Сайыс сабак презентация

Тақырыбы : «Мемлекеттік тіл- қазақ тілі»

Мақсаты: 1. Оқушылардың өткен тақырыптар бойынша алған білімдерін пысықтап, ой-өрісін, білім деңгейін көтеру.

2. Түрлі әдіс-тәсілдер арқылы оқушылардың тіл байлығын , ойлау қабілетін, қазақ тілінде еркін сөйлеу шеберлігін жетілдіру.

3. Оқушылардың мемлекеттік тілге деген қызығушылықтарын арттыру. Отанын, туған жерін, елін сүюге, халық дәстүрлерңн сыйлауға тәрбиелеу.

Түрі : танымдық ойын.

Көрінекілігі: суреттер кеспе қағаздар.

Сабақтың барысы:

Ұйымдастыру кезеңі.

-Оқушылардың назарын танымдық ойынға аудару.

ІІ Негізгі кезең. Құрметті әріптестер, оқушылар! Бүгінгі «Мемлекеттік тіл- қазақ тілі » атты тәрбие сағатымызды бастауға рұқсат етіңіздер. Тіл сайысын өткізудегі мақсатымыз- басқа ұлт өкілдерінің мемлекеттік тілге құрметпен қарауын, сонымен қатар, теледидарда жүргізілетін қазақша хабарға қызығушылықтарын арттыру.

Қадір Мырза Әли айтқандай, ұлы қазақ даласында 130-дан астам басқа ұлт өкілдері бір шаңырақтың астында татулықта, сыйластықта өмір сүріп жатқаны бәрімізге мәлім. Қазақстан жерінде тұратын әр адам Отанын сүю, мәдениеті мен тілін білу және оларды қастерлеу қасиетті борышы екенін сезіну қажет. Осындай мақсатпен біздің мектебіміздің бастауыш сыныптар арасындағы «Мемлекеттік тіл- қазақ тілі » атты тәрбие сағатымызды бастаймыз.

Сайыс 8 кезеңдерден тұрады:

Таныстыру.( топтың ұраны )

Дода

Сөз мәйегі- мақал.

Кім жылдам ?

Әріптер сайысы.

Сен білесің бе?

Ойлан тап.

Өнерпаз болсаң.

Сайыскерлердің білімін таразылап өздеріне баға беруші әділ қазылар алқасымен таныс болыңыздар:

Әр жүргізілген кезең бойынша шарттар түсіндіріліп, топтарды әділ қазылар бағалап отырады. Сайысты бастамас бұрын топ мүшелері реттік сандарын белгілеп алулары қажет. Сайысқа 3 «а», 4«а» сынып оқушыларынан бес адамнан құралған екі топ қатысады.

Сайысымыздың бет ашарын бастайық,

Көрерменді бір серпілтіп тастайық.

Таныстырсын сайыскерлер өздерін,

Өнеріне ду қол соғып қостайық - деп , кезекті сайысқа қатысушы топтарға берейік.

І Кезең «Таныстыру»

І топ: Ұлан тобы

Қалықтап көкке жас қыран,

Халықпыз сөзге тоқтаған.

Тілімен топты жаратын,

Тобымыз біздің « Ұлан»

Ұранымыз: Біз алғырмыз,намысты қолдан бермейміз.

ІІ топ «Қыран »

Шығарар намыс топты алдан ,

Дуалы ауыз тілге арман.

Сайысқа келдік біліммен,

Тобымыз біздің «Қыран»

Ұранымыз:Қырандай самғаймыз,қарсы топқа сәттілік !

ІІ кезең «Дода» бұл кезеңде әр топқа 10 сұрақ таратылып беріледі. Берілген сұрақтарға тоқтаусыз , дұрыс әрі жылдам жауап беруі керек.

І топ: Ұлан тобына

1.Қазақ әлібиінде неше әріп бар? «42»

2. ҚР мемлекттік тілі қай тіл? «қазақ тілі »

3. Қыста не жауады? «қар»

4. Жаңылтпаштың сөздері қалай айтылады «жылдам»

5.Күздің бірінші айы..... «қыркүйек »

6. Тұрлаулы мүшелерге не жатады. «Бастауыш, ьаяндауыш»

7. Абай Құнанбаевтың шын аты кім ? «Ибраһим »

8. Бір тәулікте неше сағат бар? «24 сағ»

9. Наурызда пісірілетін басты тағам? «Наурыз көже»

10. Қазақстан туының түсі қандай? «көгілдір»

ІІ топ: Қыран тобына

Абай Құнанбайұлы кім? «жазушы , ақын »

Қазақстан қандай мемлекет? «тәуелсіз»

Қыс айларын ата? «желтоқсан, қаңтар, ақпан»

Қазақ тіліне тән неше дыбыс бар? «9»

Тұрлаусыз мүшелерді ата? «анықтауыш, пысықтауыш,толықтауыш»

Жыл басы болған жануар? «тышқан»

Тамақты бұзбайтын салқын жәшік? «тоңазытқыш»

Бір жылда неше күн бар? «365»

Жүз жасаған ақын? «Жамбыл»

Сойлем неден құралады? «сөзден»

ІІІ кезең. «сөз мәйегі-мақал»

Сайыскерлер Отан, тіл, достық туралы мақалдар айтудан жарысады. «Әр тақырыпқа 5 мақалдан»

ІҮ кезең «Кім жылдам?» Берілген шашыранқы сөздерден дұрыс сөйлем құрау керек.

Бейнеленген, қанатты, жағында,екі,елтаңбаның, пырақтар.

(Елтаңбаны екі жағында қанатты пырақтар бейнеленген)

Біздің, білдіреді, шаңырақ, бір тұтастығын,Отанымыздың

(Шаңырақ біздің Отанымыздың бір тұтастығын білдіреді)

Ү кезең «Әріптер сайысы»

Топтың әр мүшесі әріп таңдап алып қойылған сұрақтарға сол әріппен басталатын сөздермен жауап береді

І топ «Ұлан тобы» (а,е,т,о,с)

Қазақ тілі пәні ұнай ма?

Досың кім?

Бай адамнын арманы не?

Бүгін қандай күн?

Сенің көзің қандай?

Кім болғың келеді?

Бала оқытатын адам?

Бос уақытында не істейсің?

Қанда тағамдар ұнайды ?

Жасың нешеде?

ІІ топ: Қыран тобына (Ә, б, м, н, ң)

Мақал білесін бе?

Есімің кім?

Аспанда не бар?

Мектептің оқушылары қандай?

Алма тәтті ме?

Қар қай кезде жауады?

Кім болғың келеді?

Сен неден қорқасың?

Сыныбыңда неше оқушы бар?

Қандай? сұрағына жауап беретін сөздер.

ҮІ кезең: «Сен білесің бе?» Берілген сөз тіркесінің мағынасын мейлінше бір сөзбен айту.

І топ Ұлан тобына

Төбе шашы тік тұрды .(қорықты)

Көз ұшында көрінеді? (алыста)

Қолды болды. (ұрланды)

Жүрек жұтқан (батыр)

Қоян жүрек (қорқақ)

Көзі ілінбеді (ұйықтады)

ІІ топ: Қыран тобына

Бетінен оты шықты (ұялды)

Араларынан қыл өтпейтін (достар)

Күлін көкке ұшыру (құрту)

Жүрек жалғап алды. (тамақтанды)

Көз шырымын алу (ұйықтау)

Көзді ашып жұмғанша (лезде)

ҮІІ кезең : «Ойлан тап »

Бұл кезең шарты екі топқа бірдей «Желтоқсан» сөзі берілген. Осы сөздің ішіндегі әріптерден жаңа сөз құрастыру.

ҮІІІ кезең «Өнерпаз болсаң» Оқушылардың дайындап келген өнерін тамашалайық.

Әрбір тілде сөйле әлемді таң қылып ,

Қазақ тілін білмеу қандай заңдылық.

Өсер болсаң, байтақ далам тұрғанда,

Қазақ тілін жасау керек мәңгілік – дей келе кезек әділ қазыларға беріледі.

ІІІ Қорытынды:

Құрметті ұстаздар мен оқушылар , «Мемлекеттік тіл- қазақ тілі » атты сайыс сабағымыз өз мәресіне жетті. Сау болыңыздар!