Арайлы алтын к?з!

Тақырыбы: «Арайлы алтын күз»
Мақсаты:
1. Алтын күз сайысына қатысушылардың арасынан күз ханшайымын және күз ханшасын анықтау.
2. Күз айлары туралы білетіндерін ортаға сала отырып, оқушылардың сайысқа деген қызығушылығын, ынтасын арттыру.
3. Табиғатты сүюге тәрбиелеу.
Көрнекілік: шарлар, плакаттар, ойыншық машинка, кілт, әшекейлі бас киім, слайд,мақтау қағазы.

Жоспары:
1. Таныстыру.
2. Күз тағамы.
3. Сән көрсету.
4. Өз өнерін көрсету.

6 «ә» сынып оқушысы_____________, ән «Аспанға қараймын»

1-жүргізуші: Сәлеметсіздер ме, құрметті ұстаздар, оқушылар!

2-жүргізуші:Армысыздар, қадірменді қонақтар! Бүгінгі «Арайлы алтын күз» кешімізге қош келіпсіздер!
1-жүргізуші: - Уа халайық, халайық
Мында назар салайық
Мерекесі халықтың
Алтын күзге арналған
Кешімізді бастайық - деп кешімізді бастауға рұқсат етіңіздер.
2-жүргізуші: Біздерде ойын - сауық басталады
Тамаша күй тартылып, ән салады.
Қошеметтеп қол соғып отыралық
Ұмытармыз күні бойы шаршағанды.
Аққудай әдеміміз, сұлу жанбыз
Жан сұлуы мен тән сұлуын тепе - тең ғып
Еріксіз өзімізге қаратамыз - деп сайысқа қатысушыларды ортаға шақырамыз.
1-жүргізуші: - Ендеше сайысқа қатысушыларды таныстырып өтелік.
Сахнаға қатысушылар шығады

2-жүргізуші: Баяғы өткен заманда

Дін мұсылман аманда

Әділдік іздеп екі адам

Биге барып бас қосқан,

Ал, бүгінгі заманда

ЖЮРИ деген ат шыққан

Қазақшаға аударған соң,

Әділ қазы деп шыққан.

Әділ-қазылар алқасымен таныс болыңыздар!

Әділ-қазылар:

2-жүргізуші: Жюримен таныс болдық, Ортамызға 6 «а» сыныбын шақырамыз. Би «Арива»

1-жүргізуші: Сайысымыз 4кезеңнен тұрады.

2-жүргізуші:

1. Таныстыру

2. Күз тағамы.

3. Сән көрсету.

4. Өз өнерін көрсету..

1-жүргізуші: Сайысымыздың 1-кезеңінде «Арайлы алтын күз» сайысына қатысушылардың өзін - өзі таныстыруы. (Әр сайыскер өзін-өзі таныстырады).
2-жүргізуші: Жапқандай жапырағымен іздерді,

Қуантып байлығымен ізгі елді,

Бір тойдырып қайту үшін елімді,

Сабырлы сары алтын күз келді.

1- жүргізуші: Иә, міне жыл сайын тойлап өтетін үлкен мерекенің бірі. «Алтын күз» мерекесі де келіп жетті.
2-жүргізуші: Бұл мереке мектеп өміріндегі дәстүрлі мерекелердің бірі. Күзде жеміс жидектер пісіп, алтын астық қамбаға құйылатын, төлдер өсіп санаққа қосылатын кезең.
1- жүргізуші: Күз - береке, сән - салтанат мереке айы, жиын - терім аяқталған кезде еңбекшілер «Сабан тойын» өткізсе, мектепте «Алтын күз» мерекесі мерекеленеді.
2-жүргізуші: 7 «а» сынып оқушылары «флешмоб».

1 жүргізуші: Ал енді,сайысымыздың 2-ші кезеңі.

«Күзгі тағамы». Тағамын таныстыру.

2-жүргізуші: Ән салса әншілерім таң қаларсың,

Әр сөзін 99 рет қайталарсың.

Сондай ән туғызған қазағымды,

Қалайша тар пейіл деп айта аларсың-дей отырып, 5 «а» сынып оқушысы Агзамов Алишерді ортаға шақырамыз.

1-жүргізуші: Ән , 5 «ә» сынып қыздары.

1-жүргізуші: Сайысымыздың 3-ші кезеңі.
2-жүргізуші: 3-бөлімінде . «Сән үлгісін» көрсету.

Әр қатысушы алдын-ала дайындаған киім үлгісін көрсетеді.Қарсы алыңыздар!

2- жүргізуші: «Чих слона» ойыны.

Сіздер пілдің түшкіргенін білесіздер ме?Оны білу үшін залды 3 топқа бөлеміз,адамдар саны бірдей болуы тиіс. 1-ші топ «Ящики», 2-ші топ «Хрящики», 3-ші топ «спички» деп,барынша қатты,әрі бірге айқайлау керек.Бірінші әрбір топ жеке-жекеден айқайлайды,содан соң бірге.Осы кезде пілдің түшкіргенің естиміз.

1-жүргізуші: 7 «ә» сынып «Лезгинка» биі.

1-жүргізуші: сайысымыздың 4-ші кезеңі.

Өнер жастан жаңындар

Шақырған сайыстарға бірі-бірін

Өнерпаздар,дарындылар,

Көрейік,ән ,би, күйді көрермендер.

Көрсетсін сайыскерлер өнерлерін-деп өз өнерлерін көрсетуге шақырамыз.

Сахна төріне 4 қатысушыны шақырамыз.Сіздерге мынандай тапсырма қазақша-орысша санайсыздар. Мысалы: бір-два-үш-четыре-бес-шесть-жеті-восемь-тоғыз-десять.......

2-жүргізуші: 7 «б» сынып ән.

2-жүргізуші: Қатысушыларымыздың өнерлерін көрдік,ал оған баға беретін қазылар алқасы!

1-жүргізуші: Керемет, әділ-қазылар алқасы баллдарын санағанша,

ортамызда 6 «б» сынып

2-жүргізуші: Ортамызға сайыскерлерімізді шақырамыз.

1-жургізуші: Әділ-қазылар алқасына сөз кезегі берілсін. Марапаттау рәсімі.

3- ші орын иелері ________________

2- ші орын иелері__________________

1-ші орын иелері __________________

«Күз ханзадасы мен ханшайымы» номинациясымен марапатталады.

1-жүргізуші: «Күз ханзадасы мен ханшайымының биі». (Олар билеп жатқанда басқа қатысушылар шығады.)

2-жүргізуші: Осымен «Арайлы алтын күз»кеші өз соңына жетті.Сау-саламатта болыңыздар!!!