?аза?стан Республикасыны? р?міздері.

Мемлекеттік рәміздерді заңнамаға сәйкес пайдалану әдістемесі

Ұлттық стандарттарға сәйкес Ту таза, кірленбеген, жіптері ширатылмаған, түсі анық болуы тиіс. Тудағы қыран қанатының қауырсындарының саны 9 болуы тиіс. Ту тұғырды алтын түстес болуы ұсынылады.

Елтаңбаның ұлттық стандартқа сәйкестігін анықтау үшін төменде көрсетілген белгілердің өзгерістерге ұшырағанына назар аудару қажет

Мемлекеттік Гимнді дұрыс жазу үлгісі

Қазақстан Республикасының Мемлекеттік Гимні

Сөзін жазғандар: Жұмекен Нәжімеденов, Нұрсұлтан Назарбаев

Әнін жазған: Шәмші Қалдаяқов

Алтын күн аспаны,

Алтын дән даласы,

Ерліктің дастаны,

Еліме қарашы!

Ежелден ер деген,

Даңқымыз шықты ғой.

Намысын бермеген

Қазағым мықты ғой!

Қайырмасы:

Менің елім, менің елім,

Гүлің болып егілемін,

Жырың болып төгілемін, елім!

Туған жерім менің - Қазақстаным!

Ұрпаққа жол ашқан,

Кең-байтақ жерім бар.

Бірлігі жарасқан,

Тәуелсіз елім бар.

Қарсы алған уақытты

Мәңгілік досындай,

Біздің ел бақытты,

Біздің ел осындай!

Заңнамаға сәйкес ғимаратқа кіреберіс маңдайшада орналасқан Тудың көлемі 1х2 метр, Елтаңбаның көлемі 500 миллиметр болуы тиіс

Заңнамаға сәйкес 1-5 қабатты ғимараттарда көлемі 1х2 метрлік Ту және 1 метрлік Елтаңба пайдаланылады. Рәміздер түнгі уақытта жарықтанып тұруы керек.

Заңнамаға сәйкес 6-9 қабатты ғимараттарда көлемі 1,5х3 метрден 2х4 метрге дейінгі Ту және соңғы қабаттың жабу деңгейінде 2 метрлік Елтаңба ілінеді. Ал 9 қабаттан жоғары ғимараттарда 2х4 және одан үлкен Ту мен 3 метр және одан үлкен Елтаңба орналастырылады

Рәміздердің бірінші басшының кабинетінде орналасу тәртібі: бірінші Ту (1х2 метр), екінші Елтаңба (500 миллиметр) реттілігін сақтай отырып, басшының артқы жағында орналасады

Рәміздердің залда орналасу тәртібі: бірінші Ту (1х2 метр), екінші Елтаңба (0,5 метр) реттілігін сақтай отырып, төрағалық етушінің орындығының артқы жағында орналасады

Заңнамаға сәйкес рәміздердің бейнелерін стендке, сайтқа орналастыру барысында олар әсем безендірілуі және Ту, Елтаңба, Гимн реттілігін сақтауы тиіс

Қазақстан Республикасының Әкімшілік құқық бұзушылық және Қылмыстық кодекстеріне сәйкес мемлекеттік рәміздерді дұрыс пайдаланбағаны үшін жауаптылықтар

Әкімшілік құқық бұзушылық кодексінің 354-1-бабы:

1. ҚР Мемлекеттік Туын, Мемлекеттік Елтаңбасын және олардың бейнелерін заңсыз пайдалану, сондай-ақ ҚР заңнамасының талаптарын бұза отырып, ҚР Мемлекеттік Гимнін пайдалану және орындау - екі жүз айлық есептік көрсетіш мөлшерінде айыппұл салуға әкеп соғады.

2. Мемлекеттік рәміздерді пайдалану міндетті болып табылатын жағдайларда оларды пайдаланбау – лауазымды адамдарға екі жүз айлық есептік көрсеткіш мөлшерінде айыппұл салуға әкеп соғады.

3. Осы баптың бірінші және екінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер – төрт жүз айлық есептік көрсеткіш мөлшерінде айыппұл салуға әкеп соғады.

Қылмыстық кодекстің 317-бабы:

ҚР Мемлекеттік рәміздерін қорлау – бір мыңнан екі мыңға дейінгі айлық есептік есептік көрсеткіш мөлшерінде айыппұл салуға немесе бір жылға дейінгі мерзімге бас бостандығынан шектеуге не нақ сол мерзімге бас бостандығынан айыруға жазаланады.