Просмотр содержимого документа
«Мен өмірді қалаймын!»
«Қызылорда ОІІД ЕБҚКБ
тарапынан жарияланған сайысқа»
Мен өмірді қалаймын
Есірткі... Осы бір ғана сөз қаншама тағдырдың балтасына айналды. Жиырма бірінші ғасыр-технологиялар ғасыры,жаңашылық ғасыры дегенімізбен де,кері тұстарын да көріп жүрміз. Əрине,барлығына бірдей топырақ шашу дұрыс емес,бірақ сонда да есірткінің ізінен кеткен көптің бірін көргенде жүрегің езіледі. Неліктен бұлай болды? Неліктен бұл адам өмірін бір есірткіге айыр бастады?Əлде араласатын ортасы сондай ма екен? Енді əрі қарай өмірі не болмақ? Осындай сан мыңдаған сұрақтар əрқайсымызды мазалайды. Жалпы адам əр басқан қадамын ойланып басу керек. Əсіресе,есірткінің зияннан басқа əкелер түгі жоқ. Ең бірінші,ол адамның денсаулығы мен келешегіне зардап тигізуде,екіншіден, сол адамның отбасының, туыс-тумаларының жанын ауыртуда. Расымен,баласы үшін ең бірінші уайымдайтын осы кісілер ғой. Ал үшіншіден,өзінен кейінгі жастарға да бұрыс мысал келтіруде. Себебі,қазір жастар еліктегіш келетіні бəрімізге мəлім. Сол себепті, бұндай істердің соңы ешқашан да жақсылықпен аяқталмайды. Осы тұста менің бір байқағаным,есірткіні қолданатын - жастар. Бұл не деген сөз?Яғни, отбасында дұрыс көңіл аударылмай қалған бала болуы мүмкін немесе араласатын достары нашар болуы мүмкін. Бір өкініштісі,отбасында жақсы тəрбие алған балалар да есірткіге əуестеніп кетеді. Біз əлі жаспыз, қызуқандымыз,бойымызда күш-қуат тасып тұр. Сондықтан, бүкіл жасөспірімдер мен жастардан өтіне сұрауым,өзіміздің энергиямызды дұрыс бағытта жұмсайық. Кітап оқиық,тілдер үйренейік,өнермен айналысайық, жан-жағымызға көзімізді ашып қарайық,дұрыс пен бұрысты,ақ пен қараны ажырата білейік. Өзіміздің ең қызықты, балғын жастық шағымызды өкінбестей өткізейік. Енді келесі мəселе, ауызбен айту бəрімізге оңай, бірақ есірткіге тəуелді болып қалған жастарға не істейміз? Олардан қорықпай, қоғамнан шеттетпей, жан-жағынан қолдау көрсете білуіміз керек. Өйткені, олардың өзіне психологиялық жағынан өте қиын. Мүмкін, олардың арасында есірткінің дəмін байқамай татып та қойғандары бар шығар. Сондықтан, жағдайдың анық-қанығына көз жеткізбей тұрып, оларға ұрыса бермей, бірден арнайы орындарға жатқызып емдеу керек жəне оларды психологқа апару керек деп ойлаймын. Меніңше, осы кезде біздің қаншалықты дамыған өркениетті ел екенімізді дәлелдейміз. Бірақ, əрине, нашақорлықтың мүлде болмағаны жақсы. Ол үшін жастарға көп көңіл аударылуы қажет. «Келесі жылды жастар жылы деп жариялап, іс-шаралар өткізу керек, оған біздің тәжірибеміз бар. Жастарымызды, Қазақстанның болашағын әр салада қолдауымыз керек» -деген болатын Нұрсұлтан Әбішұлы Назарбаев өз Жолдауында. Демек Елбасы жастарға зор сенім артып отыр, тәуелсіз еліміздің болашағы –жастар. Сондықтан жастарымыз қоғамдық жұмыстарға көп тартылып, мәдени-көпшілік шаралар ұйымдастыруда белсенділік таныту қажет. Зиянды заттарға əуестенетіндей жастардың уақыты да болмауы қажет. Ол үшін түрлі акциялар, зияткерлік ойын-сауықтар мен іс-шаралар көп ұйымдастырылуы қажет. Мысалы, соғыс ардагерлеріне көмек көрсету, немесе "Күніне бір жақсы іс " акциясы, буккросинг іс-шаралары жəне тағы басқалар. Сол кезде біздің ішкі жан дүниеміз де гүлдене бастайды, айналамызға да септігіміз тиеді жəне жаманшылықтардан аулақ жүреміз. Мен осы үндеуім арқылы тым болмаса бір адамға пайдам тисе деймін. Қымбатты достар! Өз еліміздің болашағына өз үлесімізді қосайық! Өсейік. Ойланайық. Гүлденейік. Жаман әдеттерден аулақ болайық! Барлығы өз қолымызда.
Сахитжанова Дана
№ 273 орта мектебінің
9 «Ә» сынып оқушысы
«Қызылорда ОІІД ЕБҚКБ
тарапынан жарияланған сайысқа»
Әкелген адамға талай мұң, Жалмаған өмірін талайдың Есірткі атаулы болмайтын Бейкүнə өмірді қалаймын.