«ҚЫЗЫЛОРДА ОІІД ЕБҚКБ ТАРАПЫНАН САЙЫСҚА» Мен өмірді қалаймын

«ҚЫЗЫЛОРДА ОІІД ЕБҚКБ ТАРАПЫНАН

ЖАРИЯЛАНҒАН САЙЫСҚА»

Мен өмірді қалаймын

Ауа, су, азық, киім, ақша. Бұлар әр адамның өмір сүруіне жеткілікті дүниелер. Ал өмірді мәнді ету үшін не жеткіліксіз деп ойлайсыз? Әрине өмірге деген құштарлық.

Тал бесіктен жер бесікке жеткізетін жылдарға,

Танылатын айыппенен, сынау бар ма, сын бар ма

Құштарлықсыз мәнсіз өмір сүрмеу керек дейміз-ау

Құлақ болса елең етіп, назар салып тыңдарға.

Біз жарық дүние есігін ашқан сәттен бастап өмірге деген талпынысымыз байқалады. Естіген нәрсені көрмекке, көрген нәрсені білмекке ұмтыламыз. Ал жарық дүние деп отырғанымыз Алланың бізге берген аманаты деп түсінемін. Сол аманатқа қиянат келтіріп жүргендер де жоқ емес. Өз өмірін мәнді етудің орнына заман ағымына еріп, жаманның соңына түсікендер де қаншама. Олар аялы алақан мен мейірімділікке құштар, өмір сынағына төтеп бере алмай басы арбауға түскен және қалтасы қалың бірақ көкірек сәулесі жоқ жандар.

Қазіргі таңда белең алып отқан, мені ғана емес әлемді алаңдатқан кесел бар-ды.Ол- есірткімен күресу. Одан қалай арыламыз деген сұрақ талқыға түскелі де қанша уақыт. Ел ішінде нашақорлық саны жыл сайын артып келеді. Оған еліктеушілер өлімнің не екенін ұғына білмейтін жастар.

Есірткі –ерекше және өлімге әкеліп соғатын сфера және бұл жерде гуманизм принциптерін қаншалықты қолдану толғандырады. Елбасымыз өзінің «Қазақстан-2030: Барлық Қазақстандықтарының әл- ауқатының артуы, қауіпсіздігі және қал-ахуалының жақсаруы» атты жолдауында: «Есірткені жеткізгені және таратқаны үшін қатаң жазалау қажет» деп атап көрсетті.

Абай атамыз өзінің отыз бірінші қара сөзінде: Естіген нәрсені ұмытпасқа төрт түрлі себеп барын, оның ішінде төртіншісі- ой кеселді нәрселерден қашық болу, егер кез болып қалса, салынбау керектігіне тоқталып өткен.
Баласы үшін қан жылаған ананың, күреске түскен дәрігерлердің, мәселе шешімін іздеген жоғарыдағы ағаларымыздың, өмірге деген ықыласы таудай достарымның басынан бұл қара бұлт арылса, өмір жолындағы саяхатымыз мәнді де мағыналы өтер еді. Сол үшін де жеңіс жолында аянбай еңбек етейік достар!

№271 орта мектебінің

10-сынып оқушысы

Жанғабыл Аружан

«ҚЫЗЫЛОРДА ОІІД ЕБҚКБ ТАРАПЫНАН

ЖАРИЯЛАНҒАН САЙЫСҚА»

Мен өмірді қалаймын!

Бірі білмес, бірі ұғып,

Жаратқан бәрін құнды қып.

Уақыт және сенімің,

Өлшемі жоқ құндылық.

Қырық күндік басқа азап,

Болады біркүн ішсе арақ.

Келгенін қолдан жасайды,

Кеткенінше ол тарап.

Бұрмалап айтып сөздерін,

Сенімін жойып өзгенің.

Күштімін деп санайды

Барлығынан өздерін.

Құмартып одан қызыққа ап,

Ұнтаққа болар қызықпақ.

Кетерін қайдан білсін ол,

Отбасынан ұзақтап.

Уақыты шіркін күтерме,

Өмірі өтті-ау бекерге.

Қызыққа толы қайда екен,

Балаған шағы шекерге.

Тағдырға сонша күйініп,

Нелерге жүр ол күйініп?!

Сезбей ме сонда жатқанын

Өмірі бірте қиылып.

Ашардай бұлар көзімді,

Жігерге байлап өзімді

Сынақтан өткем мұқалмай

Бойыма жинап төзімді.

Атарын біліп арай күн,

Мен бірақ өмір қалаймын.

Құмартпай қашық істерге

Белесін алам талайдың.

Айналам әсем қарасам,

Сүрмекке өмір таласам.

Өз-өзіңді әй, достым

Қадірле, дұрыс санасаң..!

№271 орта мектебінің

10-сынып оқушысы

Жанғабыл Аружан