Яшел Үзәнебезгә 85 ел

Сыйныфтан тыш эшчәнлек

Яшел Үзәнебезгә 85 ел

Аңлатма язуы.

Нәрсә соң ул тарих? Ул - туган илебезнең, халкыбызның тормышын өйрәнә. 2017 нче елда туган шәһәребезгә -Яшел Үзәнгә 85ел була.

«Үткәнен оныткан халыкның киләчәге юк» дигән девиз астында сыйныфтан тыш дәресләр үткәрелә.

Дәресләр өч юнәлештә алып барыла:

1. «Без - тарихта эзлебез»;

2. Яшел Үзәннең үткәне,бүгенгесе, киләчәге;

3. Укучыларда туган якны ярату тәрбияләү.

“Без - тарихта эзлебез”юнәлешендә шәһәребезнең тарихын, мәдәниятен, рухи мирасын, якташ язучы, шагыйрьләрнең иҗатын өйрәнү максаты куелды

Икенче юнәлешебез - Яшел Үзәннең үткәне,бүгенгесе, киләчәге дигән тема астында кызыксыну тәрбияләү.

Өченче юнәлеш түбәндәге эшчәнлекне күздә тота: укучыларга әхлакый тәрбия бирү, туган ягыбызны ярату;

Югарыда саналган юнәлешләр буенча эш алып бару- болар барысы да белем алуга кызыксыну уята, үзара аралаша белү күнекмәләрен үстерә.

Дәресләр атнага бер тапкыр 1 сәгать үткәрелә. Уку елы дәвамында 35 сәгать тәкъдим ителә.

Максат.

Туган якны, аның табигатен, халыкны, аның бай тарихын, халкыбыз һөнәрләрен, иҗатын, үзенчәлеген өйрәнү аша укучыларны рухи яктан бай, иҗади сәләтле, югары мәдәниятле, камил шәхес итеп тәрбияләү.

Бурычлар.

• иҗади шәхес тәрбияләү өчен тиешле шартлар тудыру

• әхлакый һәм рухи культура тәрбияләүдә якташыбыз К.Насыйри хезмәтләренә таяну;

• милләтара аралашу культурасы тәрбияләү;

• белем һәм күнекмәләре буенча башкалар белән ярышырлык шәхес
  формалаштыру;

• әйләнә-тирәгә кешелекле мөнәсәбәт тәрбияләү;

• көтелмәгән хәлләр, вакыйгалар килеп чыкканда үз-үзеңне дөрес тота белү сәләтен үстерү.

Көтелгән нәтиҗә.

«Үткәнен оныткан халыкның киләчәге юк» программасы буенча укучы балалар:

• Җирле якның тарихын, аның күренекле шәхесләрен, язучыларны аларның
  хезмәтләрен танырга һәм белергә;

• төрле рефератлар, докладлар язу өчен әдәбият белән кулланырга һәм аларны
  дөрес, камил итеп яза белергә;

• эзләнү эшләре алып барырга, җыелган материалларны анализларга, доклад
  формасында аларны җыерга һәм бу эшнең нәтиҗәсе буларак төрле фәнни-
  гамәли конференцияләрдә катнашырга тиеш;

Материаль-техник база.

Яшел Үзәннең шәһәр музей экспонатлары.