Рәвеш төркемчәләре

Рәвеш төркемчәләре

Хәкимуллина Хәмдия Равилевна, Казан шәһәре Совет районы

“ 11 нче татар гимназиясе”нең

1 нче квалификацион категорияле туган (татар) тел һәм әдәбияты укытучысы

Татар телендә рәвешнең 6 төркемчәсе бар.

6

Сораулары:

• Саф рәвеш – ничек ?
• Күләм-чама рәвеше – күпме ?
• Охшату-чагыштыру рәвеше – ничек?
• Вакыт рәвеше – кайчан ?
• Урын рәвеше – кайда ?
• Сәбәп-максат рәвеше – ни өчен ? нигә ?

Саф рәвешләр:

• Әкрен, салмак, тиз, ачыктан-ачык, тын, кинәт, кызу, тегеләй, болай, аягүрә, яланаяк, ашык-пошык, җәяү, бертавыштан, өзлексез, искәрмәстән, төрлечә.

Күләм-чама рәвешләре:

• Күп, аз, байтак, шактый, озак, бик, бераз,бөтенләй, тулаем, тулысынча, өлешчә, сирәк-мирәк, еш-еш, вакыт-вакыт, көн-төн.

Охшату-чагыштыру рәвешләре :

• Олыларча, кешечә, үзенчә, алтындай, көндәй, яшьләрчә, сөлектәй, көзгедәй, көмештәй, мамыктай, корычтай, китапча, картларча.

Вакыт рәвешләре:

• Былтыр, кичә, бүген, элек, кышын, җәен, язын, көзен, башта, күптән, тиздән, хәзер, соң, бераздан, аннары, яңа гына, көндез, иртән, кичен, иртәгә, быел.

Урын рәвешләре :

• Еракта, ары, бире, югарыда, түбәндә, якында, ерак, якын, югары, түбән, янәшә, рәттән .

Сәбәп-максат рәвешләре :

• Кирәккә, бушка, кирәкмәсә, юкка, юри, тикмәгә, тиктомалга, заяга, әрәмгә.

Рәвеш дәрәҗәләре.

• 1.Гади дәрәҗә: кушымчасы юк (ерак, хәзер, байтак)
• 2.Чагыштыру дәрәҗәсе: -рак, -рәк (соңрак, иртәрәк)
• 3.Артыклык дәрәҗәсе: иң, өр-, бик сүзләре (иң ерак, өр-яңадан, бик югары)