай білесің бе?» атты кітапты әкеліп беріп). Оқып көр мұнда бәрі бар.
Диас: (Оқып көріп қуанып кетті). Рахмет, достым, апай мына кітапты менің атыма жаздырып беріңізші.
Кітапханашы: Кел, кел, айналайын біздің кітапханадан іздеген кітабыңды табуға болады. Кітаппен дос бол, ол өмірлік серігің.
2-жүргізуші: Міне, құрметті замандастар, сіздердің тамашалап отырғандарыңыз кітапхананың бір сәттік өмірі. Кұрметті қонақтар, «Кітап - білім бұлағы» десек, «Кітапхана - білімпаздар мекені», олай дейтіндігіміз - мектеп кітапханасы кішкентай болғанымен, атқарар қызметі үлкен. Кітапханаға оқушылар келіп, қажетті әдебиеттерін жазғызып алып, білімдерін толықтырады.
Кітапхана - оқушылардың шығармашылықпен шұғылданатын өте тиімді
орны. Өйткені, мұнда түрлі тақырыпта көрмелер жасалып, көптеген іс-шаралар өткізіліп отырады. Мысалы: «Кітап - білім бұлағы», «Мың бір мақал, жүз бір жұмбақ», жеңіс күніне арналған «Ұлы Ерлікке тағзым» атты ашық тәрбие сағаты,

«Б. Соқпақбаевтың 90 жылдығына орай 7- сыныптар арасында «Менің атым Қожа» кітабынан танымдық сағат», халықаралық балалар кітабы күні қарсаңында «Кітап-білім бұлағы» атты сұхбат, «Бар қазақ қадірлеген Қадыр Ақын» атты поэзия сағаты, т.б тақырыптарда өздерінің куә болып жүрген түрлі танымдық ойындар, библиографиялық шолулар, ашық тәрбие сағаттары, танымдық сағаттар. Соның бір айғағы - бүгінгі өткізіліп отырған кеш.
Кітапханамыз жыл сайын жаңа буын оқулықтарымен, электронды оқулықтармен әдебиеттермен толықтырылып отыр.
Еліміз егемендік алып, тәуелсіз мемлекет болғалы кітап шығару ісі қолға алына бастады. Соның бір дәлелі кейінгі жылдары «Алматыкітап», «Атамұра», «Жазушы», «Мектеп» баспаларынан шыққан кітаптар.

Сөзімді қорыта келе,

Білім сүйсең, кел күн сайын осында,

Кітап сенің айналады досыңа.

Талаптансаң үйренуге құмартып,

Келгін, жас дос, ізденейік, қосыла,- дей отырып, кітапханаға жиі келіңіздер, бірге ізденіп, бірге оқиық, бірге жұмыс жасайық демекпін!

Біздің кітапхана кішкентай болғанымен , атқаратын қызметі үлкен.Иә , біз кітапханашы апайлар, кімнің неше кітап оқығаны, неше рет өлең, шығарма жазып, сурет салғаны және кімдердің кітапханаға келіп жүргені туралы есеп жүргізіп отырады.

Кітапхана - білімпаздар мекені , оқушылар кітапханаға келіп кітап алып оқып, кітаптан керекті тапсырмаларына дайындалады, білімдерін жетілдіреді.