С?з таптары ( ?айталау саба?ы)

Бастауыш   сынып   мұғалімі:

Қалымбетова Жанзира Базарбайқызы.

№133 негізгі мектебі

Жансейіт ауылы, Шиелі ауданы Қызылорда облысы

Қазақ тілі 2-сынып

Сабақтың тақырыбы:           Сөз таптары ( қайталау сабағы)

Мақсаты:                                

а) Өткен сөз таптарын еске түсіріп, алған білімдерін кеңейту.   Сөз таптарын сөйлем ішінен тауып,оған сұрақ қоя білуге үйрету,сауатты жазуға дағдыландыру.

ә) Тапсырмаларды орындау арқылы оқушылардың сын  тұрғысынан ойлауын, дербес жұмыс істеуін, алған білімдерін пайдалана білуін дамыту.

б) Оқушыларды ұйымшылдыққа, ізденімпаздыққа, шығармашылықпен жұмыс істеуге тәрбиелеу.

Сабақтың түрі:                        Саяхат.

Сабақтың типі:                        Қайталау.

Сабақтың әдісі:                       Ой қозғау,жеке жұмыс, көрнекілік, жұмбақтар шешкізу.

Сабақтың барысы:

І. Ұйымдастыру кезеңі

-Қазақ тілі- Атаң,анаң

Қуат алар Отан содан

Дүниеде ешбір асыл

Тең келмейді қатар оған.

Дұшпаның да бас иетін

Тілің ұлттық қасиетің.

Тартқан талай ұлыстар бар

Тілсіздіктің қасіретін, -деп ақын Ө. Ақыпбеков жырлаған екен.

-Ендеше, дүниеде ешнәрсе тең келмес, ұлттық қадір-қасиеттерімізді арттырар, тіліміздің қыр-сырын танытар, қазір қазақ тілі сабағы.

Үй тапсырмасын сұрау

Оқушылардан үйге берілген тапсырманы сұрап шығамын

Балалар бізге көгершін хат алып келіпті , қане ашып оқып көрейікші

Құрметті 2-сынып оқушылары бүгін сендерді ертегілер әлемі саяхатқа шақырады , менімен бірге саяхатқа шығып, көптеген ертегі кейіпкерлерімен кездесейік.

Қане жүріңдер!

Жаңа сабақ

Қане балалар барамыз ба?

Ендеше ертегіні тыңдау үшін Абай әжесіне не деуші еді?

Бұлдыр бұлдыр күн өткен,

Баяғыдан кім өткен.

Балалар мына орман ішінде жалмауыз кемпір отыр ғой, ол бізді ертегілер кейіпкерлерінің барлығын өз үйшігіне қамап қойыпты .Ол бізге егер менің тапсырмамды орындасаңдар ғана оларды босатамын деп тұр .

Қане тапсырмаларын орындаймыз ба?

Ендеше жалмауыз кемпірдің бірінші тапсырмасы. Біз бұл тапсырманы орындасақ қазақтың әйгілі ертегісі «Қаңбақ шал » кейіпкерлерін босатамыз

1-жаттығу

Сөздерге сұрақ қой. Сөздерді кестеге орналастыр

Бұркіт, күн, жасыл, бес, оқыды, жеті, үлкен, жазушы, қырық, барды, әдемі, үйренді.

2-жаттығу

Әр сөз табы туралы білетініңді айт.

1.Нені білдіреді?

2.Қандай сұрақтарға жауап береді?

Жалмауыз кемпір бұл тапсырманы орындасақ «Шалқан» ертегісінің кейіпкерлерін босатамын деп тұр

Йя балалар жалмауыздың үйінің ішінде тағы кімдер бар екен?

Бұл қай ертегінің кейіпкері балалар?

Дұрыс айтасыңдар,бұл «Қызыл телпек» ертегісі. Бұл кемпір барлығын жинап алыпты ғой, қане не тапсырма бар екен көрейік.

3-жаттығу Сөздерді оқы әр қатардағы берілген бес сөздің қайсысы артық? Неге?

1.Көк, он алты, қою, үлкен , дәмді.

2. Нешеу, жүзінші, жеті, жиырма бес, бір.

3.Бұлбұл, жел, сатушы, мың, бояу.

4.Ұшырды, жазды, келмекші, ойланды, аң.

Қап, бәлем, мыналар өте білгіш екен, мен тапсырманы қиындатайыншы , не істер екен?

Ал , балалар біз ары қарай тапсырманың бәрін орындап ертегі кейіпкерлерін түгел шығарамыз ғой?

4-жаттығу

Сұрақтардың көмегімен сөйлем құрап жаз.

Кім? Не істеді?

Қандай? Не? қайтті?

Кім? Неше? Не? не істеді?

Не? қайтті?

Бұл жолы біз «Құйыршық» ертегісінің кейіпкерлерін құтқардық. Өте тамаша.

Келесі кейіпкеріміз кім екен балалар?

Маша мен аю өзіміздің сүйікті мултигіміз , құтқарамыз ба?

Ендеше 5-жаттығуды орындайық.

Сөздерді сөз таптарына топтап жаз

Күнделік, құрт, мөлдір, мың, алтыншы, жиналды, ірімшік, кенші, пайдаоланды, жаман, ұмытпайды, шаңқылдайды, кең, ащы, екі.

Зат есім:

Сын есім:

Сан есім:

Етістік:

Қорытынды:

Міне балалар Біз жалмауыздың барлық тапсырмаларын түгел орындап ертегі кейіпкерлерін босаттық. Сонымен қатар сөз табынан өткен білімдерімізді қайталадық

Ендеше мыны тест сұрақтарына жауап берейік

Тест ұрақтары арқылы сабақты аяқтаймын

Үйге тапсырма: 7-жаттығу